सपन्‍याह 3:20 - नेवाः बाइबल

²⁰ उबलय् जिं छिमित मुंके अले छिमित छेँय् हये। जिं छिमिगु मिखाया न्‍ह्यःने हे छिमिगु भिंगु दिं लित बीबलय्, पृथ्‍वी न्‍यंक जिं धात्‍थें हे छिमिगु नां व प्रशंसा च्‍वन्‍ह्याकाबी,” परमप्रभु धयादी।

सपन्‍याह 3:20 ပူးပေါင်းရင်းမြစ်များ

भजनसंग्रहया सफू 35:6

परमप्रभुया दूतं इमित लिनायंकीबलय् इमिगु लँ खिउँसे व चुल्‍लुसे च्‍वनेमा।

यशैया 56:5

जिं जिगु देगलय् व उकिया पःखाःया दुने च्‍वंपिं काय् म्‍ह्याय्‌पिन्‍त स्‍वयाः अप्‍वः हनाबना याकेबी, अले इमित तसकं भिंगु नां बी। जिं इमित सदां दयाच्‍वनीगु नां बी।

यशैया 56:8

ज्‍वनायंकूपिं त्‍वःतकाः हःम्‍ह परमप्रभु परमेश्‍वरं थथे घोषणा यानादी, “छथाय् मुनाच्‍वंपिं बाहेक जिं मेपिन्‍त नं इपिंनापं हे छथाय् मुंके हये।”

यशैया 60:15

“छ त्‍वःतातःम्‍ह व हेला यानातःम्‍ह खः, छपाखें जुयाः सुं नं मवंसां नं जिं छन्‍त सदांया निंतिं गौरव व फुक्‍क पुस्‍ताया लसता यानाबी।

यशैया 61:9

इमि सन्‍तानत जाति जातिया दथुइ, अले इमि मचाखाचातय्‌त मनूतय्‌गु दथुइ म्‍हसिइगु जुइ। इमित खंपिं सकसिनं ‘इपिं ला परमप्रभुपाखें सुवाः दुपिनि सन्‍तान खः’ धकाः स्‍वीकार याइ।”

यशैया 62:12

इमित “पवित्र जाति” धकाः धाइ, अले “परमप्रभुपाखें छुत्‍कारा दुपिं।” छन्‍त धाःसा “मालाः लुइकूगु” व “मत्‍वःतूगु शहर” धकाः धायेगु याइ।

यशैया 62:7

परमप्रभुं थःगु ज्‍या सिधय्‌कामदीतले अले यरूशलेमयात पृथ्‍वीया गौरव दय्‌कामदीतले वय्‌कःयात आराम काय्‌के बियादी मते।

यशैया 66:22

“गथे न्‍हूगु आकाश व न्‍हूगु पृथ्‍वी जिं दय्‌के, उपिं जिगु न्‍ह्यःने दयाच्‍वनी,” परमप्रभुं धयादी। “थुकथं छिमिगु नां व छिमि सन्‍तान ल्‍यनाच्‍वनी।

यर्मिया 23:3

“जिगु बथांया ल्‍यनाच्‍वंपिन्‍त जिं इमित लिनाछ्वयागु फुक्‍क देशं मुंकाः जिं थःम्‍हं हे इमित इमिगु थःगु हे ख्‍यलय् लित हये। अले हानं इपिं च्‍वन्‍ह्याइ अले इमिगु ल्‍याः अप्‍वयावनी।

यर्मिया 29:14

छिमिसं जितः लुइकी,” परमप्रभुं धयादी, “अले छिमित कैदं लित हये। जिं छिमित ज्‍वंकाछ्वयागु फुक्‍क जाति व फुक्‍क थासं जिं छिमित मुंके,” परमप्रभुं धयादी। “गुगु थासं जिं छिमित ज्‍वंकाछ्वयागु खः जिं छिमित व हे थासय् लित हये।”

यर्मिया 30:3

जिं जिमि प्रजा इस्राएल व यहूदायात बेबिलोनं लित हयेगु दिं वयेत्‍यंगु दु। जिं इमि पुर्खातय्‌त बियागु देशय् जिं इमित लित हये। इमिसं हाकनं उगु देशय् अधिकार याइ,’” परमप्रभुं धयादी।

यर्मिया 33:9

अले थुकिया निंतिं जिं यानागु फुक्‍क भिंगु भिंगु ज्‍याया बारे न्‍यनीपिं थ्‍व संसारया फुक्‍क जातितय्‌गु न्‍ह्यःने थ्‍व शहरं जितः नां, लसता व हनाबना हयाबी। जिं थुकिया लागि यानागु फुक्‍क भिंगु ज्‍याया बारे उपिं जातितय्‌सं न्‍यनी, अले जिं थुकियात बियागु गाक्‍क सुख शान्‍तिया कारणं इपिं ग्‍यानाः थुरथुर खाइ।’

इजकिएल 16:53

“‘अथेसां जिं सदोम व वया म्‍ह्याय्‌पिनिगु अले सामरिया व वया म्‍ह्याय्‌पिनिगु लसता व शान्‍ति लित हयाबी। अले इपिंलिसें छंगु लसता व शान्‍ति नं लित हयाबी।

इजकिएल 28:25

“‘परमप्रभु परमेश्‍वरं थथे धयादी – जात जातितय् दथुइ छ्यालब्‍याल जूपिं इस्राएलयापिं मनूत जिं मुंके, अले जाति जातितय्‌गु न्‍ह्यःने जिं थःम्‍हं थःत छिमिगु दथुइ पवित्र क्‍यने। अले जिम्‍ह दास याकूबयात जिं बियागु इमिगु थःगु हे देशय् इपिं च्‍वनी।

