सपन्‍याह 1:13 - नेवाः बाइबल

¹³ इमिगु धन-सम्‍पत्ति लाका काइ, इमिगु छेँ मेपिन्‍सं थुनाबी। इमिसं छेँ दय्‌कूसां उकी इपिं च्‍वने दइ मखु। इमिसं दाखमा पिइ अय्‌सां इमिसं व दाखमद्य त्‍वनेखनी मखु।”

सपन्‍याह 1:13 ပူးပေါင်းရင်းမြစ်များ

यशैया 6:11

अले जिं न्‍यना, “हे परमप्रभु गुबलय् तक थथे जुयाच्‍वनी?” वय्‌कलं लिसः बियादिल, “शहरत नाश जुया व खालि मजुतले, बुँत फुक्‍क नाश जुयाः छेँत फुक्‍क दुना वनाः झिजांमिजां मदंतले,

यर्मिया 15:13

“छिमिगु देशन्‍यंक जूगु छिमिगु फुक्‍क पापं यानाः छिमिगु धनसम्‍पत्ति व छिमिगु धुकूया सामान जिं लुतय् यानाहःगु सामान थें सितिकं इनाबी।

यर्मिया 17:3

थ्‍व देशय् दुगु जिगु पर्वत व छिमिगु फुक्‍क धन-सम्‍पत्ति छिमिगु पुजा याइगु थाय्‌नापं देश न्‍यंकया पापया कारणं जिं छिमि शत्रुतय्‌त लुटपाट याकेबी।

यर्मिया 4:20

छगू विपत्तिया लिपा मेगु विपत्ति वइ। छाय्‌धाःसा देश नाश जुइ धुंकूगु दु। आकाझाकां जिगु पाल नाश जुल, जि शरण कायेगु थाय् पलखं हे नाश जुल।

यर्मिया 4:7

छम्‍ह सिंह थःगु गुफां पिहां वःगु दु। जातितय्‌त नाश याइम्‍ह पिहां वये धुंकूगु दु। छिमिगु देशयात नाश यायेत व थःगु थासं पिहां वये धुंकूगु दु। छिमिगु शहर मनूत मदयाः नाश जुइ।

यर्मिया 5:17

इमिसं छिमिगु बाली व नसा क्‍वाप्‍प नयाबी, छिमि काय् म्‍ह्याय्‌पिन्‍त क्‍वाप्‍प नयाबी, इमिसं छिमि सा द्वहं व फै-च्‍वलय् क्‍वाप्‍प नयाबी, छिमिगु दाख व यःमरिमा क्‍वाप्‍प नयाबी। छिमिसं भलसा याःगु पःखाः ग्‍वयातःगु शहरत इमिसं तरवारं नाश याइ।”

यर्मिया 9:11

परमप्रभुं धयादी, “जिं यरूशलेमयात नाश यानाः ध्‍वंचात च्‍वनीगु नाशया द्वँ दय्‌काबी, यहूदाया शहरतय्‌त झिजांमिजां दंगुथाय् यानाबी। अन सुं नं च्‍वने फइ मखु।”

यर्मिया 9:19

सियोनयापिं ख्‍वयाच्‍वंगु सः ताये दयाच्‍वंगु दु, ‘जिपिं गय् यानाः नाश जुल। जिमित तसकं बेइज्‍जत याःगु दु, जिमिसं थःगु देश त्‍वःते हे माः, छाय्‌धाःसा इमिसं जिमिगु छेँ नाश यानाब्‍यूगु दु।’”

विलाप 5:2

जिमिगु सर्बय परदेशीतय्‌गु ल्‍हातय् लाःगु दु। जिमिगु छेँ परदेशीतय्‌गु जूगु दु।

इजकिएल 22:31

उकिं जिं इमिके जिगु तंया मि प्‍वंकाः इमित भस्‍म याये। इमिसं याःगु फुक्‍क ज्‍या इमिगु हे छेनय् हयाबी, परमप्रभु परमेश्‍वरं धयादी।”

इजकिएल 7:19

“‘इमिसं थःगु वहः लँय् वांछ्वयाबी अले इमिगु लुँ अशुद्ध चिज थें जुइ। परमप्रभुया तंया दिनय् इमिगु वहः व लुं इमित बचय् याये फइ मखु। इमिसं उकिं थःगु पित्‍याः लंके फइ मखु वा प्‍वाः जाय्‌के फइ मखु, छाय्‌धाःसा उकिं हे इमित पापया निंतिं धेधेचुइकूगु खः।

इजकिएल 7:21

जिं थ्‍व फुक्‍क विदेशीतय्‌त लुतय्‌ याकेबी, जिं पृथ्‍वीयापिं मभिंपिं मनूतय्‌त व फुक्‍क लुटया माल थें बी। अले इमिसं उकियात अशुद्ध याइ।

इजकिएल 7:24

उकिं जिं इमिगु छेँत अधिकार यायेत मेगु जातियापिं तसकं मभिंपिं मनूत हये। जिं बल्‍लाःपिनिगु घमण्‍ड नं खतम यानाबी अले इमिगु पवित्र थाय्‌त अशुद्ध याइगु जुइ।

आमोस 5:11

छिमिसं मगाःमचाःपिन्‍त क्‍वत्‍यला च्‍वन, इमिगु अन्‍न लुतय् यानाच्‍वन। अथे जुयाः ल्‍वहंया ततःखाःगु छेँ छिमिसं दय्‌कूसां छिपिं उकी च्‍वने दइ मखु। छिमिसं लहलह वइगु दाखमा प्‍यूसां छिमिसं उकियागु दाखमद्य त्‍वने खनी मखु।

मीका 3:12

अथे जुयाः छिमिगु कारणं यानाः सियोनयात बुँ थें जोतय् याइ, यरूशलेम नाश जुयाः द्वँ चिनी, देगःया डाँडा धाःसा झाः बुयावया त्‍वःपुयाच्‍वंगु द्वम्‍बःचा थें जुइ।

मीका 6:15

छिमिसं अन्‍न ह्वःसां लये खनी मखु अले जैतूनया चिकं पिकाःसां छ्यलेदइ मखु। अले दाख तिस्‍यूसां त्‍वने दइ मखु।

सपन्‍याह 1:9

उबले लुखाखलु हाचां गया जुइपिन्‍त अले थः द्यःतय्‌गु देगलय् ल्‍वापुख्‍यापु व ध्‍वंलाइगु ज्‍या याइपिं सकसित जिं सजाँय बी।

व्‍यवस्‍था 28:30

छिपिंनापं ब्‍याहा क्‍वःछ्यूम्‍ह मिसायात मेम्‍ह मिजंनं यंकाः स्‍यंकाबी। छिमिसं दय्‌कूगु छेँय् थःपिं च्‍वने खनी मखु। छिमिसं दाखमा पी अय्‌नं उकिया फल नयेखनी मखु।

व्‍यवस्‍था 28:39

छिमिसं दाखक्‍यब पिनाः उकी ज्‍या याइ अय्‌नं छिमिसं दाखमद्य त्‍वनेखनी मखु, दाख मुने खनी मखु, छाय्‌धाःसा कीचातय्‌सं उपिं नयाबी।

व्‍यवस्‍था 28:51

अले छिपिं भज्‍यंक मस्‍यंतले इमिसं छिमि बथांयापिं सा-द्वहंया मचा वा फैच्‍वलय्‌या मचा अले छिमिगु बुँइ सःगु बालि नयाबी। अले इमिसं छिमिगु अन्‍न, न्‍हूगु दाखमद्य व जैतूनया चिकं छुं नं ल्‍यंकी मखु।