1 Timotheus 3:16 - North Frisian New Testament (Clemens)

¹⁶ En kündig gurt es di gottselig Hjemmelkheid: Gott es ipenbåret ön-t Flēsk, rogtfardigt ön di Geist, es sen uden van di Engeler, es prötjet uden bi di Heiden, es liwt uden ön di Wârld âpnommen ön di Herlikheid.

1 Timotheus 3:16 ပူးပေါင်းရင်းမြစ်များ

Matthäus 1:23

“Lukke hjir, en Jungfåmen skel üp Wei kom, en en Seen tö Wârld bring, en jü wel höm Emanuel nääm let, dit es ön üüs Språk aursäät: Gott wiis me üüs!”

Matthäus 13:11

Hi swåret en said: Hat es ju dön, dat I dit Hjemmelkheid van-t Hemmelrik fornem; mar döshjirren est ek iwen.

Matthäus 28:2

En lukke hjir! em spört en stark Ördsjilwin. For üs Herr Gott sin Engel kâm diäl van Hemmel, kam hjårt, en wiäldert di Stin van di Dür, en sǟt sik diärüp.

Matthäus 3:16

En diär Jesus döpet uden wiär, stapt hi metjens üt of-t Weter, en lukke hjir, diär ipen-t sik di Hemmel aur höm. En Johannes såg Gottes Geist allik üs en Düf diäl üp höm kommen.

Matthäus 4:11

Diär forlet höm di Düwel, en lukke hjir, da kam di Engeler tö höm en tinet höm.

Markus 1:13

En hi wiär diär ön di Wildnis viärdig Dagen, en wåd forsjukt van di Satan, en wiär bi di wild Dirten, en di Engeler betinet höm.

Markus 16:19

En di Herr, eter dat hi tö jam spreken hed, wåd hi âphewen jen Hemmel, en set tö Gottes rogt Hund.

Markus 16:5

En ja ging iin ön dit Grēw, en såg en jung Mensk tö di rogt Hund setten, hi hed en lüng wit Kload ön; en ja wåd forfirt.

Lukas 2:32

En Läägt, om di Heiden âptöklaarin en tö en Priis foar din Volk Israel.

Lukas 20:44

David näämt höm en Herr, hur es hi da sin Seen?

Lukas 22:43

En diär kâm en Engel van Hemmel höm ön Sjün, en stärkt höm.

Lukas 24:4

En üs ja diäraur bedrüwwet wiär, lukke hjir, diär stönđ bi jam tau Måner ön blank Kloader.

Lukas 24:51

En hat geböört, üs hi jam segent, skäd hi van jam, en foar âp ön Hemmel.

Johannes 1:14

En dit Uurd wåd Fleesk, en unet mung ǖs, en wü såg sin Herligheid, en Herligheid üs di iningst tökjemmen Seen van di Vader, vol Gnåd en Wårheid.

Johannes 13:3

Wust Jesus, dat di Vader höm Alles ön sin Hunden iwen hed, en dat hi van Gott kjemmen wiär, en tö Gott ging.

Johannes 15:26

Mar wan di Tröster kom wel, diär ik ju stjür wel van min Vader, di Geist van di Wårheid, diär van di Vader ütgeid, di wel tjüg van mi.

Johannes 16:28

Ik sen van di Vader ütgingen, en kjemmen ön di Wârld; wederom forlet ik di Warld, en gung tö di Våder.

Johannes 17:5

En nü forklåre mi, Vader, bi di sallew, me di Klårheid, di ik bi di hed, jer di Warld wiär.

Johannes 20:12

En såg tau Engler ön wit Kloader setten, jen bi di Haud, en di Üder bi di Fet, hur ja Jesus Likhäm henleid hed.

Johannes 6:62

Hü da, wan I di Menskenseen wel diärhen âp fåren se, hur hi tövoaren wiär?

Forhandlings 1:19

En es bekänt uden al danen, welk ön Jerusalem une, sa dat disallew Eker ön jar Sprak nämt ud Håkeldama, dit es en Blödeker.

Forhandlings 10:34

En Petrus död di Müd âp, en said: Nü fornem ik wårelk, dat Gott di Person ek önsjogt.

