1 Korinther 3:13 - North Frisian New Testament (Clemens)

¹³ Da skel arkjens Werk ipenbår ud; dit Daislägt skelt âpklåre, for hat skel dör dit Jold ipenbar ud, en huns arkjens Werk es, skel dör dit Jöld ütprowet ud.

1 Korinther 3:13 ပူးပေါင်းရင်းမြစ်များ

Matthäus 10:15

Wårelk ik si ju: “Dit Sodomer en Galiläer Lönd wel-t fåliger gung, wan dit Ordel üp di jungst Dai spreken ud, üs sa en Stad.

Matthäus 16:27

For hat wel sa kom, di Menskenseen skel kom ön sin Våders Herligheid me sin Engeler, en da wel hi ark beloane eter sin Dåden.

Lukas 2:35

En diär skel en Swǟrt döör din Seel gung, diärom dat di Taagten van vuul Harten ön Daisläägt kom.

Römer 2:16

Üp di Dai, wan Gott di forborgenen Dåden van di Mensken rogt wel dör Jesus Kristus lüt min Evangilje.

Römer 2:5

Mar dü eter din Forstoktheid en Halsstarrigheid ön din Hart, hüppest di sallew di Wredheid üp di Dai van Gottes Fortörning, en di Ipenbåring van Gottes rogtfardig Gerigt.

1 Korinther 1:8

Hi wel ju uk fasthoald bet tö Jend tö, om ek stråfbår tö wisen üp üs Herr Jesus Kristus sin Dai.

1 Korinther 3:12

Mar wan er hokken üp dös Gründ begt Gold, Sölwer, Edelstin, Holt, Fodder, Stöpeler:

1 Korinther 4:5

Diärom rigte ik ek voar di Tid, tödat di Herr komt, diär uk ön-t Lägt bring wel, wat ön Junkens forborgen es, en di Rēdslaggen ön di Harten ipenbåre; en da skel arkjen van Gott Low tö Dil ud.

2 Timotheus 1:12

For di Såk lid ik sok, mar ik skamme mi ek diärvoar. For ik wēt, ön hokken ik liw, en sen er wes üp, dat hi magtig es, dit, wat ik höm auriwen ha, tö bewårin tö di jungst Dai.

2 Timotheus 1:18

Di Herr iw höm, dat hi Barmhartigheid fent bi di Herr üp di junst Dai. En hurvul hi mi ön Efesus tinet hed, wētst dü bäst.

2 Timotheus 3:9

Mar ja skel dit ek stidigs sa driw; for jar Dōrheid skel ipenbår ud voar Arkjen, allik üs-t me jam di Fal wiär.

2 Timotheus 4:8

Diärom es mi uk di Kron van di Rogtfardigheid töleid uden, welk di Herr, di rogtfardig Rigter, /mi/ üp di jungst Dai iw wel; ek alining mi, mar uk al dânen, welk sik tö sin Wederkomst frügge.

Hebräer 10:25

En let üs ek forlet üs Forsåmling, üs Sommen plei, mar let üs arküder formåne, en dit om sa vul moar, wil I se, dat di Dai naier komt.

1 Petrus 1:7

Omdat ju Glow rogtskaffen en vul köstelker ön di Prow befünden ud, üs al dit forgängelk Gold, wat dör dit Jöld prowet ud, tö Low, Pris en Iär, wan Jesus Kristus nü ipenbaret ud.

1 Petrus 4:12

Wundere, I Lewsten! ju ek aur di Jöldprow, welk ju wederfart tö en Forsjuk, alliküs dat er wat Senderliks aur ju kâm.

2 Petrus 3:10

Mar di Herr sin Dai skel kom üs en Tif ön di Nagt, da skel di Hemmel forgung me en gurt Skrappel, di Elemente skel ön Brand kom en smel, en di Örd en di Werke, welk diärön sen, skel forbren.

2 Petrus 3:7

Sa ud uk nü di Hemmel en di Örd forhüddet dör sin Urd, om-dat-s biding tö dit Jöld behölden ud üp di Dai, wan dit Gerigt es, en di Gottloasen jar Fordamnis.

Ipenbaring 20:12

En ik såg di Doaden, bid gurt en litj stunen voar Gott, en di Bokker wad ipenmåket, en uk en üder Bok wåd er ipenmåket, wat dit Lewents-Bok es. En di Doaden wåd rigtet eter di Skreft ön di Bokker eter jår Werken.