2 Korinther 11:23 - North Frisian New Testament (Clemens)

²³ Sen ja Kristus sin Diners? (Ik sprek tåbig) Ik sen wel moar. Ik ha moar årbed, ik hå moar Slikker fingen, ik hå åfter gefangen wessen, åft ön Doadsgefår wessen.

2 Korinther 11:23 ပူးပေါင်းရင်းမြစ်များ

Forhandlings 14:19

Mar diäraur kam er Juden van Antiochien en Ikonien, en besnakket (aurredet) dit Volk, en stinigt Paulus, en slippet höm üt di Stad; en ja ment, hi wiär stürwen.

Forhandlings 20:23

Voarbütten dit, dat di hellig Geist mi van Stad tö Stad önkindigt en said: dat Ketting en Bedrüwwing ön Jerusalem üp mi tēw.

Forhandlings 21:11

Hi nōm Paulus sin Görtel, boand sik diärme Hunden en Fet, en said: Dit sprakt di hellig Geist: Di Man, welk dös Bjält töhjert, skel di Juden ön Jerusalem sa binj; en höm ön di Heiden jar Hunden aurlewere.

Forhandlings 25:14

En üs ja manning Dagen diär wessen hed, fortält Festus di Könning di Såk van Paulus, en said: Hjir es en Man van Felix gefangen töregletten.

Forhandlings 27:1

Aurdat di Offårt na Italien beslöten wiär, aurjaw ja Paulus en hok Üdern van di Gefangenen ön di Önderhaudman, bi Nōm Julius, van di Kaisers Krigskär.

Forhandlings 28:16

Mar üs wü tö Rom kâm, jaw di Önderhaudman di Gefangenen aur ön di Opperst van di Lifwagt. Paulus fing Forlof, dat hi une küd, hur hi wild, me en Krigsknegt, diär höm bewagt.

Forhandlings 28:30

Paulus blēw tau vol Jår ön sin ein Uning, welk hi hürt hed; en nōm al dânen âp, welk tö höm kâm.

Forhandlings 9:16

En ik wel höm wege, hurvul hi foar min Nōm lid skel.

Römer 8:36

Alliküs as er skrewwen stånt: Om din wel sen wü di hile Dai ön Doadsgefår; wü ud rekent üs Sjip tö Slagting.

1 Korinther 15:10

Mar van Gottes Gnad sen ik, wat ik sen, en sin Gnad ön mi es ek foriws wessen; mar ik hå vul moar arbed, üs di Üdern al; dag ek ik, mar Gottes Gnad, diär ön mi es.

1 Korinther 3:5

Hokken es nü Paulus? Hokken es Apollo? Diner sen ja, dör welk I tö di Glow kjemmen sen, en dit, alliküs di Herr dit ark iwen hēd.

1 Korinther 4:1

Diärfoar hoald üs ark Mensk, nämelk foar Diners van Kristus, en Hüshoalders aur Gottes Hjemmelkheiden.

1 Korinther 4:11

Bet tö dös Stünd lid wü bid Hunger en Törst, en sen nåken, en sen slain uden, en hå nin fast Steid.

1 Korinther 4:9

Ik hoald-t diärfoar, Gott hed üs Apostel üs di Ollerringsten henstelt, üs tö di Doad hendön. For wü sen en Skauspöl uden voar di Warld, en di Engeler, en di Mensken.

2 Korinther 10:7

Se I üp dit, wat ütterlik es? Forlet sik hokken diärüp, dat hi Kristus töhjert, di tänk uk bi höm sallew, dat alliküs hi Kristus töhjert, sa hir wü uk Kristus tö.

2 Korinther 11:5

For ik min dag, dat ik ek mender sen, üs di hog Aposteler.

2 Korinther 3:6

Diär üs dügtig måket hed, dit Amt van-t ni Testament tö betinin, ek me Bokstewer, mar me di Geist. For di Bokstewer doadige, mar di Geist måket lewendig.

2 Korinther 4:11

For wü ud stidigs lewendig ön di Doad iwen, om Jesus sin wel, omdat uk dit Lewent van Jesus ipenbår ud ön üs Sterwelik Flēsk.

2 Korinther 6:9

Üs di Unbekänten, en dag bekänt; üs ön Doadsgefår, en se, wü lewwe; üs di Ofstråften, dag ek doad slain.

Galalater 6:17

Van nü of ön måke Nemmen mi firder Meit; for ik drai di Markteken van di Herr Jesus ön min Likhäm.

Efeser 3:1

Diärom ik Paulus, di Gefangener van Jesus Kristus foar di Heiden.

Efeser 4:1

Ik Gefangener ön di Herr formåne ju nü, dat I wandele, üs-t sik gebört nå ju Berōp, hurön I röpen sen.

Efeser 6:20

Huns Böd ik sen ön di Ketting, omdat ik diärön frimudig sprek en handele mai, üs-t sik gebört.

Filipper 1:13

Sadelling dat min Banden ön Kristus ipenbar ud, ön dit hile Rigthüs, en bi di üdern al.

Filipper 2:17

En wan ik da uk tö en Dankåfer åwert ud aur dit Åfer tö Gottes Iär van ju Glow, da frügge ik mi, en frügge mi me ju al.

Kolosser 1:24

Nü frügge ik mi ön min Liden, wat ik foar ju lid, en måke dit vol, hur-t jit wånt ön Bedrüwwetheid ön Kristus, foar sin Likhäm, welk dit Geminte es.

Kolosser 1:29

Diärön ik uk årbede en ring, eter di Wirking van di diär ön mi wirket me Kraft.

1 Thessaloniker 3:2

En ha Timotheus, üs Brödher stjürt, Gottes Diner, en üs Helper önt Evangilje van Kristus, om ju tö starken en tö formanin ön ju Glow.

1 Timotheus 4:6

Wan dü di Brödhern sok voarhaltst, da wedt dü en gud Diner van Jesus Kristus wis, âptein ön dit Urd van di Glow en di gud Lir, welk dü altid befölligt hēst.

2 Timotheus 1:16

Di Herr iw Onesiforus Hüs Barnhartigheid; for hi hēd mi åft erkwikt en hed sik ek skamet aur min Kettings.

2 Timotheus 1:8

Diärom skåme di ek voar dit Tjügnis van üs Herr, nog voar mi, diär sin Gefangener es, mar lid Bedrük me dit Evangilje, alliküs ik dör Gottes Kraft.

2 Timotheus 2:9

Huraur ik Bedrük lid bet tö di Banden, üs en Forbreker; mar Gottes Urd es ek bünden.

2 Timotheus 3:11

Min Forfölliging, min Liden, welk ik ön Antiochien, ön Iconien, en ön Lystra erfåren hå, watfoar en Forfölliging ik leden ha, en üt dit al hēd di Herr mi erlöset.

Filemon 1:9

Da wel ik dag di bed ön di Lewde, sa üs ik sen, Paulus, en oald Man, mar nu uk en Gefangener van Jesus Kristus.

Hebräer 10:34

For I hå Meliden hed me min Banden, en I skekket ju me gud Mud diärön, üs ju Gud rowet wåd, for I wet, dat I bi ju sallew en beter en bliwen Gud ön Hemmel hå.