सपन्‍याह 3:13 - नेवाः बाइबल

¹³ इस्राएलयापिं ल्‍यंदुपिं मनूतय्‌सं गुगु कथंयागु नं द्वं याइ मखु। इमिसं मखुगु खँ ल्‍हाइ मखु। न इमिगु म्‍हुतुइ ध्‍वंलाइगु खँ हे दइ। इमिसं नइ अले याउँक ग्‍वार्तुलाच्‍वनी, अले सुनां इमित ख्‍याये फइ मखु।”

सपन्‍याह 3:13 ပူးပေါင်းရင်းမြစ်များ

२ इतिहास 20:30

उकिं यहोशापातया देशय् शान्‍ति जुयाच्‍वन। परमेश्‍वरं वयात प्‍यखेरं आराम बियादिल।

अय्‍यूब 11:19

छि छुं खनाः ग्‍याये म्‍वायेक ग्‍वारातुलादी, यक्‍व मनूतय्‌सं छिगु दया कायेत स्‍वइ।

भजनसंग्रहया सफू 119:3

इमिसं छुं नं मभिं ज्‍या याइ मखु, इपिं वय्‌कःया लँपुइ वनी।

भजनसंग्रहया सफू 120:2

हे परमप्रभु! मखुगु खँ ल्‍हाइपिं व ध्‍वंलाइपिंपाखें जितः बचय् यानादिसँ।

भजनसंग्रहया सफू 120:3

अय् फताहा, परमेश्‍वरं छन्‍त छु यानादी? छन्‍त मेगु अप्‍वः छु यानादी?

भजनसंग्रहया सफू 23:2

वय्‌कलं जितः वाउँगु घाँसय् थ्‍यनादी, वय्‌कलं जितः सफागु लःया पुखुलिइ यंकादी।

यशैया 17:2

अरोएरया शहरत न्‍ह्याबलेंया निंतिं झिजांमिजां दंगु जुइतिनि। उपिं फै-च्‍वलय् ज्‍वयेगु थाय् जुइतिनि अले अन इमित ख्‍याइपिं सुं नं दइ मखु।”

यशैया 35:8

अन छपु मू लँ दइ, वयात पवित्रताया लँ धकाः धाइ। सुं अशुद्धपिं अनं जुयाः वनी मखु। तर व लँ इमिगु निंतिं जक जुइ गुम्‍ह अनं जुयाः वंगु दु। दुष्‍टत व मूर्खत अनं वने दइ मखु।

यशैया 54:14

धार्मिकताय् छन्‍त थापं याइ। क्‍वत्‍यलिपिंपाखें छ तापाक्‍क हे च्‍वनी, छ सुं खनाः नं ग्‍यायेमाली मखु। भयपाखें छ तापाक्‍क हे च्‍वनी, आतंक छंगु लिक्‍क वइ मखु।

यशैया 6:13

छुं जुयाः व देशय् झिब्‍वय् छब्‍व ल्‍यं दसां जिं इपिं फुक्‍कसित नाश याये। तर गथे तारपीनया सिमा व स्‍वसिमा पालिबलय् थुथा ल्‍यंदयाच्‍वनी। अथे हे व देशय् पवित्र पुसा धाःसा थुथा थें जुइ, व हाकनं बुया वइ।”

यशैया 60:21

अनंलि छिमि फुक्‍क प्रजात धर्मी जुइ, इमिसं सदांया निंतिं देशय् अधिकार याइ। जिगु गौरव क्‍यनेत इपिं जिं पिनागु माचा थें खः, अले इपिं जिगु ल्‍हाःया ज्‍या खः।

यशैया 63:8

वय्‌कलं धयादिल, “धात्‍थें हे थुपिं जिमि प्रजा खः, उपिं काय्‌पिं गुपिन्‍सं जितः ध्‍वखा बी मखु।” अथे जुयाः वय्‌कः इमित मुक्ति बीम्‍ह जुयादिल।

यशैया 65:10

जितः मालीपिं जिमि प्रजाया निंतिं, शारोन फैच्‍वलय्‌त ज्‍वयेगु ख्‍यः, अले आकोरया ब्‍यासि धाःसा सा द्वहंतय्‌गु आराम कायेगु थाय् जुइ।

