1 Johannes 3:14 - North Frisian New Testament (Clemens)

¹⁴ Wü wēt, dat wü van di Doad ön-t Lewent kjemmen sen, for wü hå di Brödhern lew. Hokken di Brödher ek lew hēd, di blewt ön di Doad.

1 Johannes 3:14 ပူးပေါင်းရင်းမြစ်များ

Matthäus 25:40

Diärüp wel di Könning swåre, en si tö jam: “Warelk, ik si ju: Wat I jen van min âremst Brödhern dön hå, dit hå I mi dön.”

Lukas 15:24

For dös min Seen wiär doad, en es weder lewendig uden; hi wiär forlesen, en es weder fünđnen uden. En ja begent, früggelk tö wisen.

Lukas 15:32

Mar dü skudt blid en gud tö Mud wiis: for dös din Brödher wiär doad, en es weder lewendig uden; hi wiär forlesen, en es weder fünđnen uden.

Lukas 7:5

Aur dat hi heed üüs Volk lew, en di Skuul heed hi üüs begt.

Johannes 13:35

Diärbi wel Arkjen kään, dat I min Lirlings sen, wan I Leewde tö arküder hå.

Johannes 15:12

Dit es min Gebot, dat I ju önder arküder lew ha, alliküs ik ju lew hå.

Johannes 15:17

Dit befele ik ju, dat I ju önder arküder lew hå.

Johannes 5:24

Forwår, forwår, ik si ju: Hokken min Uurd hjert, en liiwt ön höm, diär mi stjürt heed, di heed dit ewig Lewent, en komt ek ön dit Gerigt, mar hi es van Doaden döörtrǟngt tö dit ewig Lewent.

2 Korinther 5:1

Mar wü wet, wan üs Hüs van Örd, di Hot, diälbreken ud, dat wü en Begning hå van Gott, en Hüs wat ek me Hunden måket, diär ewig es ön Hemmel.

Galalater 5:22

Mar di Frügt van di Geist es Lewde, Frügged, Frēd, Geduld, Mildheid, Gudheid, Glow, Sagtmudigheid, Küskheid.

Efeser 1:15

Diärom ha ik uk, eter dat ik hjert ha van ju Glow ön di Herr Jesus, en van ju Lewde tö alle Helligen.

Efeser 2:1

En uk ju, üs I doad wiär dör Mesdåden en Send.

Efeser 2:5

Üs wü doad wiär ön di Send, hed hi üs samt Kristus lewendig måket, for üt Gnaden sen I selig uden.

Kolosser 1:4

Eter dat wü hjert ha van ju Glow ön Jesus Kristus, en van di Lewde tö alle Helligen.

1 Thessaloniker 4:9

Van di Lewde tö di Brödhern est ek nödig ju tö skriwen, for I sen sallew van Gott lirt, om arküder lew tö håen.

Hebräer 13:1

Bliw fast ön di Lewde tö di Brödhern.

1 Petrus 1:22

En måke ju Selen rin ön di Fölligsomheid van di Wårheid dör di Geist, tö âprogtig Brödher- Lewde, en hå arküder hartlik lew me en frai Gemüt.

1 Petrus 3:8

Aurhaud wis altermal aurjens ön ju Sen, melidig, brödherlik, barmhartig, frindjelk.

2 Petrus 1:7

En bi di Gottesfürgt Lewde tö di Brödhern, en bi di Lewde tö di Brödhern Lewde tö alle Mensken.

1 Johannes 2:3

En diärbi mark wü, dat wü höm kän, wan wü sin Geboten hoald.

1 Johannes 3:23

En dit es sin Gebot, dat wü liw ön di Nōm van sin Seen Jesus Kristus, en arküder lew ha, alliküs hi üs en Gebot iwen hed.

1 Johannes 4:12

Nemmen hed Gott bi sin Tid jens sen. Wan wü arküder lew hå, da blewt Gott ön üs, en sin Lewde es volâp ön üs.

1 Johannes 5:13

Döt hå ik tö ju skrewwen, diär I liw ön di Nōm van Gottes Seen, omdat I wes er üp sen, dat I dit ewig Lewent hå, en dat I liw ön di Nom van Gottes Seen.

1 Johannes 5:2

Diärbi kän wü-t, dat wü Gottes Biärner lew ha, wan wü Gott lew hå, en sin Geboten hoald.