सपन्‍याह 2:13 - नेवाः बाइबल

¹³ उत्तरपाखे थःगु ल्‍हाः ल्‍ह्वनाः वय्‌कलं अश्‍शूरयात न्‍हंकाबी। वय्‌कलं निनवेयात झिजांमिजां दंगुथाय् व मरुभूमि यानाबी।

सपन्‍याह 2:13 ပူးပေါင်းရင်းမြစ်များ

यशैया 10:12

परमप्रभुं सियोन पर्वत व यरूशलेमया विरोधय् थःगु फुक्‍क ज्‍या यानादी धुंकाः वय्‌कलं धयादी, “जिं अश्‍शूरया जुजुया नुगःया तःधंसू व घमण्‍डी मिखाया निंतिं सजाँय बी।

यशैया 10:16

अथे जुयाः प्रभु, परमप्रभु दक्‍व शक्ति दुम्‍ह परमप्रभुं वया तसकं बल्‍लाःपिं सिपाइँतय् दथुइ नाश यायेत ल्‍वय् छ्वयाहयादी, अले वयागु गौरवयात तसकं च्‍याःगु मिं छ्वय्‌कादी।

यशैया 10:5

परमप्रभुं धयादिल, “अश्‍शूरीतय्‌त धिक्‍कार, सुयागु ल्‍हातय् जिगु तंया कथि, तंया तुतां दु!

यशैया 11:11

उखुन्‍हु परमप्रभुं अश्‍शूर, क्‍वय् व च्‍वय् मिश्र, कूश, एलाम, बेबिलोनिया, हमात व समुद्रया टापुतपाखें थः प्रजाया ल्‍यंदुपिन्‍त त्‍वःतकेत निक्‍वः खुसि थःगु ल्‍हाः हाकनं ल्‍ह्वनादी।

यशैया 14:26

थ्‍व संसारया निंतिं थ्‍व जिगु योजना खः अले जाति जातितय्‌त सजाँय बीत जिं थःगु ल्‍हाः ल्‍ह्वनागु दु।

यशैया 37:37

उकिं अश्‍शूरयाम्‍ह जुजु सनहेरीबं छाउनी स्‍यंकाः निनवेय् लिहां वन। व वनाः अन हे च्‍वन।

यर्मिया 49:33

“हासोर सदांया निंतिं सुनसान जुइ, अन ध्‍वंचात जक च्‍वनी। सुं मनू अन च्‍वनी मखु, सुं मनू अन च्‍वनाच्‍वने फइ मखु,”

योना 1:2

“तःधंगु शहर निनवेयापिं मनूतय्‌सं यानाच्‍वंगु मभिंगु ज्‍याखँ जिं स्‍यू। अथे जुयाः याकनं छ अन वनाः इमित उकिया लागि छिमित परमेश्‍वरं सजाँय बियादी धकाः धाः हुँ।”

योना 3:2

“याकनं तःधंगु शहर निनवेय् हुँ, अले अन च्‍वंपिन्‍त जिं धयागु खँ धा।”

मीका 5:6

इमिसं अश्‍शूर देशयात तरवारं व निम्रोद देशयात नांगागु तरवारं शासन याइ। अश्‍शूरीत झीगु देशय् हमला यायेत वइबलय् अले झीगु सिमानाया दुने पलाः तइबलय् वय्‌कलं झीत अश्‍शूरीतपाखें बचय् यानादी।

नहूम 1:1

निनवेया खँय् अगमवाणी। एल्‍कोशी नहूमं खंगु दर्शनया सफू।

नहूम 3:15

तर छं न्‍ह्यागु याःसां छन्‍त मिं भस्‍म याइ, अले छन्‍त तरवारं स्‍याइ, थुकिं छिमित क्‍वःबुइँचां थें नयाबी। छ क्‍वःबुइँचां थें ल्‍याखय् यक्‍व दःसां सुं बचय् जुइ फइ मखु।

नहूम 3:7

छन्‍त खंपिं मनूत छपाखें बिस्‍युं वनी अले धाइ, ‘निनवे ला नाश जुइ धुंकल। वयागु निंतिं सु दुखं च्‍वनी?’ छन्‍त सान्‍त्‍वना बिइम्‍ह गन दु?”

सपन्‍याह 1:4

“यहूदाया विरोधय् अले यरूशलेमय् च्‍वंपिं सकल मनूतय्‌गु विरोधय् जिं थःगु ल्‍हाः ल्‍ह्वने। अले थ्‍व थासं बालद्यःया ल्‍यंदुपिन्‍त व मूर्ति व द्यः पुज्‍याइपिं पुजाहारीतय्‌गु लुमन्‍ति हे ल्‍यं मदय्‌क न्‍हंकाछ्वये।