इजकिएल 34:16

तंपिन्‍त जिं माले, लँ द्वंकुपिन्‍त जिं लुइकाः हये। घाःपाः जूपिन्‍त मलम तयाः पट्टी चिनाबी, बमलाःपिन्‍त बल्‍लाकाबी। तर ल्‍ह्वंपिं व बल्‍लाःपिन्‍त जिं नाश यानाबी। खःकथं बथां स्‍वइम्‍ह फैजवाः जि जुइ।

इजकिएल 37:12

उकिं अगमवाणी यानाः इमित धा, ‘दकलय् तःधंम्‍ह परमप्रभु परमेश्‍वरं थथे धयादी – हे जिमि मनूत, जिं छिमिगु चिहानत चाय्‌काः छिमित अनं लिकायेत्‍यनागु दु। जिं छिमित इस्राएल देशय् लित हये।

इजकिएल 37:21

अले इमित धा, ‘परमप्रभु परमेश्‍वरं थथे धयादी – जिं इस्राएलीतय्‌त इपिं वनाः च्‍वनाच्‍वंगु जातितपाखें लिकाये। जिं इमित प्‍यखेंपाखें मुंके, अले इमित थःगु हे देशय् हये।

इजकिएल 39:13

देशयापिं सकलें मनूत मिलय् जुयाः इमित थुनी। अले जिगु महिमा जुइगु दिं इमिगु निंतिं छगू लुमनाच्‍वनीगु दिं जुइ, परमप्रभु परमेश्‍वरं धयादी।

इजकिएल 39:28

अले इमिसं जि परमप्रभु इमि परमेश्‍वर खः धकाः सी, छाय्‌धाःसा जिं इमित जाति जातितय्‌गु दथुइ ज्‍वंकाछ्वसां इपिं मध्‍ये सुं नं त्‍वःमफिक जिं हे इमित इमिगु थःगु हे देशय् मुंके।

योएल 3:1

परमप्रभुं धयादी, “उगु दिनय् व उबलय् हे जिं यहूदा व यरूशलेमयापिं मनूतय्‌त हाकनं भिं यानाबी।

आमोस 9:14

जिं थः मनू इस्राएलीतय्‌त ज्‍वना यंकूगु थासं लित हये। “भज्‍यंक नाश जुइ धुंकूगु शहरयात हाकनं इमिसं दय्‌कीतिनि, अले अन च्‍वनी। इमिसं दाखक्‍यबय् दाखमा पी अले दाखमद्य त्‍वनी। इमिसं क्‍यबय् फलया सिमात पी अले यक्‍व फलफुल नइ।

मीका 2:12

“हे याकूब, धात्‍थें हे जिं छिपिं फुक्‍कसित मुंके। इस्राएलयापिं ल्‍यंदुपिन्‍त जिं धात्‍थें हे मुंके। जिं इमित फैगालय् फैतय्‌त थें छथाय् हे मुंके। व थासय् ग्‍वाः ग्‍वाः मनूत दइ।

मीका 4:7

लँगडातय्‌त जिं ल्‍यंकातये, तापाक लिनाछ्वःपिन्‍त जिं छगू बल्‍लाःगु जाति दय्‌के। परमप्रभुं इमित सियोन पर्वतय् न्‍ह्याबलें राज्‍य यानादी।

सपन्‍याह 2:7

अले व समुद्रया सिथय् च्‍वगु देय् यहूदाया खलःयापिं ल्‍यंदुपिं मनूतय्‌गु लागिं जुइ, इमिसं अन थः फैतय्‌त ज्‍वइ। अश्‍कलोनया छेँतय् इपिं बहनी द्यनी, छाय्‌धाःसा परमप्रभु इमि परमेश्‍वरं इमिगु भिंगु दिं हाकनं लित हयादी।

सपन्‍याह 3:19

उबलय् छन्‍त क्‍वत्‍यला तःपिन्‍त जिं सजाँय बी, जिं खुत्‍यांकाःपिन्‍त बचय् याये, अले छ्यालब्‍याल जूपिन्‍त जिं मुंके। जिं इमिगु लज्‍यायात हीका पृथ्‍वी न्‍यंक इमिगु नां जाय्‌काबी।

जकरिया 8:13

हे यहूदा व इस्राएलयापिं मनूत, परदेशीतय्‌सं सुयातं सराः बीबलय् थौं तक नं छिमिगु नां छ्यलाच्‍वंगु दु। अय्‌नं जिं छिमित बचय् याये, अले छिपिं भिंगु सुवाः जुइ।”

जकरिया 8:8

जिं इमित यरूशलेमय् च्‍वनेत ब्‍वनाहये। इपिं जि मनूत जुइ। अले जि इमिपाखे विश्‍वास याये बहःम्‍ह व धर्मी जुयाः इमि परमेश्‍वर जुये।”

मलाकी 3:12

“फुक्‍क जातितय्‌सं छिमित धन्‍य धकाः धाइ, छाय्‌धाःसा छिमिगु देश न्‍ह्यइपुस्‍से च्‍वंगु थाय् जुइ,” दक्‍व शक्ति दुम्‍ह परमप्रभुं धयादी।

व्‍यवस्‍था 26:18

परमप्रभु छिमि परमेश्‍वरं थःगु बचंकथं थौं छिमित थः विशेष मनूत व मू वंगु सम्‍पत्ति दय्‌कादीगु दु, अले छिमिसं वय्‌कःया आज्ञा मानय् याये हे माः।

व्‍यवस्‍था 26:19

अथे यात धाःसा वय्‌कलं छिमित मेगु जातित स्‍वयाः तःधंकादी। अनंलि छिमित हनाबना व नां दइ। अले परमप्रभु छिमि परमेश्‍वरं बचं बियादीगु थें छिपिं वय्‌कःया पवित्र जाति जुइ।