सपन्‍याह 2:7 - नेवाः बाइबल

⁷ अले व समुद्रया सिथय् च्‍वगु देय् यहूदाया खलःयापिं ल्‍यंदुपिं मनूतय्‌गु लागिं जुइ, इमिसं अन थः फैतय्‌त ज्‍वइ। अश्‍कलोनया छेँतय् इपिं बहनी द्यनी, छाय्‌धाःसा परमप्रभु इमि परमेश्‍वरं इमिगु भिंगु दिं हाकनं लित हयादी।

सपन्‍याह 2:7 ပူးပေါင်းရင်းမြစ်များ

उत्‍पत्ति 50:24

सी न्‍ह्यः योसेफं थः दाजुकिजापिन्‍त धाल, “जि आः यक्‍व म्‍वाइ मखुत। परमेश्‍वरं छिमिगु बिचाः यानादी। अले छिमित थनं अब्राहाम, इसहाक व याकूबयात बचं बियादीगु देशय् यंकादी।”

भजनसंग्रहया सफू 80:14

हे दक्‍व शक्ति दुम्‍ह परमेश्‍वर, जिपिंपाखे हाकनं लिफः स्‍वयादिसँ। स्‍वर्गं जिमित क्‍वःस्‍वयादिसँ, अले जिमिगु दुःख खंकादिसँ। थ्‍व दाखमाया सुसाःकुसाः यानादिसँ

भजनसंग्रहया सफू 85:1

हे परमप्रभु, छिं थःगु देशयात माया यानादीगु दु, छिं इस्राएलयात हाकनं भिं यानादीगु दु।

प्रस्‍थान 4:31

मनूतय्‌सं इमित पत्‍याः यात। परमप्रभुं इस्राएलीतय्‌गु च्‍यूताः कयादी अले इमित जुयाच्‍वंगु सास्‍ती नं खंगु दु धकाः न्‍यनाः इमिसं परमप्रभुया न्‍ह्यःने थःगु छ्यं क्‍वछुकाः आराधना यात।

यशैया 11:11

उखुन्‍हु परमप्रभुं अश्‍शूर, क्‍वय् व च्‍वय् मिश्र, कूश, एलाम, बेबिलोनिया, हमात व समुद्रया टापुतपाखें थः प्रजाया ल्‍यंदुपिन्‍त त्‍वःतकेत निक्‍वः खुसि थःगु ल्‍हाः हाकनं ल्‍ह्वनादी।

यशैया 11:14

इपिं पच्‍छिमपाखे पलिश्‍त देशया पहाडय् स्‍वात्त क्‍वहांवनि। इपिं मिलय् जुयाः पुर्बया मनूतय्‌त लुतय् याइ। इमिसं एदोम व मोआबय् ल्‍हाः तइ अले अम्‍मोनीत इमिगु अधीनय् वइ।

यशैया 11:16

मिश्र देशं पितहःबलय् इस्राएलया पुर्खातय्‌गु निंतिं जू थें अश्‍शूरीतपाखें बचय्‌जूपिं इस्राएलया सन्‍तानतय्‌गु निंतिं नं वयेत थ्‍व छपु मू लँ जुइ।

यशैया 14:1

परमप्रभुं याकूबया घरानायात दया यानादी, वय्‌कलं इस्राएलयात हाकनं छकः थः मनूकथं ल्‍ययाः इमिगु थःगु हे देशय् पलिस्‍था यानादी, अन पिने वःपिं मनूत इपिंनापं मिलय् जू वइ अले याकूबया घरानानापं मिलय् जुयाच्‍वनी।

यशैया 32:14

जुजुया दरबार त्‍वःताछ्वइ, यक्‍व मनूत दुगु लिमलाःगु शहर सुनसान जुइ। किल्‍लात व धरहरात सदांया लागिं उजाड जुइगु बुँ जुइ। गुँ गधातय्‌गु निंतिं लसता व सा द्वहं व फैच्‍वलय्‌तय्‌गु निंतिं घाँय्‌ख्‍यः जुइ।

यर्मिया 23:3

“जिगु बथांया ल्‍यनाच्‍वंपिन्‍त जिं इमित लिनाछ्वयागु फुक्‍क देशं मुंकाः जिं थःम्‍हं हे इमित इमिगु थःगु हे ख्‍यलय् लित हये। अले हानं इपिं च्‍वन्‍ह्याइ अले इमिगु ल्‍याः अप्‍वयावनी।

यर्मिया 29:10

परमप्रभुं थथे धयादी, “बेबिलोनया न्‍हयेदँ पूवने धुंकाः जि छिमिथाय् वये, अले छिमित थ्‍व थासय् लित हये धयागु जिगु बचं पूवंके।

