सपन्‍याह 1:5 - नेवाः बाइबल

⁵ छेँयागु कःसि च्‍वनाः नगुत पुज्‍याइपिन्‍त, क्‍वछुनाः परमप्रभुया नामं पाफया नं मोलोखया नामं नं पाफइपिन्‍त,

सपन्‍याह 1:5 ပူးပေါင်းရင်းမြစ်များ

१ राजा 11:33

जिं थथे याये, छाय्‌धाःसा इमिसं जितः त्‍वःताः सीदोनीतय् अश्‍तोरेत द्यःमय्‌जु, मोआबीतय् द्यः कमोश व अम्‍मोनीतय् द्यः मोलोखयात पुजा यात। इपिं जिगु लँपुइ जूगु मदु, जितः यःगु ज्‍या याःगु मदु, सोलोमनया अबु दाऊदं मानय् याःथें जिगु विधि व नियम इमिसं मानय् याःगु मदु।

१ राजा 11:5

वं सीदोनीतय् अश्‍तोरेत द्यःमय्‌जु व अम्‍मोनीतय् घच्‍चाइपूम्‍ह द्यः मोलोखयात पुजायात।

१ राजा 18:21

एलियां मनूतय् न्‍ह्यःने वनाः थथे धाल, “छिपिं गुबलय् तक दोमन जुयाच्‍वनेगु? परमप्रभु हे परमेश्‍वर खःसा वया ल्‍युने हुँ। बाल परमेश्‍वर खःसा वया ल्‍युने हुँ।” तर मनूतय्‌सं छुं मधाः।

२ राजा 17:32

इमिसं परमप्रभुयात नं मानय् याइगु। तर पुजा याइगु थासय् दुगु थांया निंतिं पुजाहारी ज्‍या यायेत थःगु हे जातियापिं मनूत ल्‍यल।

२ राजा 17:33

इमिसं परमप्रभुया आराधना यात अय्‌नं थः वःगु देशया थितिकुति कथं थः द्यःतय्‌त नं पुजायात।

२ राजा 17:41

इमिसं परमप्रभुया आराधना यानाच्‍वंगु जूसां थःगु मूर्तियात पुजा यायेगु ज्‍या नं याना हे च्‍वन। थौं तक नं इमि काय् म्‍ह्याय्‌पिन्‍सं व छय् छुइपिन्‍सं अथे हे यानाच्‍वंगु दु।

२ राजा 23:12

आहाजया छेँय् च्‍वय्‌च्‍वंगु क्‍वथाया लिक्‍क च्‍वंगु कःसिइ यहूदाया जुजुपिन्‍सं दय्‌कूगु वेदीत, अले परमप्रभुया देगलय् निगुलिं चुकय् मनश्‍शें दय्‌कूगु वेदीत वं थुनाबिल। वं उपिं वेदीयात चुंचुं यानाः किद्रोन ब्‍यासिइ वांछ्वयाबिल।

यशैया 22:1

दर्शनया ब्‍यासिया बारे अगमवाणी– छिमित छु जुल अले छिपिं सकलें छाय् फुक्‍क छेँया कःसिइ थाहां वनागु?

यशैया 44:5

छम्‍हय्‌सिनं धाइ, ‘जि परमप्रभुयाम्‍ह खः’। मेम्‍हय्‌सिनं जि याकूबया सन्‍तान खः धकाः धाइ, मेपिन्‍सं थःगु ल्‍हातय् ‘परमप्रभुया’ धकाः च्‍वइ, अले हानं मेम्‍हय्‌सिनं धाइ व छम्‍ह इस्राएली खः।”

यशैया 45:23

जिं थःगु हे नामं पाफयागु दु, जि विश्‍वास याये बहःम्‍ह जुयाः जिगु म्‍हुतुं छगू वचन घोषणा यानागु दु, गुगु जिं हाकनं लित काये मखु। फुक्‍क मनूतय्‌सं जिगु न्‍ह्यःने पुलिं चुइ। अले फुक्‍कसिनं जिगु भक्ति याये धकाः पा फइ।

यशैया 48:1

“हे याकूबया घराना न्‍यँ! छिमित इस्राएलया नामं सःतूगु खः। अले छिपिं यहूदाया वंशपाखें वःगु खः। छिमिसं परमप्रभुया नामं पाफःगु दु, अले छिमिसं इस्राएलया परमेश्‍वरया नामं प्रार्थना याइ, तर सत्‍यता व धार्मिकतां मखु।

यर्मिया 12:16

इमिसं न्‍हापा जि प्रजायात बालद्यःया नामं पाफयेगु स्‍यं थें ‘धात्‍थें परमप्रभु म्‍वाःम्‍ह खः’ धयाः जिगु नां कयाः पाफयाः जिगु प्रजाया पहःचहः धात्‍थें हे बांलाक सयेकाकाल धाःसा इमित जि प्रजाया दथुइ थाय् बी।

यर्मिया 19:13

यरूशलेमया छेँत व यहूदाया जुजुपिनिगु दरबार, गुकियागु कःसिइ कःसिइ आकाशया फुक्‍क नगुया लागि धुपाँय् च्‍याकल, अले मेपिं द्यःतय्‌गु निंतिं त्‍वँसाबलि छाल, उपिं फुक्‍क तोपेत थें अशुद्ध जुइ।’”

यर्मिया 32:29

थ्‍व शहरयात हमला यानाच्‍वंपिं बेबिलोनीत थ्‍व शहरय् दुहां वइ अले थुकियात मि नकाबी। बालद्यःयात छेँया कःसिइ कःसिइ धुपाँय् च्‍याकाः अले मेपिं द्यःतय्‌त त्‍वँसाबलि छायाः जितः तंचाय्‌कूपिं मनूत च्‍वंगु छेँनापं थुकियात नं मिं नकाबी।

यर्मिया 4:2

छिमिसं सत्‍य, न्‍याय व खःकथं ‘धात्‍थें परमप्रभु म्‍वाःम्‍ह खः’ धया पाफल धाःसा वय्‌कःपाखें जाति जातितय्‌त आशिष दइ। अले इमिसं वय्‌कःयात तःधंकी।”

यर्मिया 49:1

अम्‍मोनीतय्‌गु बारे– परमप्रभुं थथे धयादी, “छु! इस्राएलया काय्‌पिं मदु ला? छु! वया सुं सर्बय काइम्‍ह मदु ला? छाय् मोलोखं गादया लागा कब्‍जा याःगु? छाय् वया थः मनूत गादय् च्‍वंवःगु?”

