सपन्‍याह 3:11 - नेवाः बाइबल

¹¹ व दिं, जिगु विरोधय् छं याःगु फुक्‍कं ज्‍याखँया हुनिं छ लज्‍या चायेमाली मखु, छाय्‌धाःसा तःधंछुयाः लय्‌ताया जुइपिन्‍त उबले जिं छिमिगु दथुइ लिकया छ्वये, अले जिगु पवित्र पहाडय् छ हाकनं तःधंछुयाः जुइ मखु।

सपन्‍याह 3:11 ပူးပေါင်းရင်းမြစ်များ

भजनसंग्रहया सफू 131:1

हे परमप्रभु, जिगु नुगः फुइँक्‍क च्‍वंगु मदु, जिगु मिखा नं तःधंछु मजू। तःधंगु व जिगु लागि थाकुगु खँनापं जिं स्‍वापु मतया।

भजनसंग्रहया सफू 49:5

शत्रुतय्‌सं जितः घेरय् याइबलय् दुःखया इलय् नं जि ग्‍याये मखु।

भजनसंग्रहया सफू 59:12

इमिगु म्‍हुतुइ पाप दु इमिगु खँ पापं जाः इपिं इमिगु हे घमण्‍डया जालय् लायेमा। छाय्‌धाःसा इमिसं सराः बीगु व मखुगु खँ ल्‍हानाजुइगु यानाच्‍वन।

यशैया 11:9

इमिसं जिगु फुक्‍क पवित्र पर्वतय् छुं नं स्‍यंके फइ मखु, अले छुं मभिंगु खँ नं अन दइ मखु, छाय्‌धाःसा समुद्र लखं जाः थें पृथ्‍वी परमप्रभुया ज्ञानं जाइ।

यशैया 2:12

उखुन्‍हु दक्‍व शक्ति दुम्‍ह परमप्रभुं फुइँ यानाजुइपिं व तःधंछुया जुइपिं सकसित क्‍वमिलु यानादी।

यशैया 45:17

तर हे इस्राएलीत, छिपिं धाःसा परमप्रभुपाखें सदां दइगु उद्धारं बचय् जुइ। छिपिं गुबलें नं लाजय् लाइ मखु, अले लिपाथ्‍यंक छिमिगु गुबलें बेइज्‍जत जुइ मखु।

यशैया 5:15

थुकथं फुक्‍क मनूतय्‌त क्‍वमिलु यानादी अले घमण्‍डीतय्‌गु मिखायात क्‍वछुइका बी।

यशैया 54:4

“ग्‍याये मते, छ लाजय् लाइ मखु। मेपिन्‍सं बेइज्‍जत याइ धकाः ग्‍याये मते। छन्‍त क्‍वह्यंके फइ मखु। छं थःगु ल्‍याय्‌म्‍हबलय्‌या लज्‍या ल्‍वःमंकी, अले छन्‍त भाःत मदुबलय्‌या याःगु हेला गुबलें लुमंकी मखु।

यशैया 56:7

जिं जिगु पवित्र पर्वतय् हया। जिगु प्रार्थना यायेगु छेँय् लय्‌ताय्‌केबी। इमिसं जिगु वेदीइ छाःगु होमबलि व बलित जिं यय्‌के। छाय्‌धाःसा जिगु छेँ फुक्‍क जातितय्‌गु निंतिं प्रार्थनाया छेँ जुइ।”

यशैया 61:7

छिमिगु लज्‍याया पलेसा छिमित निदुगं सुवाः दइ, अले हेलाया पलेसा छिपिं थःगु अधिकारय् लय्‌तायाच्‍वनी। अथे जुयाः छिमित थःगु हे देशय् निदुगं हक दइ, अले छिमिगु निंतिं सदां सदांया लसता दइ।

यर्मिया 13:9

“परमप्रभुं थथे धयादी, ‘थुकथं हे यहूदाया घमण्‍ड व यरूशलेमया तःधंगु घमण्‍ड नाश यानाबी।

यर्मिया 7:4

मखुगु खँय् भलसा कयाः थथे धाये मते “थ्‍व हे परमप्रभुया देगः खः, परमप्रभुया देगः खः, परमप्रभुया देगः खः!”

