सपन्‍याह 2:10 - नेवाः बाइबल

¹⁰ इमिगु घमण्‍डया हुनिं इमित थथे हे जुइतिनि छाय्‌धाःसा इमिसं दक्‍व शक्ति दुम्‍ह परमप्रभुया प्रजायात हेपे याःगु दु अले हेस्‍याःगु दु।

सपन्‍याह 2:10 ပူးပေါင်းရင်းမြစ်များ

१ इतिहास 16:21

अय्‌नं सुं मनूयात इमित दुःख बीके मब्‍यू, इमित रक्षा यायेत वय्‌कलं जुजुपिन्‍त थथे धकाः ख्‍याच्‍वः बियादिल,

प्रस्‍थान 10:3

उकिं मोशा व हारूनं वनाः फारोयात धाल, “हिब्रूतय् परमप्रभु परमेश्‍वरं थथे धयादी, ‘गुबलय् तक छ जिगु खँ मन्‍यंसे च्‍वनेगु? जिमि मनूतय्‌त जिगु आराधना यायेत वनेब्‍यु।

प्रस्‍थान 9:17

छं आः तक नं तःधंछुयाः जिमि मनूतय्‌त वने ब्‍यूगु मखु।

यशैया 16:6

मोआबया घमण्‍डया बारे जिमिसं न्‍यनागु दु, इपिं गुलि तःधंसू व फुइँ यायेमाःपिं खः धकाः नं जिमिसं स्‍यू तर इमिगु व फुक्‍क फुइँ व्‍यर्थ खः।

यर्मिया 12:14

परमप्रभुं थथे धयादी, “जि थः प्रजा इस्राएलयात अधिकार यायेत बियागु देश कब्‍जा याःपिं जिम्‍ह दुष्‍ट जःलाखःलातय्‌त जिं थम्‍हं हे सिमायात थें लिनाकयाः इमिगु देशं पितिनाछ्वये। यहूदाया घरानायात नं जिं इमिगु दथुं लिनाकाये।

यर्मिया 48:14

“छिमिसं गय् यानाः धाये फुगु? ‘जिपिं बहादुर व बल्‍लाःपिं सिपाइँत खः धकाः।’

यर्मिया 48:29

“मोआब गुलि तःधं जुइमाःम्‍ह खः धयागु खँ जिमिसं न्‍यनागु दु। व तसकं तःधं जुइमाःम्‍ह खः। वयागु फुँइ व नुगःया तःधंछुया बारे जिमिसं न्‍यनागु दु।

विलाप 1:9

वयागु अशुद्धता वयागु वसतय् दु। वं थःगु लिपाजुइगुया वास्‍ता हे मयाः। व तसकं हे बांमलाक क्‍वःदल, वयात हःपाः बीपिं सुं हे मदु। “हे परमप्रभु, जिगु दुःखकष्‍टयात स्‍वयादिसँ, छाय्‌धाःसा शत्रु त्‍याःगु दु।”

इजकिएल 25:6

परमप्रभु परमेश्‍वरं थथे धयादी – छिमिसं इस्राएल देशया विरोधय् ल्‍हाःपा थाःगु व प्‍याखं हुगु दु, छिमिगु नुगलय् दुगु ईखया कारणं छिपिं लय्‌ताःगु दु।

दानिएल 4:37

आः जि, नबूकदनेसरं, स्‍वर्गयाम्‍ह जुजुयात तःधंके, वय्‌कःयात तःधंके, अले हनाबना याये छाय्‌धाःसा वय्‌कलं यानादीगु फुक्‍क खँ पाय्‌छि जू व वय्‌कःया फुक्‍क लँपु न्‍यायलं जाः। तःधंछु जुया जुइपिन्‍त वय्‌कलं क्‍वमिलु यानादी फु।

ओबदिया 1:11

गुखुन्‍हु छ अलग्‍ग दनाच्‍वन, शत्रुतय्‌सं वयागु धनसम्‍पत्ति लाकायंकल। अले इमिसं वयागु ध्‍वाखां दुहां वनाः उखुन्‍हु यरूशलेमया निंतिं चिट्ठा तल, छ नं उपिं थें च्‍वं।

ओबदिया 1:3

छंगु मनया घमण्‍डं छन्‍त धोखा ब्‍यूगु दु। छ ल्‍वहंधीया किल्‍लाय् च्‍वनीम्‍ह, तःजाःगु थासय् छेँ दय्‌कीम्‍ह, छं मनं मनं थथे धाइगु, ‘जितः क्‍वय् जमिनय् कुर्कीम्‍ह सु दु?’

सपन्‍याह 2:8

“जिं मोआबीतय्‌सं जिमि प्रजायात हेपय् याःगु व अम्‍मोनीतय्‌सं हिस्‍याःगु न्‍यनागु दु, इमिसं जिमि प्रजायात गिजय् यानाः इमिगु देशय् हमला यायेगु ख्‍याच्‍वः ब्‍यूगु दु।

१ पत्रुस 5:5

क्‍वकालिपिं मनूतय्‌सं थकालिपिं मनूतय्‌त मानय् यायेमाः। थथःम्‍हं तुं तःधं जुया जुइगु बांमलाः। अय्‌जूगुलिं ग्‍वाहालि याये माःपिन्‍त छिमिसं ग्‍वाहालि या। थ्‍व हे खँ धर्मशास्‍त्रय् नं थथे च्‍वयातःगु दु – “परमेश्‍वरं तःधंछुना जुइपिनिगु विरोध यानादी, क्‍वमिलुपिन्‍त धाःसा दया यानादी।”