यर्मिया 5:2

अनच्‍वंपिं मनूतय्‌सं ‘धात्‍थें परमप्रभु म्‍वाःम्‍ह खः’ धया पाफःसां इमिसं मखुगु खँ ल्‍हानाच्‍वंगु दु।”

यर्मिया 5:7

“जिं छिमित छाय् क्षमा यायेगु? छिमि काय् म्‍ह्याय्‌पिन्‍सं जितः त्‍वःतूगु दु अले ईश्‍वर मखुपिनिगु नामय् पाफःगु दु। जिं इमित प्‍वाः जाय्‌क नका, अय्‌नं इमिसं व्‍यभिचार यात, वेश्‍यातय्‌गु छेँय् ग्‍वाः ग्‍वाः वन।

यर्मिया 7:10

अनंलि जिगु नां दुगु देगलय् वयाः जिगु न्‍ह्यःने दनाः थथे धाइगु, “जिपिं बचय् जूगु दु।” अले हानं थ्‍व हे घच्‍चाइपुगु ज्‍या याइगु?

यर्मिया 7:9

छिमिसं खुइगु, स्‍याइगु, व्‍यभिचार याइगु, अदालतय् मखुगु साक्षी बीगु, बालद्यःया लागि धुपाँय्‌ थनीगु अले थःपिन्‍सं न्‍हापा म्‍हमस्‍यूपिं द्यःतय्‌त पुजा यानाजुइगु।

यर्मिया 8:2

मनूतय्‌सं माया यानाः सेवा याःगु, सल्‍लाह काःगु व पुजा याःगु सूर्य, तिमिला व आकाशया नगुतय्‌गु न्‍ह्यःने उपिं क्‍वँय्‌त ब्‍वइ। मुनाः चिहानय् थुनीगु पलेसा उपिं क्‍वँय् बँय् साः थें लानाच्‍वनी।

होशे 10:2

इपिं ध्‍वंलाइपिं खः। आः इमिसं थःगु दोषया सजाँय फये हे माली। परमप्रभुं इमिगु वेदीत नाश यानाबी, अले च्‍वखगु ल्‍वहंया थांत थुनाबी।

होशे 4:15

“अय् इस्राएल, छं व्‍यभिचार याःसां नं यहूदा दोषी मजुइमा।” “छिपिं गिलगालय् वने मते बेथ-आवनय् नं वने मते, अले म्‍वानाच्‍वंम्‍ह परमप्रभुयात साक्षी तयाः पाफये मते।

आमोस 5:26

मखु, छिमिसं ला थःगु हे निंतिं दय्‌कातःगु छिमिगु मूर्तित, छिमि राज द्यः सिक्‍कूत व नगु-द्यः कीयूनयात क्‍वबिया जुल।

मत्ती 6:24

“सुनानं निम्‍ह मालिकयागु सेवा याये फइ मखु, छाय्‌धाःसा वं छम्‍ह मालिकयात अप्‍वः यय्‌कूसा, मेम्‍ह मालिकयात यय्‌की मखु। वं छम्‍हय्‌सिनं धाःथें याःसा मेम्‍हय्‌सिनं धाःगु खँ न्‍यनी मखु। अथे हे छिमिसं परमेश्‍वर व धन निगूयां सेवा याये फइ मखु।

प्रेरित 10:9

कन्‍हय् खुन्‍हु न्‍हिनय् सःतःवंपिं शहरया लिक्‍क थ्‍यन। अबलय् हे पत्रुस कःसिइ प्रार्थना याः वन।

रोमी 14:11

धर्मशास्‍त्रय् थथे च्‍वयातःगु दु – “प्रभुं धयादिल – जिं धात्‍थें धाये – फुक्‍क मनूतय्‌सं जिगु न्‍ह्यःने पुलिं चुइमाः। अले हानं फुक्‍कसिनं जि परमेश्‍वर खः धकाः धायेमाः।”

व्‍यवस्‍था 10:20

थः परमप्रभु परमेश्‍वरया ग्‍याःभय का अले वय्‌कःया सेवा या। वय्‌कः नाप नापं जु, अले वय्‌कःया नामय् जक पाफयेगु या।

व्‍यवस्‍था 4:19

छिमिसं आकाशपाखे थस्‍वइबलय् अन दुगु सूर्य, तिमिला, नगुत व फुक्‍क ग्रह नक्षत्रतय्‌त खनाः उमित भागियाये मते, पुजा नं याये मते। उपिं परमप्रभुं पृथ्‍वीया फुक्‍क जातितय्‌गु निंतिं बियादीगु खः।

यहोशू 23:7

छिमिगु दथुइ ल्‍यंदुपिं थुपिं जातितनापं स्‍वापु तये मते, इमि द्यःतय्‌गु नां काये मते, इमिगु नामय् पाफये मते। इमित पुजा याये मते अले इमित भागियाये मते।