1 Korinther 14:3 - North Frisian New Testament (Clemens)

³ Hokken wis voarüt said, hi sprakt foar di Mensken tö jar Aprogting, tö Formåning, en tö Trösting.

1 Korinther 14:3 ပူးပေါင်းရင်းမြစ်များ

Lukas 3:18

En tö jit vuul Üder Dingen moar formaanet hi dit Volk, en forkinđnigt jam dit.

Forhandlings 13:15

En üs di Wet en di Profeten lesen wiär, stjürt di Oppersten van di Skul tö jam, en let jam si: Lew Brödhem, wan at jit wat tö dit Volk tö sien ha, en dit Volk formåne wel, da nem dit Urd.

Forhandlings 14:22

En bestärkt di Jünger jår Selen, en muntert jam âp, dat ja ön di Glōw bliw skuld, en dat wü dör vul Bedrük ingung mut ön Gottes Rik.

Forhandlings 15:32

Mar Judas en Silas, diär uk Profeten wiär, död jam vul Meit, di Brödhem tö liren en tö stärkin.

Forhandlings 4:36

En Joses, me di Binom Barnabas, van di Aposteler sa nǟmt, (dit es aursat en Seen tö Tröstelkheid) van Levis Geslegt (Friindskep) üt Cypern.

Forhandlings 9:31

Sa hed dit Geminte nü Frēd ön hil Judäa, en Galiläa, en Samaria, en nōm tö, en wandelt ön di Gottesfürgt, en wåd vol van Trōst dör di hellig Geist.

Römer 12:8

Wan er hokken formånet, da mut hi dit Formånin wårnem. Wan er hokken jewt, da iw hi me Redelkheid. Wan er hokken regiret, da mut hi Omsorrig hå. Wan er hokken Barmhartigheid öwet, da dö hi dit me Lest.

Römer 14:19

Diärom let üs eter dit strewe, wat tö di Frēd tinet, en wat tö Aprogting önder arküder tinet.

Römer 15:2

Ark van üs strewe diäreter, om sin Naist tö hågin tö dit Guds, tö sin Aprogting.

1 Korinther 10:23

Ik hå Forlof tö Alles, mar hat gagent ek Alles. Ik hå Forlof tö alle Dingen, mar ek alle Dingen betere.

1 Korinther 14:12

Alliksa uk I, wil I tragte eter di geistelk Gawen, strewe diäreter, dat I dit Geminte âprogt, omdat I Alles rikkelk hå.

1 Korinther 14:17

Dü saidst wel Dank, üs-t höm skekket, mar di Üder ud diärvan ek aprogt.

1 Korinther 14:26

Hurdelling es dit nü da? lew Brödhem! Wan I töhop kom, da hed di jen en Lowpsalm, di Üder en Lir, di Üder en främed Moal, di Üder en Ipenbåring, di Üder en Ütlegging. Let di al ske tö Aprogting.

1 Korinther 14:31

Ik kjen wel al wissi, di jen eter di Üder, omdat ja al lir, en al formånet ud.

1 Korinther 8:1

Van di Ofgotts-Afer wet wü, dat wü altermal diärvan Känels ha. Dit Weten måket apblögen, mar di Lēwde betert.

2 Korinther 1:4

Diär üs tröstet ön al üs Trungheid, omdat wü uk danen troste kjen, diär ön allerlei Trungheid sen, me di Trost, hurme wü tröstet ud van Gott.

2 Korinther 2:7

Dat I höm nü metjens om sa vul lewwer foriw, en tröste, omdat hi ek dör oltergurt Kemmer ön-t Sörin komt.

Efeser 4:29

Let nin fül Snak üt ju Müd gung, mar wat gud es tö Aprogting, hur-t nödig däd, en dat et hold hjert ud.

Efeser 6:22

Ik hå höm stjürt tö ju, om di wel, dat I tö weten fing, hur-t mi geid, en omdat hi ju Harten tröstet.

Kolosser 4:8

Welk ik diärom tö ju stjürt hå, omdat hi tö weten faid, hurdelling et me ju stånt, en dat hi ju Harten tröstet.

1 Thessaloniker 2:11

Alliküs i wēt, dat wü, üs en Våder sin Biärner, Arkjen van ju formånet en tröstet hå.

1 Thessaloniker 2:3

For üs Formåning hēd ek tö Forleiting wessen, ek me Ünrinheid, ek me Bedrog.

1 Thessaloniker 3:2

En ha Timotheus, üs Brödher stjürt, Gottes Diner, en üs Helper önt Evangilje van Kristus, om ju tö starken en tö formanin ön ju Glow.

1 Thessaloniker 4:1

Firder, lew Brödhern! bed wü ju, en formåne ju ön di Herr Jesus, alliküs I van üs tö weten fingen hå, hurdelling I wandele skel, om Gott tö hagin, omdat I altid moar tönem.

1 Thessaloniker 4:18

Sa tröste I nü arküder me dös Urder.

2 Thessaloniker 3:12

Dânen befele wü en formane jam dör üs Herr Jesus Kristus, dat ja stel arbede, en jar ein Broad it.

1 Timotheus 1:4

Uk skel ja ek agt üp di Fabeln en di Stam-Forteknis, welk nin Jend hå, en Stridfragen tö Wei bring, moar üs tö Aprogting ön di Glow.

1 Timotheus 4:13

Hoald ön me Lesen, me Formanin, me Liren, tö dat ik kom.

1 Timotheus 6:2

Mar danen, diär glowige Herren ha, skel disalwigen ek foragte, aurdat ja Brödhern sen; mar ja skel vulmoar wellig tine; wil ja glowig en lew sen, en ön di Weldåden dilhaftig sen. Sok lir en formåne diärtö.

2 Timotheus 4:2

Prötje dit Urd, hoald ön, hat mai da wis tö rogter Tid, of tö Üntid, wise törogt, trüwwe, formåne me al Geduld en Lir.

Titus 1:9

En diär fast halt ön dit Urd, wat wes es, en diär lir kjen, omdat hi magtig es tö formånin dör di sünd Lir, en di Tögensprekers aurtjüg kjen.

Titus 2:15

Lir dit en formåne, en strafe me al Iärnst. Let di van Nemmen foragte.

Titus 2:6

Formåne alliksa di jung Måner tö en skekkelk Âpföring.

Titus 2:9

Di Tinstknegter, dat ja jar Herren önderdånig sen, ön alle Dingen wellig sen, en nönt öntögen si.

Hebräer 10:25

En let üs ek forlet üs Forsåmling, üs Sommen plei, mar let üs arküder formåne, en dit om sa vul moar, wil I se, dat di Dai naier komt.

Hebräer 13:22

Mar ik bed ju, lew Brödhern! nem dit Urd van di Formåning gud ap; for ik hå ju kūrt skrewwen.

Hebräer 3:13

Mar formåne ju sallew alle Dagen, sa lung üs-t delling hjit, om dat er ek hokken mung ju forstokket ud, dör Bedrog van di Send.

1 Petrus 5:12

Dör ju tru Brödher Silvanus, (for diärfoar hoald ik höm) ha ik ju en litjet skrewwen, om tö formånin en tö betjügen, dat dit Gottes rogt Gnad es, diärön I stun.

Judas 1:20

Mar I, min Lewsten! rogt ju âp ön ju ollerhelligst Glow, dör di hellig Geist, en bödige.