सपन्‍याह 2:2 - नेवाः बाइबल

² न्‍याय शुरु जुइ न्‍ह्यः, छिपिं पस्‍ताय् चायेगु ई छ्वसः थें ब्‍वय्‌का यंके न्‍ह्यः, परमप्रभुयागु ग्‍यानपुस्‍से च्‍वंगु तं छिमिथाय् वये न्‍ह्यः, अले वय्‌कःयागु तंया दिं छिमिथाय् वये न्‍ह्यः।

सपन्‍याह 2:2 ပူးပေါင်းရင်းမြစ်များ

अय्‍यूब 21:18

दुष्‍टम्‍ह मनू ग्‍वःकः फसय् सुपः थें, व तसकं वःगु फसं ब्‍वय्‌कूगु छ्वस थें जुइगु?

भजनसंग्रहया सफू 1:4

दुष्‍टत अथे जुइ मखु, इपिं छ्वसँ थें खः। फसं इमित पुइकायंकी।

भजनसंग्रहया सफू 2:12

वय्‌कःया काय्‌यात हनाबना ति। मखुसा वय्‌कः तंम्‍वयादी अले वय्‌कलं छिमित नाश यानादी। वय्‌कःया शरणय् वंपिं धाःसा धन्‍य जुइ।

भजनसंग्रहया सफू 50:22

हे परमेश्‍वरयात ल्‍वमंकीपिं न्‍यँ, छिमिसं जितः वास्‍ता मयाः। जिं छिमित कुचा कुचा थलाः बी। छिमित बचय् याइपिं सुं हे दइ मखु।

यशैया 17:13

तर जाति जातित खुसिबाः वःगु लःया सः थें हाला हइ परमेश्‍वरं इमित ब्‍वःबियादी। इपिं तापाक बिस्‍युं वनी, अले फसं पुइकूगु डाँडाया छ्वसँ व वाफसं पुइकूगु झाः थें लिनाछ्वइ।

यर्मिया 23:20

थःगु मनय् दुगु इच्‍छा पूमवंतले परमप्रभुया तं क्‍वलाइ मखु। लिपा छिमिसं थ्‍व बांलाक सी।

यर्मिया 4:4

हे यहूदा व यरूशलेमयापिं मनूत, परमप्रभुया न्‍ह्यःने थःगु नुगः हिकी। मखुसा छिमिसं याःगु मभिंगु ज्‍यां यानाः जिगु तं मि थें च्‍यानाः पिहां वइ। सुनानं उकियात स्‍याये फइ मखु।

विलाप 4:11

तर आः परमप्रभुया तं क्‍वलात, वय्‌कलं थःगु च्‍याःगु तं प्‍वंकादिल। वय्‌कलं सियोनय् मि च्‍याकादिल, अथे जुयाः वयागु जगत दक्‍वं भज्‍यंक नाश जुल।

इजकिएल 12:25

तर जिं धायेमाःगु खँ जि परमप्रभु थःम्‍हं हे धाये, अले गुगु वचन जिं धाये व पूरा नं याये। व लिबाइ मखु, छाय्‌धाःसा अय् विद्रोही घराना, छिमिगु दिनय् हे जिं धयागु खँ जिं पूरा याये, परमप्रभु परमेश्‍वरं धयादी।’”

होशे 13:3

अथे जुयाः इपिं सुथसिया खसु थें, सुथय् हे मदयावनीगु सुतिलः थें, फसं ब्‍वय्‌कायंकीगु खलाय् च्‍वंगु छ्वस थें, अले झ्‍यालं पिहांवइगु कुँ थें जुइ।

नहूम 1:6

वय्‌कःया तंया न्‍ह्यःने सु दने फइ? वय्‌कःयागु तच्‍वःगु तं सुनां सह याये फइ? वय्‌कःयागु च्‍यानाच्‍वंगु तं मि थें प्‍वंकी, अले वय्‌कःया न्‍ह्यःने ल्‍वहँधीत तज्‍याइगु जुइ।

सपन्‍याह 1:18

परमप्रभुया तंया दिंखुन्‍हु इमिगु लुँ व वहःनं इमित बचय् याये फइ मखु।” वय्‌कःयागु नुगः मुयाः पिहां वःगु मिं फुकं देशयात झ्‍वाः याइ छाय्‌धाःसा वय्‌कलं पृथ्‍वीयापिं सकल मनूतय्‌त आकाझाकां ग्‍यानपुस्‍से च्‍वंक न्‍हंकादी।

सपन्‍याह 3:8

अथे जुयाः परमप्रभुं धयादी, “बयान बीत जि मदंतले छिमिसं जितः पियाच्‍वँ। जाति जातित अले राज्‍य राज्‍यतय्‌त मुंकाः इमित जिगु तं, जिगु ग्‍यानपुस्‍से च्‍वंगु तं प्‍वंकेगु जिगु मनसुवा दु, छाय्‌धाःसा फुकं पृथ्‍वी हे जिगु नुगः मुया वःगु मिं झौ जुइ।

मत्ती 24:35

आकाश व पृथ्‍वी मदयावनी, अय्‌नं जिगु वचन मदयावनी मखु।