सपन्‍याह 3:16 - नेवाः बाइबल

¹⁶ व दिं यरूशलेमयात इमिसं थथे धाइ, “छ ग्‍याये मते, हे सियोन। छंगु ल्‍हाः कमजोर मजुइमाः।

सपन्‍याह 3:16 ပူးပေါင်းရင်းမြစ်များ

अय्‍यूब 4:3

बिचाः यानादिसँ, छिं गय् यानाः यक्‍व मनूतय्‌त शिक्षा बियादिया, अले बमलाःपिं मनूतय्‌त छिं गय् यानाः बल बियादिया।

यशैया 25:9

व दिंखुन्‍हु फुक्‍कसिनं धाइ, “धात्‍थें वय्‌कः हे झी परमेश्‍वर खः। झीसं वय्‌कःयाके भलसा तयाः अले वय्‌कलं हे झीत बचय् यानादिल। वय्‌कः परमप्रभु खः, वय्‌कःयाके हे झीसं भलसा तयागु खः। वय्‌कलं यानादीगु उद्धारया निंतिं झीपिं लय्‌ताया न्‍ह्यइपुकेनु।”

यशैया 40:9

हे भिंगु खँ हइम्‍ह सियोन, तज्‍जाःगु पर्वतय् थाहां हुँ, अले थ्‍व भिंगु खँ न्‍यंकि! हे भिंगु खँ हइम्‍ह यरूशलेम, ततःसलं हा, मग्‍यासें ततःसलं हा! अले यहूदाया शहरयात धा, “छिमि परमेश्‍वर झायाच्‍वंगु दु।”

यशैया 41:10

अथे जुयाः ग्‍याये मते, छाय्‌धाःसा जि छनापं हे दु। नुगः क्‍वतुंके मते, छाय्‌धाःसा जि हे छिमि परमेश्‍वर खः। जिं छन्‍त बल्‍लाके। जिं छन्‍त ग्‍वाहालि याये। जिगु धार्मिकताया जव ल्‍हातं जिं छन्‍त तिबः बी।

यशैया 44:2

छन्‍त दय्‌कूम्‍ह, छन्‍त गर्भय् दय्‌कूम्‍ह छन्‍त ग्‍वाहालि याइम्‍ह, परमप्रभुं थथे धयादी – हे जिमि दास याकूब, जिं ल्‍ययाम्‍ह यशूरून, छ ग्‍याये मते।

यशैया 54:4

“ग्‍याये मते, छ लाजय् लाइ मखु। मेपिन्‍सं बेइज्‍जत याइ धकाः ग्‍याये मते। छन्‍त क्‍वह्यंके फइ मखु। छं थःगु ल्‍याय्‌म्‍हबलय्‌या लज्‍या ल्‍वःमंकी, अले छन्‍त भाःत मदुबलय्‌या याःगु हेला गुबलें लुमंकी मखु।

योएल 2:21

अय् यहूदा देश, ग्‍याये मते! लय्‌ताया च्‍वँ अले न्‍ह्यइपुकि! छाय्‌धाःसा परमप्रभुं ततःधंगु ज्‍या यानादीगु दु।

जकरिया 8:13

हे यहूदा व इस्राएलयापिं मनूत, परदेशीतय्‌सं सुयातं सराः बीबलय् थौं तक नं छिमिगु नां छ्यलाच्‍वंगु दु। अय्‌नं जिं छिमित बचय् याये, अले छिपिं भिंगु सुवाः जुइ।”

जकरिया 8:15

“तर आः हाकनं यरूशलेम व यहूदायापिं मनूतय्‌त भिं यायेगु क्‍वःछिनागु दु। उकिं ग्‍याये मते।

यूहन्‍ना 12:12

कन्‍हय् खुन्‍हु जुइगु छुत्‍काराया नखः हनेत वःपिं ग्‍वाः ग्‍वाः मनूतय्‌सं येशू यरूशलेमय् झायात्‍यंगु दु धकाः सीकल।

२ कोरिन्‍थी 4:1

थथे परमेश्‍वरं जिमित दया माया यानाः थ्‍व ज्‍या बियातःगु खः। उकिं जिमिसं आशा त्‍वःते मखु।

गलाती 6:9

अय्‌जूगुलिं भिंगु ज्‍या यायेत थाकु चाये मते। थाकु मचासे ज्‍या यानाच्‍वन धाःसा छन्‍हु झीत परमेश्‍वरं सिरपाः बियादी।

एफिसी 3:13

अय्‌जूगुलिं जिं थथे दुःखकष्‍ट सियाच्‍वनागु खनाः छिमिसं आशा त्‍वःते मते धकाः जिं इनाप यानाच्‍वना। थुकिं छिमित हे भिं जुइ।

हिब्रू 12:12

अय्‌जूगुलिं त्‍यानुगु ल्‍हाः व बमलाःगु तुति बल्‍लाकि।

प्रकाश 2:3

जिगु नांयागु निंतिं छिमिसं सकतां सह याये फक्‍व स्‍वयाः नं अप्‍वः सह यानाच्‍वंगु अझ हे नं त्‍यानु मचासे सह यानाच्‍वंगु नं जिं स्‍यू।