सपन्‍याह 3:6 - नेवाः बाइबल

⁶ “जिं जातितय्‌त न्‍हंका बियागु दु। इमिगु किल्‍लात उजाड जूगु दु। इमिगु लँपु भज्‍यंक स्‍यंकाबियागु दु, सुं मनूत व लँपु जुयावनी मखु। इमिगु शहर भज्‍यंक स्‍यंगु दु अले अन सुं मनूत नं ल्‍यं दइ मखु।

सपन्‍याह 3:6 ပူးပေါင်းရင်းမြစ်များ

यशैया 14:26

थ्‍व संसारया निंतिं थ्‍व जिगु योजना खः अले जाति जातितय्‌त सजाँय बीत जिं थःगु ल्‍हाः ल्‍ह्वनागु दु।

यशैया 37:36

अले परमप्रभुया दूत पिहां वल, वं अश्‍शूरीतय्‌गु छाउनीइ छगू लाख व चयन्‍याद्वःम्‍ह (१,८५,०००) अश्‍शूरी सिपाइँतय्‌त स्‍यानाबिल। सुथय् दंबलय् मनूतय्‌सं छाउनीइ सिपाइँत सिनाच्‍वंगु खन।

यशैया 6:11

अले जिं न्‍यना, “हे परमप्रभु गुबलय् तक थथे जुयाच्‍वनी?” वय्‌कलं लिसः बियादिल, “शहरत नाश जुया व खालि मजुतले, बुँत फुक्‍क नाश जुयाः छेँत फुक्‍क दुना वनाः झिजांमिजां मदंतले,

यर्मिया 9:12

थ्‍व थुइके फुम्‍ह बुद्धि दुम्‍ह मनू सु दु? थ्‍व खँ मेपिन्‍त कँ धकाः परमेश्‍वरं थुकिया बारे सुयात स्‍यनादिल? छाय् थ्‍व देश नाश जुयाः सुं नं वये वने मफइगु मरुभूमि थें जुल?

लेवी 26:31

जिं छिमिगु शहरत नाश यानाबी, छिमिगु पुजा यायेगु थाय्‌यात भज्‍यंक स्‍यंकाबी, अले छिमिसं ब्‍यूगु नस्‍वाः वःगु बलि नालाकाये मखु।

सपन्‍याह 2:5

समुद्र सिथय् च्‍वनीपिं करेती जातितय्‌त धिक्‍कार। परमप्रभुयागु वचन छिमिगु विरोधय् दु, हे कनान, पलिश्‍तीतय्‌गु देश, “छन्‍थाय् छम्‍ह नं मनूत ल्‍यंमदय्‌काः जिं छन्‍त न्‍हंकाबी।”

जकरिया 7:14

‘म्‍हमस्‍यूपिं जातितय्‌गु दथुइ ग्‍वःफसं थें जिं इमित छ्यालब्‍याल याना। थुकथं इमिगु देश झिजांमिजां दंगुथाय् जुल। अन सुं नं मनू वये वने मया। इमिसं जिगु खँ मन्‍यंगुलिं व न्‍ह्यइपुगु देश झिजांमिजां दंगुथाय् जुल।’”

मत्ती 23:38

आवंनिसें छिमिगु छेँ छिमित हे त्‍वःताथके।

१ कोरिन्‍थी 10:11

इमित अथे जूगु खँ झीसं नं सीके फयेमा धकाः व झीत ख्‍याच्‍वः बीत नं च्‍वयातःगु खः। झीपिं च्‍वनाच्‍वनागु संसार आः फुना वनिन।

१ कोरिन्‍थी 10:6

इमित थथे यानादीगुलिं झीसं नं इमिसं थें मूर्ति पुजा यायेगु, बांमलाःगु मभिंगु मतिइ तये मज्‍यू धकाः थुकिं बांलाक सी दु। इमिगु थ्‍व हे खँ धर्मशास्‍त्रय् नं थथे च्‍वयातःगु दु – “इपिं फ्‍यतुनाः भ्‍वय् नयेत्‍वने धुंकाः दनाः यःयःथें सन।”

यहोशू 23:4

जिं गथे यानाः यर्दन खुसिंनिसें पच्‍छिमय् भूमध्‍यसागर तकयापिं जिं त्‍याकाःपिं अले ल्‍यंदुपिं जातितय्‌गु फुक्‍क इलाका चिट्ठा ततं छिमिगु कुलतय्‌त सर्बयकथं इनाबियागु खः व लुमंकि।