सपन्‍याह 3:1 - नेवाः बाइबल

¹ धिक्‍कार विद्रोही व अशुद्ध शहरयात! धिक्‍कार अत्‍याचारीत जाःगु शहरयात!

सपन्‍याह 3:1 ပူးပေါင်းရင်းမြစ်များ

यशैया 30:12

अथे जुयाः इस्राएलया पवित्र परमेश्‍वरं धयादी, “छिमिसं जिगु बुखँयात हेला याःगु दु, अले अत्‍याचारय् व मखुगु खँय् भरोसा तइ।

यशैया 5:7

दक्‍व शक्ति दुम्‍ह परमप्रभुया दाखक्‍यब ला इस्राएल जाति खः, यहूदाया मनूत धाःसा वय्‌कःयात यःगु क्‍यब खः। स्‍व, वय्‌कलं न्‍यायया आशा यानादिल, अय्‌नं स्‍याये पालीगु जक जुल। वय्‌कलं धार्मिकताया आशा यानादिल, अय्‌नं दुःखया ख्‍वःगु सः ताये दत।

यशैया 59:13

परमप्रभुया विरोधय् विद्रोही जूगु व वय्‌कःपाखें फस्‍वयागु दु, झी परमेश्‍वरयात हेला यानाः क्‍वत्‍यलेगु व विद्रोहया जाः ग्‍वःगु दु, अले झीगु नुगलय् ब्‍वलनावःगु मखुगु खँ हे झीसं धयाच्‍वनागु दु।

यशैया 59:6

इमिगु जालं नं वसः दय्‌के फइ मखु, उकिं दय्‌कूग कापतं इमिसं थःपिन्‍त हे त्‍वपुइ फइ मखु। इमिसं अधर्मया ज्‍या यानाच्‍वंगु खः। अले मभिंगु ज्‍या इमिगु ल्‍हातय् हे दु।

यर्मिया 22:17

“तर छंगु मिखा व नुगः ला बेइमान यानाः कमय् यायेगुपाखे, व दोष मदुपिनिगु हिबाः वय्‌केगु, अत्‍याचारया ज्‍या यायेगु व लुतय् यायेगुपाखे हे वनाच्‍वंगु दु।”

यर्मिया 5:23

तर थुपिं मनूतय्‌के जिराहा व विद्रोही मन दु। इमिसं विद्रोह यात अले तापानावन।

यर्मिया 6:6

दक्‍व शक्ति दुम्‍ह परमप्रभुं थथे धयादी, “यरूशलेमया सिमा पालाः पःखाः लिक्‍क घेरय् याइगु द्वम्‍बचात दय्‌कि! जिं थ्‍व शहरयात सजाँय बी छाय्‌धाःसा थन अत्‍याचार हे अत्‍याचार दु।

यर्मिया 6:7

तुंथिं थःगु लः पिकाःगु थें वं थःगु मभिंगु ज्‍याखँ पिकाइ। अन दुने ल्‍वायेली व नाशया सः ताये दु, वयागु ल्‍वय् व घाः न्‍ह्याबलें जिगु न्‍ह्यःने दु।

इजकिएल 22:29

देशयापिं मनूतय्‌सं जबरजस्‍ती लाकाकायेगु व खुइगु ज्‍या याइगु, इमिसं गरीबत व मगाःमचाःपिन्‍त इन्‍साफ मब्‍यूसें इमित अत्‍याचार याइगु, अले विदेशीतय्‌त बांमलाःगु व्‍यवहार याइगु।

इजकिएल 22:7

छंके हे इमिसं थः मां बौयात हेला यात, विदेशीतय्‌त अत्‍याचार यात, अले मांबौ मदुपिं मस्‍त व भाःत मदुपिं मिस्‍तय्‌त बांमलाःगु व्‍यवहार यात।

इजकिएल 23:30

छन्‍त थज्‍याःगु अवस्‍थाय् हःगु खः। छाय्‌धाःसा जाति जातिया निंतिं छ वेश्‍या जुल अले इमिगु मूर्तितय्‌त पुजा यानाः छं थःत अपवित्र यात।

लेवी 1:16

उकिं झंगःया गलः नापं भ्‍वरि लिकयाः वेदीया पुर्बपाखें नउ दुथाय् वांछ्वयेमाः।

आमोस 3:9

अश्‍दोदया किल्‍लात व मिश्र देशया किल्‍लाय् च्‍वनीपिं मनूतय्‌त थ्‍व घोषणा या, “सामरियाया पहाड पहाडय् छिपिं मूंवा। अन दुने जूगु तःधंगु हो हल्‍ला व अन च्‍वंपिं मनूतय् दथुइ क्‍वत्‍यलेगु ज्‍या जुयाच्‍वंगु स्‍व।”

आमोस 4:1

अय् सामरिया डाँडाय् च्‍वनीपिं बाशानया ल्‍ह्वंपिं सात, छिपिं मिसात, गुपिन्‍सं चीमिपिन्‍त क्‍वत्‍यलाच्‍वन अले मगाःमचाःपिन्‍त दुःख बियाच्‍वन। अले थः भाःतयात धयाच्‍वन, “जिमित त्‍वनेत छुं हयाबियादिसँ।”

मीका 2:2

इमिसं मनूतय्‌गु छेँबुँ लोभ यानाः लाका काइ। इमिसं मनूतय्‌गु छेँ व सर्बय ठगय् यानाः काइ।

जकरिया 7:10

भाःत सी धुंकूपिं मिस्‍त व मांबौ मदुपिं मस्‍त, परदेशी वा मगाःमचाःपिन्‍त क्‍वत्‍यले मते। छम्‍हय्‌सिनं मेम्‍हय्‌सित स्‍यंकेगु योजना दय्‌के मते।’

मलाकी 3:5

दक्‍व शक्ति दुम्‍ह परमप्रभुं धयादी, “अबलय् जि न्‍याय यायेत छिमिथाय् वये। अले तन्‍त्रमन्‍त्र याइपिं, व्‍यभिचारीत, मखुगु साक्षी बीपिं, ज्‍यामितय्‌त ज्‍यालाय् स्‍याइपिं अले भाःत मदुपिं मिस्‍त, मां-बौ मदुपिं मस्‍तय्‌त क्‍वत्‍यलातःपिं, परदेशीतय्‌गु न्‍याय लाका काइपिं, जि खनाः मग्‍याइपिं थुपिं सकसिगु विरोधय् जिं हथासं साक्षी बी।”