सपन्‍याह 3:12 - नेवाः बाइबल

¹² तर जिं छंगु दथुइ क्‍वमिलु व चिधंपिं मनूत त्‍वःता तये सुनां परमप्रभुया नामय् भलसा काइ।

सपन्‍याह 3:12 ပူးပေါင်းရင်းမြစ်များ

एज्रा 9:8

“तर थौं छुं ईया निंतिं, परमप्रभु झी परमेश्‍वर, छिं जिमित दया यानाः छुं मनूतय्‌त बचय् यानाः जिमित थःगु पवित्र थासय् छगू बल्‍लाःगु थाय् बियादीगु दु। थुकथं छि जिमि परमेश्‍वरं जिमिगु मिखाय् जः अले जिपिं दास जुयाच्‍वनागु इलय् भतिचा आराम बियादीगु दु।

भजनसंग्रहया सफू 37:40

परमप्रभुं इमित ग्‍वाहालि यानादी अले बचय् यानादी, वय्‌कलं इमित मभिंपिं मनूतय्‌पाखें बचय् यानातयादी, छाय्‌धाःसा इपिं वय्‌कःया शरणय् वइ।

यशैया 14:30

गरीब स्‍वयाः गरीबपिन्‍त ज्‍वयेत ख्‍यः दइ, मगाःमचाःपिं ढुक्‍क जुयाः आराम कायेखनी। तर जिं छिमि वंशयात नये मखंकाः नाश यानाबी। छिमि सुयातं नं उकिं म्‍वाका तइ मखु।

यशैया 14:32

अले पलिश्‍तीपाखें बुखँ ज्‍वनाः वइपिं मनूतय्‌त झीसं छु लिसः बियेगु? “परमप्रभुं सियोनयात पलिस्‍था यानादिल, अले दुःखकष्‍टय् लानाच्‍वंपिं वय्‌कःया प्रजात अन शरण कायेखनी।”

यशैया 29:19

क्‍वमिलुपिन्‍सं हाकनं परमप्रभुयाके लसता हनी, अले मगाःमचाःपिन्‍सं परमप्रभु इस्राएलया पवित्र परमेश्‍वरयाके हे लय्‌तायाच्‍वनी।

यशैया 50:10

छिपिं मध्‍ये सुनां परमप्रभुया भय काइ, अले वय्‌कःया दासया खँ मानय् याइ? जः मदय्‌क खिउँथाय् जुइपिं, परमप्रभुया नामय् भलसा ति अले थः परमेश्‍वरयाके हे भलसा या।

यशैया 6:13

छुं जुयाः व देशय् झिब्‍वय् छब्‍व ल्‍यं दसां जिं इपिं फुक्‍कसित नाश याये। तर गथे तारपीनया सिमा व स्‍वसिमा पालिबलय् थुथा ल्‍यंदयाच्‍वनी। अथे हे व देशय् पवित्र पुसा धाःसा थुथा थें जुइ, व हाकनं बुया वइ।”

यर्मिया 17:7

“धन्‍य खः व मनू, गुम्‍हय्‌सिनं परमप्रभुयागु भलसा काइ, गुम्‍हय्‌सिगु आशा परमप्रभु खः।

यर्मिया 50:20

परमप्रभुं धयादी, “उपिं दिनय्, उगु इलय् इस्राएलया अपराधयात माली, तर छगू नं लुइ मखु, अले यहूदाया पाप नं माली तर छगू नं लुइ मखु। छाय्‌धाःसा जिं बचय् यानातयागु ल्‍यं दुगु ब्‍वयात जिं क्षमा याये।”

इजकिएल 6:8

“‘अय्‌नं जिं छिपिं मध्‍ये गुलिंसित बचय् यानाः तये। उकिं छिपिं देश देशय् छ्यालब्‍याल जुइबलय् जाति जातिया दथुइ छिमि छुं मनूत तरवारं बचय् जुइ।

मीका 5:6

इमिसं अश्‍शूर देशयात तरवारं व निम्रोद देशयात नांगागु तरवारं शासन याइ। अश्‍शूरीत झीगु देशय् हमला यायेत वइबलय् अले झीगु सिमानाया दुने पलाः तइबलय् वय्‌कलं झीत अश्‍शूरीतपाखें बचय् यानादी।

नहूम 1:7

परमप्रभु भिंम्‍ह खः, दुःखया इलय् वय्‌कः शरण कायेगु थाय् खः। वय्‌कःयाके भलसा तइपिन्‍त वय्‌कलं सुसाकुसा यानादी।

जकरिया 11:11

थुकथं उखुन्‍हु हे बाचा क्‍वःदल। सुसाःकुसाः मगाःपिं फैतय्‌गु बथानं जिगु ज्‍याखँ स्‍वयाच्‍वन। इमिसं स्‍यू, जिगु ज्‍याखँपाखें परमप्रभुं नवानाच्‍वंगु दु।

जकरिया 11:7

उकिं जिं स्‍यायेत चिं तयातःपिं फैतय्‌गु पुचलं सुसाःकुसाः मगाःपिं फैतय्‌त ज्‍वया। अले निपु कथि कयाः जिं बथांयात ज्‍वयाः छपु कथियागु नां “दया” तया, अले जिं बथांयात ज्‍वयाः मेगु कथियागु नां “छप्‍पँ” तया।

मत्ती 11:5

कांपिन्‍सं मिखां खन, लंग्रात न्‍यासि वने फत, कोह्रित लाया वन, ख्‍वाँय्‌तय्‌सं ताल, सीपिं मनूत हानं म्‍वानावल, अले चीमिपिन्‍सं भिंगु खँ न्‍यन।

मत्ती 12:21

अले जात जातियापिन्‍सं थ्‍वयागु हे नामय् आशा यानाच्‍वनी।”

मत्ती 5:3

“थःत आत्‍माय् चीमि खंकीपिं मनूत धन्‍यपिं खः, स्‍वर्गयागु राज्‍य इमिगु हे खः।

रोमी 15:12

अले यशैयां नं थथे धाःगु दु – “यिशैया सन्‍तान दइ, वं यहूदीमखुपिन्‍त राज्‍य याइ। अले इमिसं वय्‌कःयाके हे आशा तइ।”

याकूब 2:5

यःपिं दाजुकिजापिं, जिं धयागु खँ न्‍यँ – संसारय् चीमिपिन्‍त हे परमेश्‍वरं विश्‍वासय् तःमि यायेत व वय्‌कःयात माया याःपिन्‍त दुकाये धकाः धयादीगु राज्‍यय् दुकायेत ल्‍ययादीगु मखु ला?

१ पत्रुस 1:21

वय्‌कलं यानाः हे छिमिसं परमेश्‍वरयाके भरोसा तये फत। स्‍याये धुंकूम्‍हय्‌सित परमेश्‍वरं म्‍वाकाः तःधंकादिल। थथे यानादीगुलिं हे छिमिगु विश्‍वास व आशा परमेश्‍वरयाके दयाच्‍वंगु खः।