यर्मिया 23:4

जिं इमिगु लागि फैजवाःत तये। इमिसं इमित बिचाःसंचाः याइ। जिमि मनूत गुबलें ग्‍याइ मखु। इपिं मध्‍ये सुं नं तनी मखु,” परमप्रभुं धयादी।

यर्मिया 30:10

“‘उकिं परमप्रभुं धयादी, हे जिम्‍ह दास, याकूबया सन्‍तान, ग्‍याये मते। हे इस्राएलयापिं मनूत, नुगः क्‍वतुंके मते। जिं थम्‍हं हे छिमित तापाःगु देशं व छिमि सन्‍तानयात ज्‍वनायंकातःगु देशं बचय् यानाः हये। याकूबयात हाकनं शान्‍ति व सुरक्षा दइ। सुनानं वयात ख्‍याये फइ मखु।’

यर्मिया 31:33

“उबलय् जिं इस्राएलया घरानानापं चीत्‍यनागु बाचा थुकथं खः, जिं थःगु नियम इमिगु मनय् तयाबी अले इमिगु नुगलय् च्‍वयाबी। जि इमि परमेश्‍वर जुइ अले इपिं जिम्‍ह मनूत जुइ।

इजकिएल 39:26

इमित ख्‍याइपिं सुं मदयाः थःगु देशय् याउँक च्‍वने धुंकाः इमिसं न्‍हापायागु लज्‍या व विश्‍वासघातया जिम्‍मा काइ।

योएल 3:17

“अले पवित्र पर्वत सियोनय् च्‍वनीम्‍ह परमप्रभु छिमि परमेश्‍वर जि हे खः धकाः छिमिसं सीका काइ। अले यरूशलेम पवित्र जुइ, विदेशीतय्‌सं हानं गुबलें थन हमला याःवइ मखु।

योएल 3:21

जिं क्षमा मयानानीगु इमिगु हिया दोष, जिं क्षमा यानाबी।” परमप्रभु सियोनय् च्‍वनादी।

लेवी 26:6

“‘जिं छिमिगु देशय् शान्‍ति बी। छिपिं याउँक द्येने फइ। अले छिमित ख्‍याइपिं सुं दइ मखु। जिं देशं ग्‍यानापुपिं पशुत ख्‍याना छ्वये, अले छिमिगु देशय् लडाइँ जुइ मखु।

मीका 4:4

दक्‍व मनूत थःगु दाखमाया क्‍वय् व थःगु यःमरिमाया क्‍वय् च्‍वनेगु याइ। सुनानं इमित ख्‍याइ मखु, छाय्‌धाःसा दक्‍व शक्ति दुम्‍ह परमप्रभुं हे न्‍ववानादीगु दु।

मीका 4:7

लँगडातय्‌त जिं ल्‍यंकातये, तापाक लिनाछ्वःपिन्‍त जिं छगू बल्‍लाःगु जाति दय्‌के। परमप्रभुं इमित सियोन पर्वतय् न्‍ह्याबलें राज्‍य यानादी।

मीका 7:14

हे परमप्रभु, छिं कथि ज्‍वनाः थः प्रजायात ज्‍वयादिसँ, नायुगु ख्‍यलय् व गुँइच्‍वनीपिं छिगु सर्बयया फैच्‍वलय्‌त ज्‍वयादिसँ। कर्मेल डाँडाया गुँइ याकःचा च्‍वंनाच्‍वंसां इपिं न्‍हापा थें हे बाशान व गिलादय् च्‍वंगु घाँय्‌ख्‍यलय् वनाः ज्‍वयेमा।

सपन्‍याह 2:7

अले व समुद्रया सिथय् च्‍वगु देय् यहूदाया खलःयापिं ल्‍यंदुपिं मनूतय्‌गु लागिं जुइ, इमिसं अन थः फैतय्‌त ज्‍वइ। अश्‍कलोनया छेँतय् इपिं बहनी द्यनी, छाय्‌धाःसा परमप्रभु इमि परमेश्‍वरं इमिगु भिंगु दिं हाकनं लित हयादी।

