सपन्‍याह 1:8 - नेवाः बाइबल

⁸ परमप्रभुया उगु बलिदानया दिंखुन्‍हु जिं हाकिमतय्‌त अले जुजुया काय्‌पिं, अले मेगु देशयागु लं फ्‍यूपिं व धर्मी मखुपिं मनूतय्‌गु थितिकुति मानय् याइपिं फुक्‍कसित जिं सजाँय बी।

सपन्‍याह 1:8 ပူးပေါင်းရင်းမြစ်များ

२ राजा 10:22

अले वं वसः तयातइम्‍हसित धाल, “बालयात पुजा याइपिं सकसिगु निंतिं तःपालं हजि।” उकिं वं इमिगु निंतिं तःपालं फीत हल।

यशैया 10:12

परमप्रभुं सियोन पर्वत व यरूशलेमया विरोधय् थःगु फुक्‍क ज्‍या यानादी धुंकाः वय्‌कलं धयादी, “जिं अश्‍शूरया जुजुया नुगःया तःधंसू व घमण्‍डी मिखाया निंतिं सजाँय बी।

यशैया 2:6

हे परमप्रभु, छिं थः प्रजा याकूबया सन्‍तानयात त्‍वःतूगु दु, इमिसं थःगु देशयात पुर्बयागु थितिकुतिं जाय्‌कूगु दु, इमिसं पलिश्‍तीतय्‌सं थें जादु क्‍यनी अले इमिसं बिदेशीतनापं स्‍वापु तइ।

यशैया 24:21

व दिंखुन्‍हु, परमप्रभुं आकाशया शक्तियात व पृथ्‍वीया जुजुतय्‌त सजाँय बियादी।

यशैया 39:7

अले छिकपिनि सन्‍तानत मध्‍ये नं गुलिं गुलिंसित ज्‍वनाः बेबिलोनय् यंकी। अले बेबिलोनय् जुजुया दरबारय् सेवा यायेत नपुंसक दय्‌की।”

हबकूक 1:10

इमिसं जुजुतय्‌त गिजय् याइ अले शासकतय्‌त हेस्‍याइ। किल्‍ला दुगु दक्‍व शहरत खनाः इपिं न्‍हिली, चायागु द्वम्‍बःचात दय्‌काः इमिसं व त्‍याकाकाइ।

व्‍यवस्‍था 22:5

मिजंनं पुनीगु वसः मिसां पुने मते अले मिसाया वसः नं मिजंनं पुने मते। थथे याइपिं मनूतय्‌त परमप्रभु छिमि परमेश्‍वरं घृणा यानादी।