1 Petrus 1:5 - North Frisian New Testament (Clemens)

⁵ Diär dör Gottes Magt ön di Glow bewåret ud tö di Seligheid, welk törēd es, omdat-s ipenbar ud on di lēst Tid.

1 Petrus 1:5 ပူးပေါင်းရင်းမြစ်များ

Johannes 12:48

Hokken mi foragt, en nemt min Uurder ek âp, di heed al jen, diär höm rogt: dit Uurd, wat ik spreken hå, dit skel höm rogt üp di jungst Dai.

Johannes 17:15

Ik bed ek, dat dü jam van di Wârld nemst, mar dat dü jam bewårest voar dit Arig.

Johannes 4:14

Mar hokken dit Weter drink wel, wat ik höm iiw, di skel ön Ewigheid ek törstig ud, mar dit Weter, wat ik höm iiw wel, skel ön höm en Soad me Weter ud, welk kwelt tö ön dit ewig Lewent.

Johannes 5:24

Forwår, forwår, ik si ju: Hokken min Uurd hjert, en liiwt ön höm, diär mi stjürt heed, di heed dit ewig Lewent, en komt ek ön dit Gerigt, mar hi es van Doaden döörtrǟngt tö dit ewig Lewent.

Römer 11:20

Dit es wel said. Ja sen ofbreken uden, om jår Ünglōws wel. Mar dü stånst dör di Glow; wis ek stolt, mar fürgt di.

Römer 8:18

For ik hoald-t diärfoar, dat di Liden ön dos Tid ek tö agten sen tögen di Herligheid, welk ön üs ipenbåret ud skel.

1 Korinther 1:21

For wil di Warld dör hör Wisheid Gott ön sin Wisheid ek küd, håget et Gott wel, dör tåbig Prötji al dânen selig tö måkin, welk diärön liw.

2 Korinther 1:24

Ek dat wü Herren aur ju Glow sen, mar Mehelpers tö ju Frügged; for I stun fast ön di Glow.

Galalater 2:20

Ik lewwe, mar nü dag ik ek, mar Kristus lewwet ön mi. For wat ik nü lewwe ön-t Flesk, dit lewwe ik ön di Glow ön Gottes Seen, diär mi lew hed, en sik sallew foar mi heniwen hēd.

Efeser 2:8

For üt Gnaden sen I selig uden, dör di Glow, en dit ek van ju, hat es Gottes Gåw.

Efeser 3:17

Omdat Kristus dör di Glow ön ju Hart unet, en I dör di Lewde inwortelt en fast gründigt ud.

Filipper 1:6

En ik sen diärvan aurtjügt, dat di, diär dit gud Werk ön ju begent hēd, di welt uk volför, tö üp di Dai van Jesus Kristus.

Filipper 4:7

En di Fred van Gott, diär bowen allen Forstand geid, bewåre ju Hart en Sen ön Kristus Jesus.

2 Timotheus 3:15

En wil dü van din Biärenskep of ön di hellig Skreft känst, kjen disallew di önderwise tö di Seligheid, dör di Glow ön Kristus Jesus.

Titus 2:13

En tew eter di selig Höpning en Sjün van di Herligheid, hurön Gott en üs Selikmaker Jesus Kristus stråle.

Hebräer 6:12

Dat I ek tråg ud, mar dânen nåföllige, welk dör di Glow en Geduld di Tölöwing ârwe.

Hebräer 9:28

Sadelling es Kristus jenmål åwert, om di Send van Vulen wegtönemmen. Dit üdermål skel hi sönder Send van dânen sen ud, diär üp höm tēw, en di Seligheid van höm forwagten sen.

1 Petrus 1:13

Diärom apskort di Lunken van ju Gemüt, wis nügtern, en sät ju Höp hilental üp di Gnad, welk ju önböden ud dör di Ipenbåring van Jesus Kristus.

1 Petrus 4:13

Mar frügge ju vulmoar, dat I me Kristus lid, omdat I uk aur di Ipenbåring van sin Herrelkheid ju frügge en jugheie mai, wan di Tid komt.

1 Petrus 5:1

Di Olderlid, diär mung ju sen, formåne ik, üs en Me-Olderman, en Tjüg van di Liden, diär ön Kristus sen, en dilhaftig ön di Herrelkheid, welk ipenbaret ud skel.

2 Petrus 1:3

Alliküs dör Gottes Kraft üs Allerlei, (wat tö dit Lewent en Gottesfürgt tinet) skänkt uden es, dör di Känels van di, diär üs beröpen hed dör din Herrelkheid en Dögd.

1 Johannes 3:2

Min Lewsten! wü sen nü Gottes Biärner, en hat es jit ek ipenbåret uden, wat wü wis skel. Mar wü wēt, wan dit ipenbåret ud, dat wü höm lik wis skel; for wü skel höm se, alliküs hi es.

Judas 1:1

Judas, en Knegt van Jesus Kristus, mar en Brödher van Jakobus, ön di Beröpenen, welk hellig sen ön Gott, di Våder, en bewåret ön Jesus Kristus.

Judas 1:24

Mar höm nü, diär magtig nog es, om ju tö bewårin, dat I ek stjappele, en stel ju voar sin Herrelkheid, ünstråfelk me Frügged.