1 Petrus 2:24 - North Frisian New Testament (Clemens)

²⁴ Diär üs Send sallew åwert hed ön sin Likhäm üp dit Holt, omdat wü van di Send ofstürwen sen, en ön Rogtfardigheid lewwe; dör huns Strimen I sünd uden sen.

1 Petrus 2:24 ပူးပေါင်းရင်းမြစ်များ

Matthäus 27:26

Diärüp let hi jam Barabbas loas, mar Jesus let hi gissele en aurlöwert höm, dat hi krütsigt ūd skuld.

Matthäus 5:20

Diärom si ik ju: “Hat mai da wiis, dat ju Rogtfardigheid beter es, üs di Skreftgeliärten en Farisäers jaar, üders kjen I ek önt Hemmelrik kom.

Matthäus 8:17

Omdat et /tö/ folling komt, wat döör Jesaias said uden wiär, wan hi sprakt: Hi heed üüs Swakheid üp sik nommen, en üüs Sjugten heed hi drain.

Markus 15:15

Mar Pilatus wil-t di Kär tö Wel dö, en jåw jam Barabbas loas; en aurlöwert jam Jesus, dat hi gisselt en krütsigt wåd.

Lukas 4:18

Üüs Herr Gott sin Geist es bi mi, diäraur hi mi iinsalwet heed en stjürt tö forkinđnigen dit Evangeelje foar di Armen, tö hilin di breken Harten, tö prötjin tö di Iinslötenen, dat ja loas kom skulđ, en tö di Blinđnen, dat ja dit Gesigt weder fo skulđ, en tö dânen, diär hart slain uden sen, dat ja ledig en loas wiis skuld.

Johannes 1:29

Üp di Üder Dai såg Johannes, dat Jesus tö höm kâm, en sprok: Se, dit es Gottes Lum, welk di Warlds Send drait.

Johannes 19:1

Diär noom Pilatus da Jesus, en pitsket höm.

Forhandlings 10:35

Mar mung alle Volken, hokken Gott fürgtet en Rogt däd, di håget höm wel.

Forhandlings 10:39

En wü sen Tjüg van al dit, wat hi dön hēd önt jüdisk Lönd, en ön Jerusalem. Di ha ja om-t Lewent brågt, en ön en Holt hinget.

Forhandlings 13:29

En diär ja Alles volbrågt hed, wat er van höm skrewwen es, nōm ja höm van-t Holt, en leid höm ön en Grēw.

Forhandlings 5:30

Üs Väders Gott hēd Jesus âpwǟkt, welk I ombragt hå en ön dit Holt hinget.

Römer 6:11

Alliksa skel I uk ju diärfoar hoald, dat I foar di Send doad sen, en lewwe nü foar Gott ön üs Herr Jesus Kristus.

Römer 6:13

Uk iw ju Leden ek hen tö Wappen foar di Send tö Ünge=regtigheid, mar iw ju sallew hen ön Gott alliküs dânen, diär van di Doad lewendig uden sen, en iw ju Leden hen ön Gott tö Wappen foar di Rogtfârdigheid.

Römer 6:16

Wet I ek hokken I ju tö Knegten heniw om tö harkin, sin Tinstknegter sen I, en I mut höm harke, hat mai da ön Send tö di Doad, of Harkin tö di Geregtigheid wis.

Römer 6:2

Diär est fir van! Hur skuld wü ön di Send lewwe, wan wü van di Send ofstürwen sen?

Römer 6:22

Mar nü, diär I frimåket sen van di Send, en Gott tinstbår uden sen, ha I di Frügt, dat I hellig ud; di Jend es dit ewig Lewent.

Römer 6:7

For hokken stürwen es, di es rinmåket van Send.

Römer 7:6

Mar nu sen wü van di Doad liset, en diärvan ofstürwen, wat üs bünden höld, sadat wü nu me en apnit Geist tine skel, en ek ön dit oald Wesen van di Bokstewer.

1 Korinther 15:3

For ik ha ju foar-t jest iwen, wat ik uk fingen hå, dat Kristus stürwen es foar üs Send, na di Skreft.

2 Korinther 6:17

Diärom gung üt van jam, en sendert ju of, said di Herr, en rör dit Ünrins ek ön, da wel ik ju önnem.

Galalater 3:13

Mar Kristus hēd üs liset van di Flök na di Wet, üs hi en Flök wåd foar üs, for hat stånt skrewwen: Forflökt es Arkjen, diär ön-t Holt hinget.

Efeser 5:9

Wandelt üs di Biärner ön Lägtens. Di Frügt van di Geist es allerlei Gudheid, Rogtfärdigheid en Wårheid.

Filipper 1:11

Volap me Frügten van Geregtigheid, welk dör Jesus Kristus sken sen ön ju tö Gottes Iär en Low.

Kolosser 2:14

En hi hēd di Handskreft fortilgt, diär tögen üs wiär, welk ön Fastsätings bestönd, en üs öntögen wiär, en hēd disalwigen üt di Medden wegnommen, en ön dit Krüts fastspikkert.

Kolosser 2:20

Wan I nü di Fastsätings van di Wârld ofstürwen sen me Kristus, wat let I ju da fang me di Fastsätings, alliküs dat I jit ön di Wârld lewwe?

Kolosser 3:3

For I sen stürwen en ju Lewent es forborgen me Kristus ön Gott.

Hebräer 10:10

Dör sin Wel sen wü hellig uden dör dit Afer van Jesus Kristus sin Likhäm, wat jenlop sken es.

Hebräer 10:5

Diärom said hi, üs hi ön di Warld komt: Åfer en Gawen hēst dü ek hå wild, mar dü hēst mi di Likhäm töbereitet.

Hebräer 12:13

En skrid me wes Futstöpen, omdat er ek hokken stjappelt üs en Kröpel, mar vuljer sünd ud.

Hebräer 7:26

For sa en Högpröst skuld wü ha, diär hellig, ünskildjig, sönder Plakken, van di Sender ofsendert wiär, en hoger üs di Hemmel es.

Hebräer 9:28

Sadelling es Kristus jenmål åwert, om di Send van Vulen wegtönemmen. Dit üdermål skel hi sönder Send van dânen sen ud, diär üp höm tēw, en di Seligheid van höm forwagten sen.

Jakobus 5:16

Bekän arküder ju Send, en bödige foar arküder, om dat I sünd ud. Di Rogtfardig sin Bödig formai vul, wan-t iärnsthaftig ment es.

1 Johannes 2:29

Wan I wēt, dat hi rogtfardig es, da wēt uk, dat hokken rogt däd, di es van höm geboren.

1 Johannes 3:7

Biärner! let ju ek forleite. Hokken rogtfardig handelt, di es rogtfârdig, alliküs hi rogtfârdig es.

Ipenbaring 22:2

Ön di Medden van hör Straten en üp bid Sidden van di Strom stönd Lewents-Holt, dit drog twellew Slags Frügt; en brågt ark Mun sin Frügt; en di Bleden van di Bōm tinet di Volken tö di Sündheid.