1 Korinther 4:5 - North Frisian New Testament (Clemens)

⁵ Diärom rigte ik ek voar di Tid, tödat di Herr komt, diär uk ön-t Lägt bring wel, wat ön Junkens forborgen es, en di Rēdslaggen ön di Harten ipenbåre; en da skel arkjen van Gott Low tö Dil ud.

1 Korinther 4:5 ပူးပေါင်းရင်းမြစ်များ

Matthäus 10:26

Diärom wiis ek bang voar jam. Diär es nöndt hjemmelk, wat ek weder tö en Voarskin komt, en diär es nöndt hjemmelk, wat em ek tö weten feid.

Matthäus 24:30

En da skintj dit Teken van di Menskenseen ön Hemmel. En da wel alle Mensken-Geslagten üp Warld skroale, en ja wel di Menskenseen kommen sé ön di Wolken ön Hemmel me gurt Kraft en Herligheid.

Matthäus 24:46

Lekkelk es di Tīnstknegt, diär sin Herr, wan hi komt, höm sa öntreft, om dit tö dön.

Matthäus 25:21

Sin Herr said tö höm: Wel, dü best en bråw en tru Knegt, dü hēst aur Litjet tru wessen, ik wel di aur en hīl Hoppen sǟt. Kīr īn ön di Herr sin Frügged.

Matthäus 25:23

Sin Herr said tö höm: Aa dü bråw en tru Knegt! Dü hēst aur Litjet tru wessen, ik wel di aur en hīl Hoppen sät; kīr iin ön di Herr sin Frügged.

Lukas 6:37

Rogt ek, da ud I uk ek rogt, fordamme ek, da ud I uk ek fordammet, iiw tö, da ud ju töiwen.

Johannes 21:22

Jesus said tö höm: Wan ik wel, dat hi blīw skel, wat geid dit di ön? Fölge dü mi eter.

Johannes 21:23

Diär ging di Rede üt mung di Brödhem: Dös Jünger sterrewt ek. En Jesus hed ek tö höm said, dat hi ek sterrew skuld, mar: Wan ik wel, dat hi blewt, tödat ik kom, war geid dit di ön?

Johannes 5:44

Hur kjen I liiw, I, diär I Iär van arküder nem. En di Iär, welk van Gott alining es, sjuk I ek.

Römer 14:4

Hokken best dü, dat dü aur en främed Knegt rigtest? Hi stånt, of hi falt sin ein Herr. Hi mai wel âprogt ud, för Gott es magtig, om höm âptörogten.

Römer 2:1

Diärom, o Mensk! kjenst dü di ek fri voar Skild kän, al hokken dü uk best, diär rigtet, för hurön dü en Üdern rigtest, fordammest dü di sallew; om sa vul moar, wan dü ditsalwige dädst, huraur dü ordilest.

Römer 2:16

Üp di Dai, wan Gott di forborgenen Dåden van di Mensken rogt wel dör Jesus Kristus lüt min Evangilje.

Römer 2:29

Mar dit es en Jud, diär innerlik forborgen es; en di Beskjäring ön-t Hart es en egt Beskjäring, welk ön di Geist, mar ek ön di Bokstewer bestånt. Sa jen hēd Low, ek van Mensken, mar van Gott.

Römer 2:7

Nämelk Pris, en Iär, en ünforgängelk Dingen danen, diär me Geduld ön gud Werken tragte eter dit ewig Lewent.

1 Korinther 1:7

Sa dat I nin Mangel ha om en iningst Gaw, en tew man üp di Ipenbåring van üs Herr Jesus Kristus.

1 Korinther 11:16

Mar es er hokken mung ju, diär Lest hēd tö striden, di skel wet, dat wü sa en Wis ek ha, en Gottes Geminten uk ek.

1 Korinther 11:26

For sa åft üs I van dit Broad it, en van dös Kelk drink, skel I di Herr sin Doad forkindige, tödat hi komt.

