1 Korinther 1:27 - North Frisian New Testament (Clemens)

²⁷ Mar wat tåbig es voar di Warld, dit hed Gott ütwälet, omdat hi de Wisen tö Skand måket; en wat swak es voar di Warld, dit hēd hi ütwälet, omdat hi tö Skand måket, wat stark es.

1 Korinther 1:27 ပူးပေါင်းရင်းမြစ်များ

Matthäus 11:25

Ön di salw Tid swåret Jesus en said: Ik danke di, üüs lewwer Gott en Våder, Herr aur Hemmel en Öörd, dat dü sok voar di Wissen en Kloken hjemmelk hölden heest, en heest et di Unmündigen ipenbåret.

Matthäus 21:16

En said tö höm: Hjerst dü wel, wat ja si? Jesus sprok tö jam: “Jå!” “Hå I older lesen? Üt di Müd van di Biärner en dânen, diär jit Tetj fo, hēst dü di Low törogt?

Matthäus 9:9

En diär Jesus diärvan firder ging, såg hi en Mensk bi di Tolsteid setten, di hjit Matthäus, en Jesus said tö höm: “Fölge mi!” En hi stönd âp, en fölligt höm.

Lukas 21:15

For ik wel ju Wisheid hir, dat I ju Uurder maake kjen; dat dânen diär ju öntögen sen, ek tögen ju âp kom kjen weder me Uurder, nog me Kneep.

Forhandlings 17:18

Mar Sommen van di epikurisk en stoisk Warldswissen strēd me höm. Sommen said: Wat wel dös Daidriwer (Pråtjer) si? En di Üdern said: Hat skintj, hi wel ni Gotten forkindige, aurdat hi van Jesus sin Evangilje en van Apstunen jam forkindigt.

Forhandlings 7:35

Dös Moses, welk ja forlögnet, en sprok: Hokken hēd di tö en Opperst of Rigter önstelt, di stjürt Gott tö en Opperst en Oflosser dör en Engelshund, welk höm ön di Bosk ön Sjün kâm.

Forhandlings 7:54

Diär ja dit hjert, ging-t jam dör-t Hart, en ja gnâset di Ted töhop aur jam.

1 Korinther 1:20

Hur sen di Wissen? Hur sen di Skreftlirten? Hur sen di Wârlds kloken? Hed Gott ek di Warlds Klokheid tö Tabigheid maket?

1 Korinther 1:21

For wil di Warld dör hör Wisheid Gott ön sin Wisheid ek küd, håget et Gott wel, dör tåbig Prötji al dânen selig tö måkin, welk diärön liw.

1 Korinther 2:12

Mar wü ha di Geist van di Warld ek fingen, mar di Geist van Gott, omdat wü wēt kjen, wat üs van Gott iwen es.

2 Korinther 10:10

For di Brewer (si ja) sen swår en stark; mar di Likhäm tö dös Tid es swak, en di Rede es kraftloas.

2 Korinther 4:7

Wü ha sa-n Skats ön ördig Faten, omdat di aurflödig Kraft van Gott es, en ek van üs.

Jakobus 2:5

Hir tö, min lew Brödhern! hēd Gott ek di Armen üp dös Wârld ütwälet, om ön di Glow rik tö wisen, en Arwing van dit Rik, wat Gott dânen löwet hēd, diär höm lew hå.