Forhandlings 14:27

Mar üs jat diärkam, forsåmelt sik dit hile Geminte, en forkindigt, hur vul gurt Dingen Gott dör jam dön hed, en hurdelling hi foar di Heiden di Dür tö di Glow ipenmåket hed.

Forhandlings 20:28

Sa hå nü Agt üp ju sallew, en üp di hil Hjät (Geminte), aur welk di hellig Geist ju sät hēd tö Üpsigthoalders, om dit Geminte Gottes tö weidin, welk hi dör sin ein Blöd wonnen hēd.

Römer 10:12

For hjir es nin Forskel twesken Juden en Griken, hi es disallew Herr foar jam altermål, er rik foar alle, diär höm önröp.

Römer 10:18

Nü fråge ik: Ha I dit ek hjert? Forwår, jar Stem es ütgingen ön alle Lönden, en jar Urd hen tö Warlds-Jend.

Römer 16:25

Höm nü, diär ju stärk kjen, na min Evangilje en Prötji van Jesus Kristus eter di Ipenbåring van di Hjemmelkheid, wat van di ewig Tid forswügget wessen hēd.

Römer 16:26

Mar nü ipenbåret es, en dör di Skreften van di Profeten, üp Befel van di ewig Gott, om di Befölliging üt di Glow mung di Heiden.

Römer 3:4

Diär est fir van! Hat blewt diärbi, dat Gott wårhaftig es, en alle Mensken falsk; alliküs er skrewwen stånt: Omdat dü rogtfârdig ön din Urden best, en di Wenbogt feist, wan dü rigtest.

Römer 8:3

For wat di Wet ünmögelk wiär, (aurdat en dör dit Flēsk swakket wiär), dit död Gott, en stjürt sin Seen ön di sendig Flesk-Gestalt, en fordamt di Send ön-t Flēsk dör Send.

Römer 9:5

Danen sen uk di Väders, van hokken Kristus kjemmen es eter dit Flēsk, diär Gott aur Alles es, van alle hōg tö lowin ön Ewigheid. Amen.

1 Korinther 15:47

Di jest Mensk es van di Örd, ördisk; di Üder es van Hemmel.

1 Korinther 2:7

Mar wü rede van di hjemmelk forborgen Wisheid van Gott, welk Gott forordnet hed voar di Warld, tö üs Herligheid.

2 Korinther 1:19

For Gottes Seen, Jesus Kristus, diär mung ju dör üs prötjet uden es, dör mi, en Silvanus, en Timotheus, wiär ek Jå en Nån, mar Ja wiär ön höm.

Galalater 2:8

For disallew, diär Petrus Kraft jåw tö sin Apostel-Amt bi di Beskiäring, di hēd uk ön mi kraftig wessen bi di Heiden.

Galalater 4:4

Mar üs di Tid tö folling kam, stjürt Gott sin Seen, geboren van en Wüf, tökjemmen önder di Wet.

Efeser 1:9

Hi hed üs di Hjemmelkheid van sin Wel wet letten, üs-t höm håget, en hi dit sik Voarnemmen hed dör höm.

Efeser 6:19

En foar mi, omdat mi dit Urd iwen ud, en min Müd me frügged ipnet ud, om di Hjemmelkheid van dit Evangilje bekänt tö måkin.

Kolosser 1:23

Wan I ön di Glow bliwt, fast ön di Gründ, en pal ön di Höp van-t Evangilje, wat I hjert hå, wat tö alle Kreaturen prötjet uden es, diär önder di Hemmel sen, bi welk ik Paulus en Diner uden sen.

Kolosser 1:27

Welk Gott bekänt måke wild, wat di herrelk Rikdom van di Hjemmelkheid mung di Heiden es, welk Kristus ön ju es, en hi es di Höpning van di Herligheid.

Kolosser 1:6

Wat tö ju kjemmen es, alliküs ön di hile Warld, en es frugtbar, alliküs ön ju, van di Dai of ön, dat I dit hjert hå, en Gottes Gnåd ön di Wårheid kǟnt hå.

