1 Korinther 3:16 - North Frisian New Testament (Clemens)

¹⁶ Wet I ek, dat I Gottes Tempel, en Gottes Geist ön ju unet?

1 Korinther 3:16 ပူးပေါင်းရင်းမြစ်များ

Johannes 14:17

Dit es di Wårheids-Geist, welk di Wârld ek fo kjen, for jü sjogt höm ek, en käänt höm ek. Mar ik kään höm, for hi blewt bi ju, en skel ön ju wiis.

Römer 6:16

Wet I ek hokken I ju tö Knegten heniw om tö harkin, sin Tinstknegter sen I, en I mut höm harke, hat mai da ön Send tö di Doad, of Harkin tö di Geregtigheid wis.

Römer 6:3

Of wēt I ek, dat sa Vulen üs wü ön Jesus Kristus döpet sen, ja sen ön sin Doap döpet?

Römer 8:11

Wan nü di Geist, diär Jesus van Doaden âpwäkt hēd, ön ju unet, da skel uk disalwige, diär Jesus van Doaden âpwäkt hēd, ju sterwelik Likhäm lewendig måke, om di wel, dat sin Geist ön ju unet.

Römer 8:9

Mar I sen ek ön dit Flēsk, mar ön di Geist, wan üders Gottes Geist ön ju unet. Mar hokken di Geist van Kristus ek hēd di komt höm ek tö.

1 Korinther 3:17

Wan er hokken Gottes Tempel skänt, di wel Gott skänt. For Gottes Tempel es hellig, welk I sen.

1 Korinther 3:9

For wü sen Gottes Meårbeder. I sen Gottes Eker, en Gottes Begning.

1 Korinther 5:6

Ju Berop es ek gud. Wet I ek, dat en litjet Süring dit hile Jei sür maket?

1 Korinther 6:16

Of wet I ek, hokken ön di Hur hinget, di es jen Likhäm me hör? For di tau (sprakt hi) skel jen Flesk wis.

1 Korinther 6:19

Of wet I ek, dat ju Likhäm en Tempel van di hellig Geist es, diär ön ju es, welk I van Gott hå, en dat I ek ju ein sen.

1 Korinther 6:9

Wet I ek, dat di Ünrogtfârdigen Gottes Könningrik ek arwe skel. Let ju ek forför, nogweder di Hurenjägers, of di Ofgottdiners, of di Ebrekers, of di Sallewskänder, of di Hoalewsegen.

1 Korinther 9:13

Wet i ek, dat dânen, diär bi dit Awerin tine, it van dit Åfer? En danen, diär di Ålter betine, van di Alter di Genet hå?

1 Korinther 9:24

Wet I ek, dat dânen, diär üp di Bån låp, ja låp al, mar Jen faid di Pris. Låp nü, dat I di Pris wen.

2 Korinther 6:16

Watfoar en Lik hed Gottes Tempel me di Ofgotten? Mar I sen di lewendig Gott sin Tempel, alliküs Gott sprakt: I wel ön jam une, en ön jam wandele, en wel jår Gott wis, en ja skel min Volk wis.

1 Timotheus 3:15

Mar wan ik tēft, omdat dü wetst, hurdelling dü wandele skedt ön Gottes Hüs, welk di lewendig Gott sin Geminte es, en Piller en Gründstin van di Wårheid.

2 Timotheus 1:14

Bewåre di gud Poand, welk di önbetrut uden es, dör di hellig Geist, diär ön üs unet.

Hebräer 3:6

Mar Kristus, üs en Seen aur sin Hüs, huns Hüs wü sen, wan wü dit Fortruen en di Höp bet tö Jend fast hoald, en di Rum.

Jakobus 4:4

I Huren en Eebrekerskenen wet I ek, dat di Fründskep me di Warld Gottes Findskep es? Hokken en Frindj me di Wârld wis wel, di mut Gottes Find ud.

1 Petrus 2:5

En uk üs di lewendig Stiner beg ju tö en geistelk Hüs en tö en hellig Pröstdom, om geistelk Åwer tö åwerin, diär Gott gudhåge, dör Jesus Kristus.

1 Johannes 4:12

Nemmen hed Gott bi sin Tid jens sen. Wan wü arküder lew hå, da blewt Gott ön üs, en sin Lewde es volâp ön üs.