इजकिएल 20:40

छाय्‌धाःसा परमप्रभु परमेश्‍वरं धयादी, ‘थ्‍व देशय् इस्राएलया फुक्‍क घरानां जिगु पवित्र पर्वत, इस्राएलया तज्‍जाःगु पर्वतय् जिगु सेवा याइ, अन जिं इमित नालाकाये। अन हे जिं छिमिगु बलिदानत, भेटीत व छिमिगु दकलय् भिंगु भिंगु क्‍वस्‍यलितनापं छिमिगु बलित कायेगु याये।

इजकिएल 24:21

छं इस्राएलया घरानायात धा, ‘परमप्रभु परमेश्‍वरं थथे धयादी – स्‍व! जिं थःगु पवित्रथाय् अर्थात छिमिगु सुरक्षा व गर्वया मूल, छिमिगु मिखाया नानिचा, छिमिसं दुनुगलंनिसें यय्‌कूगु थाय्‌यात अपवित्र याये त्‍यनागु दु। छिमिसं अन त्‍वःताःवःपिं छिमि काय् म्‍ह्याय्‌पिन्‍त तरवारं स्‍याइगु जुइ।

दानिएल 9:16

हे परमप्रभु, छिगु फुक्‍क भिं ज्‍याकथं छिगु शहर व पवित्र पर्वत यरूशलेमं थःगु तं चीकादिसँ। जिमिगु पाप व जिमि पुर्खातय्‌गु मभिंगु ज्‍याया कारणं प्‍यखेरं लाःगु देश देशयापिं मनूतय्‌सं, यरूशलेम व छि मनूतय्‌त हेस्‍यानाच्‍वंगु दु।

दानिएल 9:20

जिगु व थः इस्राएली दाजुकिजापिनिगु पाप नाला कयाः परमप्रभु जिमि परमेश्‍वरयात वय्‌कःया पवित्र पर्वतया निंतिं बिन्‍ति याना हे च्‍वना।

मीका 3:11

अनच्‍वंपिं नायःतय्‌सं घुस कयाः न्‍याय याइ। अन च्‍वंपिं पुजाहारीतय्‌सं ज्‍याला कयाः स्‍यनी। अले अगमवक्तातय्‌सं धिबाया लागि अगमवाणी याइ। अथे जूसां इमिसं परमप्रभुयाके भलसा कयाः थथे धाइ “परमप्रभु झीगु दथुइ च्‍वनादीगु दु, झीत मभिं जुइ मखु।”

गन्‍ती 16:3

इपिं मोशा व हारूनयागु विरोध यायेत मुनाः इमित धाल, “छिं थःत तसकं तःधंकादीगु दु! खलःया फुक्‍क मनूत पवित्र जू, अले परमप्रभु इमिगु दथुइ दी। छाय् छिकपिन्‍सं थःपिन्‍त परमप्रभुया मुँज्‍या स्‍वयाः तःधंकादियागु?”

मत्ती 3:9

‘अब्राहाम हे जिमि बाः खः, उकिं जिमित छुं नं जुइ मखु’ धकाः धयाजुइ मते, छाय्‌धाःसा जिं छिमित धाये – परमेश्‍वरं अब्राहामया निंतिं थुपिं ल्‍वहँतं नं मस्‍त दय्‌कादी फु।

रोमी 2:17

छिमिसं “जिपिं यहूदी खः” धकाः व्‍यवस्‍थाया भलसाय् च्‍वनाः “परमेश्‍वरयात म्‍हस्‍यू” धकाः धक्‍कु त्‍वःता जुल।

रोमी 9:33

थथे नं च्‍वयातःगु दु – “जिं सियोनय् इमित लुफिं हाकेत छगः ल्‍वहं व क्‍वथलेत छगः ल्‍वहंधी तयाच्‍वना। वय्‌कःयात विश्‍वास यानाजुइपिन्‍सं धाःसा गुब्‍सं लज्‍या चाय् माली मखु।”

१ पत्रुस 2:6

थ्‍व हे खँ धर्मशास्‍त्रय् थथे च्‍वयातःगु दु – “स्‍व, जिं ल्‍यया तयागु छगः तसकं हे थिकेगु मू ल्‍वहं सियोनय् तये, अले उकियात विश्‍वास याःपिन्‍सं लज्‍या चाये माली मखु।”