Kolosser 2:2

Omdat jar Harten formånet, en me arküder ön di Lewde forbünden ud, tö al Rikdom van Forstand, om Gottes Hjemmelkheid, en di Våders en Kristus tö känen.

2 Thessaloniker 1:10

Wan hi kom skel, om dat hi herrelk skintj me sin Helligen en wunderbar me alle Glowigen. For üs Tjügnis diärvan hå I līwt van di sallew Dai of ön.

2 Thessaloniker 2:7

For di Ünrogtfârdigheid reget sik al hjemmelk, sonder dat di, diär-t nü âphalt, mut wegnommen ud.

1 Timotheus 3:9

Diär di Hjemmelkheid van di Glow ön en rin Geweten hå.

Hebräer 1:3

Wil hi di Glindering van sin Herrelkheid es, en dit Iwenbild van sin Wesen, en drait alle Dinge me sin kraftig Urd, en hēd di Rensking van üs Send dör sik sallew tö Wei brågt, da hed hi sik sät tö di rogt Hund van di Majestät ön di Hōgde.

Hebräer 12:2

Let üs âplukke üp Jesus, diär di Glow begent en voljendigt hed. Alhurwel hi hed Frügged ha küd, nom hi dit Krüts üp sik me Geduld, en agtet di Skand ek, en set nü tö di rogt Hund üp Gottes Trōn.

Hebräer 7:7

Nü est sönder al Tögenspreken sa, dat di Ringer van di Moar segent ud.

Hebräer 8:1

Dit es nü di Sum, hurvan wü sprēk: Wü ha sa en Hogpröst, diär tö di rogt Hund set, üp di Tron van di Majestät ön Hemmel.

1 Petrus 1:12

Danen dit ipenbåret es, dat ja dit ek jam sallew, mar üs tö Guden dön ha, dat ja dit Evangilje forkindjigt hå, dör di hellig Geist, diär van Hemmel stjürt ud, hurtö uk di Engel Lest hed, om dit tö skauin.

1 Petrus 1:20

Welk diärtö bestemmet wiär, jer dat di Gründ tö di Warld leid wåd, mar ipenbåret ön di lest Tid om ju wel.

1 Petrus 1:21

Dör höm liw I ön Gott, diär höm âpwäkt hed van Doaden en höm di Herrelkheid iwen hed, omdat I di Glow en di Höp tö Gott hå mai.

1 Petrus 3:18

For uk Kristus hed jenmal foar üs Send ledden, di Rogtfardig foar di Ünrogtfardigen, omdat hi üs henfört tö Gott; en hēd di Doad ledden eter dit Flēsk, mar es lewendig måket eter di Geist.

1 Petrus 3:22

Welk eter, dat hi apfären es ön Hemmel, bi Gott es tö sin rogt Hund, en höm sen önderdån di Engel, en di Gewaltigen, en di Kraften.

1 Johannes 1:2

En dit Lewent es ön Sjün kjemmen, en wü hå-t sen, en betjüg en forkindjige ju dit Lewent, wat ewig es. Hat wiär bi di Våder, en es üs ön Sjün kjemmen.

1 Johannes 3:5

En I wet, dat hi ipenbåret es, omdat hi ju Send wegnemt, en diär es nin Send ön höm.

1 Johannes 3:8

Hokken Send däd, di es van di Düwel, for di Düwel sendigt van jest Begen of ön. Diärtö es Gottes Seen üs ön Sjün kjemmen, dat hi di Düwel sin Werken fornigtet.

Ipenbaring 17:5

En üp hör Vorhaud wiär er skrewwen; nämelk: Hjemmelkheid: di gurt Babylon, di Moder van di Hureri, en al Gröggelkheid üp di Örd.

Ipenbaring 17:7

En di Engel said tö mi: Hurom forwunderst dü di? Ik wel di si van di Wüf hör Hjemmelkheid en van dit Best, wat hör drait, en hed sowen Hauder en tin Hurner.

Ipenbaring 7:9

Diäreter sag ik, en se, en gurt Kär, welk Nemmen täl kjen, üt alle Heiden, en Stammen en Volken, en Moalen, diär stond voar di Tron en voar dit Lum, me wit Kloader öntein, en Palmtwiggen ön jår Hunden.