सपन्‍याह 3:5

इमिगु दथुइ च्‍वनादीम्‍ह परमप्रभु धर्मीम्‍ह खः, वय्‌कलं गुबलय् नं अन्‍याय यानादी मखु। वय्‌कलं सुथय् पतिकं थःगु न्‍याय क्‍यनादी। न्‍हियान्‍हिथं वय्‌कः चुकय् जुयादी मखु। अधर्मीतय्‌सं लाज धयागु हे सी मखु।

जकरिया 8:12

“पुसा बांलाक बुया वइ, दाखमां फल बी, बुं थःगु अन्‍न सय्‌की, अले गाक्‍क वा वइ। जिं ल्‍यंदुपिं मनूतय्‌त थुपिं फुक्‍क सर्बय कथं बी।

जकरिया 8:16

छिमिसं यायेमाःगु थ्‍व हे ज्‍या खः – छम्‍हय्‌सिनं मेम्‍हलिसे खःगु खँ ल्‍हा, अले छिमिगु अदालतय् खःगु व पाय्‌छिगु न्‍याय या।

जकरिया 8:3

परमप्रभुं थथे धयादी, “जि सियोनय् लिहां वये अले यरूशलेमय् बाय् च्‍वने। अबलय् यरूशलेमयात ‘विश्‍वास याये बहःगु शहर’ धकाः धाइ, अले दक्‍व शक्ति दुम्‍ह परमप्रभुया पहाडयात धाःसा ‘पवित्र पर्वत’ धाइ।”

मत्ती 13:41

अबलय् मनूया काय्‌नं थः दूततय्‌त छ्वयाहइ। अले इमिसं वय्‌कःयागु राज्‍यय् च्‍वंपिं पाप याःपिं व याकूपिं फुक्‍कसितं मुंकी।

यूहन्‍ना 1:47

नथानेलयात थःथाय् वयाच्‍वंगु खनाः येशूं वयात धयादिल – “छ ला छम्‍ह तसकं स्‍वजाम्‍ह इस्राएली खः।”

कलस्‍सी 3:9

छिमिसं आः पुलांगु चालचलन त्‍वःते धुंकूगुलिं थःथवय् मखुगु खँ ल्‍हायेगु याये मते।

१ पत्रुस 3:14

सुयातं भिंगु यानाः नं दुःखकष्‍ट जुल धाःसा परमेश्‍वरं छिमित आशिष बियादी। अथे दुःखकष्‍ट बीवं ग्‍याये मते, अले दुःख नं ताये मते।

१ यूहन्‍ना 5:18

परमेश्‍वरया सन्‍तानतय्‌सं पाप यानां तुं च्‍वनी मखु। वय्‌कःया काय्‌नं अज्‍याःम्‍ह मनूयात शैतानं थी मफय्‌क बचय् यानातयादी।

प्रकाश 14:5

इमिगु म्‍हुतुइ मखुगु खँ धयागु मदु, इमिगु नुगः यचुसे च्‍वं।

प्रकाश 21:27

पवित्र मजूगु छुं हे अन दुकाइ मखु। घच्‍चायापुसे च्‍वंगु ज्‍याखँ यानाजुइपिं, अथवा मखुगु खँ ल्‍हानाजुइपिं सुं हे अन दुकाइ मखु। भ्‍याःचायागु जीवनयागु सफुलिइ च्‍वयातःपिं मनूतय्‌त जक अन दुकाइ।

प्रकाश 21:8

“भुस्‍याःत, विश्‍वास त्‍वःतूपिं, घच्‍चायापुगु ज्‍या याइपिं, मनू स्‍याइपिं, व्‍यभिचार याइपिं, धामी झाँक्री ज्‍या याइपिं, मूर्ति पुजा याइपिं व मखुगु खँ ल्‍हाइपिं फुक्‍कसितं गन्‍धकयागु मि गालय् वांछ्वइ। निकः सीगु धाःगु थ्‍व हे खः।”