1 Korinther 15:23

Mar ark ön sin Ordning. Di Jestfrügt Kristus; diärna danen, diär Kristus töhir ön sin Tökomst.

1 Korinther 3:13

Da skel arkjens Werk ipenbår ud; dit Daislägt skelt âpklåre, for hat skel dör dit Jold ipenbar ud, en huns arkjens Werk es, skel dör dit Jöld ütprowet ud.

1 Korinther 3:14

Wan huns Werk blewt, wat hi diärüp begt hēd, da skel hi Loan fo.

1 Korinther 3:8

Di diär plåntet, en di diär bejit, di jen es üs di Üder. Ark skel sin Loan fo eter sin Arbed.

2 Korinther 10:18

For diarom es Nemmen dügtig, dat hi sik sallew lowet, mar dat di Herr höm lowet.

2 Korinther 10:9

Mar dit si ik, omdat ju ek tinkt, üs wan ik ju hed forskrek wild me Brewer.

2 Korinther 4:2

Mar wü nem üs ön Agt voar hjemmelk Skand, en gung ek me Skalkheid om, forfälske uk ek Gotts-Urd, mar wü ipenbåre di Wårheid, en bewise üs âprogtig tögen dit Geweten van alle Mensken, voar Gott.

2 Korinther 5:10

For wü mut al ipenbar ud voar Kristus sin Rigterstöl, omdat Ark faid, alliküs hi handelt hed ön sin Likhäms-Lewent, hat mai gud, of ârig wis.

1 Thessaloniker 5:2

For I sallew wet et rogt gud, dat di Herr sin Dai kom skel üs en Tif ön di Nagt.

Hebräer 4:13

En voar höm es nin Kreatur ünsigtbår, mar hat es Alles bloat en apdakket voar sin Ogen, tö di wü sprek.

Jakobus 4:11

Sprēk nönt Arigs van arküder, lew Brödhern! Hokken om sin Brödher wat Arigs sprakt, en aur sin Brödher ordilet, di sprakt arig van di Wet, en ordilet aur di Wet. Wan dü aur di Wet ordilest, da best dü nin Däder van di Wet, mar en Rigter.

Jakobus 5:7

Da wis nü geduldig, min lew Brödhern! bet tö-di Herr sin Önkomst. Se, en Löndman es di köstelk Frügt forwagten; en es diärbi geduldig, tö dat hi faid di Miärens-rin en di Indjs-Rin.

Jakobus 5:9

Holsikket ek tögen arküder, lew Brödhern! omdat I ek fordammet ud. Se, di Rigter stånt voar di Dür.

1 Petrus 1:7

Omdat ju Glow rogtskaffen en vul köstelker ön di Prow befünden ud, üs al dit forgängelk Gold, wat dör dit Jöld prowet ud, tö Low, Pris en Iär, wan Jesus Kristus nü ipenbaret ud.

1 Petrus 5:4

Da skel I, wan di Erts-Hört komt, di ünforwellet Iären=Kron fo.

2 Petrus 3:12

Dat I tēw en ile tö di Tökomst van di Herr sin Dai, wan di Hemmel dör Jöld forgung, en di Elemente ön di Hit smelt ud.

2 Petrus 3:4

En si: Hur es /di/ Tölöwing van sin Tökomst? For eter dat di Våders inslöppen sen, bliwt et Alles sa, üs-t van di Skaffings-Begen ön wessen hēd.

Judas 1:14

Van sokken hēd uk Enog, di sowenst van Adam, profeseit, en spreken: Betänk, di Herr komt me vul düsend Helligen.

Ipenbaring 1:7

Se, hi komt me di Wolken en alle Ogen skel höm se, welk höm dörstat hå, en alle Geslegter üp di Örd skel hüle. Amen, Ja!

Ipenbaring 20:12

En ik såg di Doaden, bid gurt en litj stunen voar Gott, en di Bokker wad ipenmåket, en uk en üder Bok wåd er ipenmåket, wat dit Lewents-Bok es. En di Doaden wåd rigtet eter di Skreft ön di Bokker eter jår Werken.