1 Johannes 2:27 - North Frisian New Testament (Clemens)

²⁷ En di Salwing welk I van höm fingen hå, blewt bi ju; en I hå-t ek nödig, dat er ju hokken lirt; mar alliküs di Salwing Alles lirt, da es dit Wårheid en nin Lögen; en alliküs hi ju lirt hēd, sa skel I diärbi bliw.

1 Johannes 2:27 ပူးပေါင်းရင်းမြစ်များ

Matthäus 13:11

Hi swåret en said: Hat es ju dön, dat I dit Hjemmelkheid van-t Hemmelrik fornem; mar döshjirren est ek iwen.

Johannes 14:16

En ik wel di Våder bed, en hi skel ju en Üder Tröster iiw, omdat hi bi ju ewig blewt.

Johannes 14:17

Dit es di Wårheids-Geist, welk di Wârld ek fo kjen, for jü sjogt höm ek, en käänt höm ek. Mar ik kään höm, for hi blewt bi ju, en skel ön ju wiis.

Johannes 14:26

Mar di Tröster, di hellig Geist, welk min Våder stjür wel ön min Noom, hi skel ju Alles līr, en ju Alles ön Tågten bring, wat ik ju said hå.

Johannes 16:13

Mar wan jünder, di Wårheids-Geist, komt, di wel ju ön alle Warheid leite. For hi wel ek van höm salw rede, mar wat hi hīr wel, dit wel hi rede; en wat er ön di tökommen Tid ske skel, dit wel hi ju forkindige.

Johannes 4:14

Mar hokken dit Weter drink wel, wat ik höm iiw, di skel ön Ewigheid ek törstig ud, mar dit Weter, wat ik höm iiw wel, skel ön höm en Soad me Weter ud, welk kwelt tö ön dit ewig Lewent.

Johannes 6:45

Diär stånt skrewwen ön di Profeten: Ja skel /al/ van Gott lirt ud. Hokken dit nü hjert van di Vader, en lirt dit, di komt tö mi.

1 Korinther 2:12

Mar wü ha di Geist van di Warld ek fingen, mar di Geist van Gott, omdat wü wēt kjen, wat üs van Gott iwen es.

1 Korinther 2:13

Wat wü uk rede, ek me Urder, welk menskelk Wisheid lir kjen, mar me Urder, welk di hellig Geist lirt, en måket geistelk Såken düdelk me geistelk Urder.

2 Korinther 1:21

Mar hat es Gott, diär üs me ju befestigt ön Kristus, en üs sallewt hed.

Efeser 4:21

Wan I üders van höm hjert hå, en ön höm sa lirt uden sen üs di Rogtskaffenheid ön Jesus es.

Kolosser 2:6

Alliküs I nü di Herr Kristus Jesus önnommen hå, sa wandele ön höm.

1 Thessaloniker 2:13

Diärom danke wü uk langsen Gott, dat I, üs I di Forkindjiging van Gottes Urd fing, dit önnōm ek üs Mensken-Urd, mar, (alliküs dit wårelk es) üs Gottes Urd, wat uk wirket ön ju, diär glowig sen.

1 Thessaloniker 4:9

Van di Lewde tö di Brödhern est ek nödig ju tö skriwen, for I sen sallew van Gott lirt, om arküder lew tö håen.

1 Timotheus 2:7

Diärtö sen ik stelt tö en Pröst en Apostel (ik si di Warheid ön Kristus, en lög ek) en Liärer bi di Heiden, ön di Glow en ön di Wårheid.

1 Petrus 1:23

Üs dânen, diär wedergeboren sen, ek ut forgangelk, mar üt ünforgängelk Sit, nämelk üt dit lewendig Urd van Gott, wat ewig blewt.

1 Johannes 2:28

En nü, Biärnkes! bliw bi höm, omdat, wan hi ipenbåret ud, dat wü en früggelk Tötruen ha, en ek tö Skand ud voar höm bi sin Tökomst.

1 Johannes 3:24

En hokken sin Geboten halt, di blewt ön höm, en hi ön disallew. En diärbi kän wü, dat hi ön üs blewt, nämelk bi di Geist, welk hi üs iwen hēd.

2 Johannes 1:2

Om di Wårheids wel, welk ön üs blewt, en bi üs bliw skel on Ewigheid.