1 Korinther 13:2 - North Frisian New Testament (Clemens)

² En wan ik spoai küd, en wust alle Forborgenheiden en al Wetenskep, en hed tö Alles di Glow, sa dat ik Bâriger forsät, en hed di Lewde ek, da wiär ik nönt.

1 Korinther 13:2 ပူးပေါင်းရင်းမြစ်များ

Matthäus 13:11

Hi swåret en said: Hat es ju dön, dat I dit Hjemmelkheid van-t Hemmelrik fornem; mar döshjirren est ek iwen.

Matthäus 17:20

Jesus said tö jam: “Aur dat I niin Glo̊w ha. For ik si ju, wårelk, wan I Glo̊w hå, alliküs en Senpkurn, da mai I si tö dös Bârig: Heew di hjirvan diärhen, da skel hi höm henheew, en diär wel ju nönt ünmöglik wiis.

Matthäus 21:19

En hi såg en Figenbōm bi di Wei, en ging diär hen tö, en foand nöndt diärüp, üs alining Bleden, en said tö jam: “Nü wugse older moar Frügt üp di. En ön Ogenblek fordorret di Figenbōm.

Matthäus 21:21

Da swåret Jesus en said: “Wårelk, ik si ju, wan I Glōw hå, en ek twiwele, da skel I ek alining sa wat dö, üs er me di Figenbōm sken es, mar wan I uk si tö di Bârig: Heew di weg, en stört di ön di See, da welt geske.

Forhandlings 13:1

En diär wiär ön Antiochien ön dit Geminte Profeten en Liärers, nämelk Barnabas en Simon, nämt me Tönom Niger, en Lucius van Kyrene, en Menahen, diär me Herodes di Vjurförst âptein wiär, en Saulus.

Römer 11:25

Lew Brödhem! Ik wel ek, dat ju di Hjemmelkheid ünbekänt bliw skel, omdat I ek einklok sen. Blindheid es er aur en Dil van Israel kjemmen, sa lung üs di Voltal van di Heiden ingingen es.

Römer 15:14

Ik sen diärvan aurtjügt van ju, lew Brödhem! dat I sallew vol van Gudheid sen, en vol van al Känels, en magtig on arküder tö formånin.

Römer 16:25

Höm nü, diär ju stärk kjen, na min Evangilje en Prötji van Jesus Kristus eter di Ipenbåring van di Hjemmelkheid, wat van di ewig Tid forswügget wessen hēd.

1 Korinther 11:4

Ark Man, diär bödigt of wis voarüt said, en hed wat üp Haud, di öntiäret sin Haud.

1 Korinther 12:28

En Gott hēd ön dit Geminte jest di di Apostel önsät, foart taust di Profeten, foar-t träd di Liarens, diäreter di Kraft, Wunder tö dön, diärna di Gåw, om sund tö makin, tö helpen, en tö stjüren, manningerlei Språken.

1 Korinther 13:1

Wan ik me Mensken=en me Engel=Tungen sprok, en hed di Lewde ek, da wiär ik en klingend Metal, of en skallend Skel.

1 Korinther 13:3

En wan ik al min Gud ön di Armen jaw, en let min Likhäm bren, mar hed di Lewde ek, da gagent mi dit nönt.

1 Korinther 13:8

Di Lewde forgeid oller; wan uk di Gåw tö profeseien âphjert, en di Spraken aphir, en di Känels âphjert.

1 Korinther 14:29

Van di Wissiers let tau of tri sprek, en di Üdern kjen diäraur ordile.

1 Korinther 14:39

Diärom, lew Brödhem! tragte eter di profetisk Gåwen, en wärne-t ek, me en främed Moal tö spreken.

1 Korinther 14:4

Hokken me en främed Moal sprakt, di rogt sik sallew âp; hokken wis voarüt said, di rogt dit Geminte ap.

1 Korinther 15:51

Betänk! Ik si ju en Hjemmelkheid: Wü skel ek al inslip, mar wü skel al forwandelt ud.

1 Korinther 16:22

Wan er hokken di Herr Jesus Kristus ek lew hēd, skel forflökt wis! Di Herr komt!

1 Korinther 4:1

Diärfoar hoald üs ark Mensk, nämelk foar Diners van Kristus, en Hüshoalders aur Gottes Hjemmelkheiden.

1 Korinther 7:19

Di Beskjäring es nönt, en di Voarhid es nönt, mar Gottes Gebot hoald.

1 Korinther 8:4

Sa wet wü nü van dit Iten, wat di Ofgotten åwert es, dat en Ofgot ön din Warld nönt es, en dat er nin Gott moar es üs di Jen.

2 Korinther 12:11

Ik sen en Nar uden aur dit Rümin. Diärtö ha I mi twüngen. For ik skuld van ju lowet ud; for ik sen nönt mender, üs di hōg Aposeler sen, alhurwel ik nönt sen.

Galalater 5:16

Mar ik si: Wandelt ön di Geist, da wel I di Lest na dit Flesk ek volbring.

Galalater 5:22

Mar di Frügt van di Geist es Lewde, Frügged, Frēd, Geduld, Mildheid, Gudheid, Glow, Sagtmudigheid, Küskheid.

Galalater 6:3

Mar wan-er hokken tinkt, dat hi wat es, en hi es dag nönt, di bedrait höm sallew.

Efeser 3:4

Diärom kjen I, wan I dit lēs, min Forstand van di Hjemmelkheid ön Kristus mârk.

Efeser 6:19

En foar mi, omdat mi dit Urd iwen ud, en min Müd me frügged ipnet ud, om di Hjemmelkheid van dit Evangilje bekänt tö måkin.

Kolosser 1:26

Nämelk dit Hjemmelkheid, wat forborgen wessen hed van Wârlds Begen of ön, en ön di Tid van Stam tö Stam, mar nü ipenbåret es foar alle Helligen.

1 Timotheus 3:16

En kündig gurt es di gottselig Hjemmelkheid: Gott es ipenbåret ön-t Flēsk, rogtfardigt ön di Geist, es sen uden van di Engeler, es prötjet uden bi di Heiden, es liwt uden ön di Wârld âpnommen ön di Herlikheid.

1 Johannes 4:8

Hokken ek lew hed, di känt Gott ek; for Gott es di Lewde.