यर्मिया 29:14

छिमिसं जितः लुइकी,” परमप्रभुं धयादी, “अले छिमित कैदं लित हये। जिं छिमित ज्‍वंकाछ्वयागु फुक्‍क जाति व फुक्‍क थासं जिं छिमित मुंके,” परमप्रभुं धयादी। “गुगु थासं जिं छिमित ज्‍वंकाछ्वयागु खः जिं छिमित व हे थासय् लित हये।”

यर्मिया 3:18

अबलय् इस्राएलया मनूत यहूदाया मनूतलिसें मिलय् जुइ, इपिं छकलं उत्तरय् च्‍वंगु देशं लिहां वयाः जिं इमि पुर्खातय्‌त न्‍ह्याबलेंया निंतिं बियागु देशय् वइ।

यर्मिया 30:3

जिं जिमि प्रजा इस्राएल व यहूदायात बेबिलोनं लित हयेगु दिं वयेत्‍यंगु दु। जिं इमि पुर्खातय्‌त बियागु देशय् जिं इमित लित हये। इमिसं हाकनं उगु देशय् अधिकार याइ,’” परमप्रभुं धयादी।

यर्मिया 31:7

परमप्रभुं थथे धयादी, “लय्‌तातां याकूबया मनूतय्‌गु निंतिं म्‍ये हा! ततःधंगु जातिया निंतिं तःसलं हा! तःसलं प्रशंसा यानाः धा, ‘हे परमप्रभु, थः प्रजा, इस्राएलया ल्‍यनाच्‍वंपिन्‍त उद्धार यानादिसँ।’

यर्मिया 32:44

बेन्‍यामीनया लागाय्, यरूशलेमया जःखः च्‍वंगु गामय्, यहूदाया शहर शहरय्, पहाडी देशया शहर शहरय्, पच्‍छिमया फेदी व नेगेवया शहर शहरय् वहः बियाः मनूतय्‌सं बुँ न्‍याइ, इमिसं साक्षी तयाः भ्‍वँतय् सही याइ अले उकी छाप तइ, छाय्‌धाःसा जिं हाकनं इमित इमिगु देशय् लित हये, जि, परमप्रभुं धाये।”

यर्मिया 33:12

“दक्‍व शक्ति दुम्‍ह परमप्रभुं थथे धयादी, ‘थ्‍व सुनसान मनूत व पशुत मदुगु थासय्, थुकियागु फुक्‍क शहरय् थः बथांतय्‌त आराम बीत फैजवाःतय्‌गु निंतिं हाकनं घाँय् दुगु ख्‍यःत दइ।

यर्मिया 33:7

जिं यहूदा व इस्राएलयात कैदं लित हये। जिं इमित हाकनं न्‍हापा थें हे दय्‌के।

यर्मिया 47:5

गाजायापिं मनूतय्‌सं नुगः मछिंकाः थःगु छ्यंया सँ खाइ। अश्‍कलोनयात सुम्‍क तइ। हे पलिश्‍तीतय् मैदानय् ल्‍यनाच्‍वंपिं, छिमिसं गुबलय् तक थःगु दुःख क्‍यनेत थथःगु म्‍हय् घाः यानाच्‍वनेगु?

इजकिएल 39:25

“उकिं परमप्रभु परमेश्‍वरं थथे धयादी – जिं याकूबया सुख व शान्‍ति हाकनं लित हयाबी, जिं इस्राएलयापिं फुक्‍कं मनूतय्‌त माया याये। जिं जिगु पवित्र नांया इज्‍जतयात रक्षा याये।

होशे 6:11

“अय् यहूदा, जिमि मनूतय्‌गु भिंगु दिं लित हयेबलय्, “छंगु निंतिं नं सजाँयया ई क्‍वःछिनातःगु दु।”

ओबदिया 1:19

नेगेवय् च्‍वंपिं मनूतय्‌सं एसावया डाँडा डाँडाय् अधिकार याइ, अले डाँडाया क्‍वय् क्‍वय्‌च्‍वंपिं मनूतय्‌सं पलिश्‍तीतय्‌गु देशय् अधिकार याइ। अले इमिसं सामरिया शहर व एफ्राइमया ल्‍यं दुगु लागाय् नं अधिकार याइ। अले बेन्‍यामीनं गिलादय् अधिकार याइ।

मीका 2:12

“हे याकूब, धात्‍थें हे जिं छिपिं फुक्‍कसित मुंके। इस्राएलयापिं ल्‍यंदुपिन्‍त जिं धात्‍थें हे मुंके। जिं इमित फैगालय् फैतय्‌त थें छथाय् हे मुंके। व थासय् ग्‍वाः ग्‍वाः मनूत दइ।

