सपन्‍याह 2:1 - नेवाः बाइबल

¹ अय् लज्‍यामचाःपिं जातितय् मनूत, छिपिं सकलें छथाय् मुं,

सपन्‍याह 2:1 ပူးပေါင်းရင်းမြစ်များ

२ इतिहास 20:4

उकिं यहूदायापिं मनूत परमप्रभुयात मालेत छकलं यरूशलेमय् मुन, देशया फुक्‍कं शहरं इपिं परमप्रभुयात मालेत वल।

नहेम्‍याह 8:1

अबलय् इपिं सकल मनूत छप्‍पँ जुयाः लः ध्‍वाखाया न्‍ह्यःनेया चुकय् मुन। अले इमिसं परमप्रभुं इस्राएलीतय्‌त बियादीगु मोशाया व्‍यवस्‍थायागु सफू हयेत शास्‍त्री पुजाहारी एज्रायात इनाप यात।

नहेम्‍याह 9:1

व हे लाया निइप्‍यन्‍हु खुन्‍हु इस्राएलीत अपसं च्‍वनेत मुन। उबलय् इमिसं भांग्रा फिनाः थथःगु छेनय् धू तल।

एस्‍तर 4:16

“शूशनय् वनाः नापलाक्‍व फुक्‍क यहूदीतय्‌त जिगु निंतिं अपसं च्‍वनेत मुंकी। स्‍वन्‍हु स्‍वचा तक छुं नं नसा नये मते अले लः तकं त्‍वने मते। जि व जिमि भ्‍वातिं नं छिकपिं थें तुं अपसं च्‍वन। अनंलि कानूनया विरोध हे जूसां जि जुजुयाथाय् वने। थथे यानाः जि सीमासां सी।”

यर्मिया 3:3

उकिं परमेश्‍वरं बसन्‍तया वा वयेगु दिकाब्‍यूगु दु, वा वइ मखु। अय्‌नं छंगु ख्‍वाः वेश्‍यायागु थें च्‍वं। छ लज्‍या चाये हे मसः।

यर्मिया 6:15

छु इपिं थःगु घच्‍चाइपुगु ज्‍या याये धुंकाः लज्‍या चाल ला? मखु, इपिं भचा नं लज्‍या चाःगु मदु छाय्‌धाःसा इपिं लज्‍या चाये हे मसः। उकिं मेपिं पतन जूपिंनापं इपिं नं पतन जुइ। जिं इमित सजाँय बीबलय् इपिं नाश जुइ” परमप्रभुं धयादी।

योएल 1:14

पवित्र अपसं घोषणा या, पवित्र मुँज्‍या सःति। परमप्रभु छिमि परमेश्‍वरयागु देगलय् देशय् च्‍वंपिं सकल मनूत अले थकालितय्‌त मुंकाः परमप्रभुयात पुकारा या।

सपन्‍याह 3:5

इमिगु दथुइ च्‍वनादीम्‍ह परमप्रभु धर्मीम्‍ह खः, वय्‌कलं गुबलय् नं अन्‍याय यानादी मखु। वय्‌कलं सुथय् पतिकं थःगु न्‍याय क्‍यनादी। न्‍हियान्‍हिथं वय्‌कः चुकय् जुयादी मखु। अधर्मीतय्‌सं लाज धयागु हे सी मखु।

जकरिया 11:8

जिं लच्‍छिया दुने स्‍वम्‍ह फैजवाःतय्‌त पितिनाछ्वया। अले उगु फैबथानं जितः मयय्‌कल। जितः इपिं खनाः वाक्‍क वल।

मत्ती 18:20

गन जिगु नामय् निम्‍ह स्‍वम्‍ह मनू मुनी, अन जि इपिं नाप दइ।”