1 Petrus 2:16 - North Frisian New Testament (Clemens)

¹⁶ Üs dânen, diär fri sen, en ek üs dat I di Friheid hed tö en Skül foar ju Bosheid, mar üs Gottes Knegter.

1 Petrus 2:16 ပူးပေါင်းရင်းမြစ်များ

Matthäus 23:13

Wē ju, I skinhellig Skreftlīrten en Farisäers! I slüt dit Hemmelrik tö voar di Lid. I kom diär ek īn, en danen diär in wel, let I ek ingung.

Johannes 15:22

Wan ik kjemmen wiär, en et jam ek said hed, da hed ja niin Send, mar nü kjen ja nöndt voarwäänd, jår Send fri voar Skild tö känen.

Römer 6:18

For nü sen I van di Send fri uden, en I sen Knegter tö di Rogtfârdigheid uden.

Römer 6:22

Mar nü, diär I frimåket sen van di Send, en Gott tinstbår uden sen, ha I di Frügt, dat I hellig ud; di Jend es dit ewig Lewent.

1 Korinther 7:22

For hokken üs en Knegt beröpen es ön di Herr, di es van di Herr friletten; alliksa hokken üs fri beröpen es, hi es Kristus sin Knegt.

Galalater 5:1

Bliw standhaft ön di Friheid, hurme Kristus üs fri måket hed, en let ju ek weder tö dit Slawen-Jok twing.

Galalater 5:13

Mar I, lew Brödhem! sen tö di Friheid röpen. Se tö, dat I di Friheid na dit Flesk ek mesbrük, mar dör di Lewde tine di jen di Üder.

Efeser 6:6

Ek me Tinst alining voar Ogen, om di Mensken tö hågin, mar üs Tinstknegter van Kristus, dat I van Harten Gottes Wel dö.

Kolosser 3:24

En wēt, dat I van di Herr di Forgelting van dit Arfdil fo skel, for I tine di Herr ön Kristus.

1 Thessaloniker 2:5

For wü hå older omgingen me Falskheid, üs I wēt, nog me Gits tragtet. Gott es Tjüg!

Jakobus 1:25

Mar hokken inlukket ön di volständig Wet van di Friheid, en diärön stidigs blewt, en es ek en auritelk Hirer, mar en Däder, disallew skel selig wis ön sin Dåd.

Jakobus 2:12

Sprēk sa, en dö sa, alliküs dânen, diär dör di Wet van di Friheid rigtet ud skel.

2 Petrus 2:19

En ja löwe jam Friheid, al hurwel ja sallew Knegter van di Fordürwenheid sen. For hurvan hokken aurwonnen es, diärvan es hi uk tö en Tinstknegt måket.

Judas 1:4

For diär sen som Mensken diärbi insleken, van danen voar lung Tid skrewwen es, tö sa en Straf, dit sen gottloas Lid, ja wel Gottes Gnåd mesbrük tö Aurdådigheid, en forlögne Gott, di iningst Hersker, en üs Herr Jesus Kristus.