मीका 4:10

हे म्‍ह्याय् सियोन, मचाबू ब्‍यथा जूम्‍ह मिसा थें सास्‍तीं छतपते जु, छाय्‌धाःसा आः छं थ्‍व शहर त्‍वःते हे माः अले मैदानय् पाल ग्‍वयाच्‍वनेमाः। आः छ बेबिलोनय् वनेमाली। अन हे छन्‍त त्‍वःतकीगु जुइ। अन हे परमप्रभुं छन्‍त शत्रुतय्‌गु ल्‍हातं त्‍वःतकादी।

मीका 4:7

लँगडातय्‌त जिं ल्‍यंकातये, तापाक लिनाछ्वःपिन्‍त जिं छगू बल्‍लाःगु जाति दय्‌के। परमप्रभुं इमित सियोन पर्वतय् न्‍ह्याबलें राज्‍य यानादी।

सपन्‍याह 2:9

अथे जुयाः जि धात्‍थें म्‍वाःम्‍ह खः थें” दक्‍व शक्ति दुम्‍ह परमप्रभु इस्राएलया परमेश्‍वरं धयादी, “धात्‍थें मोआब सदोम थें व अम्‍मोनीत गमोरा थें न्‍हाय्‌कंमा बुया वइगु थाय् व चिया गा दुगु थाय् व सदांया निंतिं गंगु थाय् जुइ। अले जिमि ल्‍यंदुपिं प्रजातय्‌सं इमित लुतय्‌ याइ, अले इमिगु देय् अधिकार याइ।”

सपन्‍याह 3:13

इस्राएलयापिं ल्‍यंदुपिं मनूतय्‌सं गुगु कथंयागु नं द्वं याइ मखु। इमिसं मखुगु खँ ल्‍हाइ मखु। न इमिगु म्‍हुतुइ ध्‍वंलाइगु खँ हे दइ। इमिसं नइ अले याउँक ग्‍वार्तुलाच्‍वनी, अले सुनां इमित ख्‍याये फइ मखु।”

सपन्‍याह 3:20

उबलय् जिं छिमित मुंके अले छिमित छेँय् हये। जिं छिमिगु मिखाया न्‍ह्यःने हे छिमिगु भिंगु दिं लित बीबलय्, पृथ्‍वी न्‍यंक जिं धात्‍थें हे छिमिगु नां व प्रशंसा च्‍वन्‍ह्याकाबी,” परमप्रभु धयादी।

हाग्‍गै 1:12

अले शालतिएलया काय् यरूबाबेल व यहोसादाकया काय्, दकलय् तःधंम्‍ह पुजाहारी यहोशू व बेबिलोनं लिहांवःपिं फुक्‍कसिनं परमप्रभु इमि परमेश्‍वरया वचन व अगमवक्ता हाग्‍गैया बुखँयात मानय् यायेगु याना हल। मनूतय्‌सं परमप्रभु इमि परमेश्‍वरं वयात छ्वयाहयादीगु खँ सिल। अले मनूतय्‌सं परमप्रभुया भय काल।

हाग्‍गै 2:2

“शालतिएलया काय् यहूदाया राज्‍यपाल यरूबाबेल, यहोसादाकया काय्, दकलय् तःधंम्‍ह पुजाहारी यहोशू व बेबिलोनं लिहांवःपिं फुक्‍क मनूतय्‌त थथे धा।

लूका 1:68

“इस्राएलीतय् परमप्रभु परमेश्‍वरयात तःधंकेमा, छाय्‌धाःसा परमेश्‍वर थः हे झायाः थः मनूतय्‌त पापं छुतय् यानादिल।

लूका 7:16

इपिं फुक्‍कं छक्‍क जुयाः ग्‍यात, अले थथे धकाः परमेश्‍वरयात जयजय यात – “दकलय् तःधंम्‍ह अगमवक्ता छम्‍ह झीथाय् झायादीगु दु। परमेश्‍वर हे वय्‌कःया मनूतय्‌थाय् झायादिल।”

प्रेरित 8:26

छन्‍हु छम्‍ह स्‍वर्गदूतं वयाः फिलिपयात थथे धाल – “याकनं दच्‍छिन पतिइ यरूशलेमं गाजापाखे वनेगु मरुभूमिया लँय् हुँ।”

प्रेरित 8:40

फिलिप धाःसा अश्‍दोद शहरय् थ्‍यनाच्‍वन। अनंनिसें वं कैसरिया मथ्‍यंतले लँय् लाःगु गां पतिकं भिंगु खँ न्‍यंका वन।

रोमी 11:5

थौं तक नं परमेश्‍वरयागु दया मायां ल्‍ययादीपिं ल्‍यंदनिपिं गुलिं गुलिं इस्राएलीत दनि।

रुथया सफू 1:6

परमप्रभुं थः मनूतय्‌त हाकनं सुवाः बियादीगुलिं बुँइ अन्‍न बांलाक सःगु दु धयागु खँ न्‍यनाः नाओमीयात थः भौपिं नापं मोआबं थःगु देशय् लिहां वने मास्‍ति वल।