सपन्‍याह 1:12 - नेवाः बाइबल

¹² उबले मत च्‍याकाः जिं यरूशलेमयात माले, अले याउँक च्‍वनाच्‍वंपिन्‍त, कः जुयाच्‍वंगु दाखमद्य थें जुयाच्‍वंपिन्‍त सजाँय बी, अले ‘परमप्रभुं भिं व मभिं छुं नं याइ मखु’ धकाः बिचाः याइपिन्‍त जिं सजाँय बी।

सपन्‍याह 1:12 ပူးပေါင်းရင်းမြစ်များ

अय्‍यूब 21:15

दक्‍व शक्ति दुम्‍ह परमेश्‍वर सु खः धकाः जिमिसं वय्‌कःयात आराधना यायेत? वय्‌कःयात प्रार्थना यानाः जिमित छु दइ?’

भजनसंग्रहया सफू 10:4

दुष्‍टतय्‌सं तःधंछु जुयाः परमप्रभुयात माली मखु। इमिगु बिचालय् परमेश्‍वर धयाम्‍ह द हे मदु।

भजनसंग्रहया सफू 14:1

मूर्खतय्‌सं नुगलय् “परमेश्‍वर द हे मदु” धकाः धाइ। इमिगु मति मभिंगु दु। इमिसं घच्‍चाइपुगु ज्‍या जक यानाच्‍वंगु दु। भिंगु ज्‍या याइपिं सुं हे मदु।

भजनसंग्रहया सफू 94:7

इमिसं धाइ, “परमप्रभुं झीत खनी मखु, याकूबया परमेश्‍वरं वास्‍ता यानादी मखु।”

यशैया 5:19

धिक्‍कार दु इमित, गुपिन्‍सं परमप्रभुयात चुनौती बियाः थथे धाइ, “वय्‌कः छाय् हथाय् चायामदीगु अले वय्‌कलं यानादीगु ज्‍या छाय् याकनं झीत मक्‍यंगु छाय् इस्राएलया पवित्र परमेश्‍वरं झायाः थःगु योजना पूवंकामदीगु? अले झीसं व फुक्‍क सीगु।”

यर्मिया 10:5

इमिगु मूर्तित तुसिया क्‍यबय् तयातःम्‍ह बुँख्‍याःचा थें नवाये मफु। इमित क्‍वबिया जुइमाः, छाय्‌धाःसा इपिं न्‍यासि जुइ मफु। इपिं खनाः ग्‍याये मते, इमिसं छिमिगु छुं स्‍यंके फइ मखु, न इमिसं छुं भिं याये फइ।”

यर्मिया 48:11

“मोआब मचाबलय् निसें हे याउँक च्‍वनाच्‍वंगु दु। थलय् त्‍वःतातःगु दाखमद्य थें छगः थलं मेगु थलय् मप्‍वंकूगु थें, व देशयात गुबलें ज्‍वनाः यंकूगु मदु। वयागु सवाः न्‍हापायागु थें च्‍वं, वयागु बास्‍ना ह्यूगु मदु।

इजकिएल 8:12

वय्‌कलं जितः धयादिल, “अय् सीमानिम्‍ह मनू, इस्राएलया घरानायापिं सकलें धर्म गुरुतय्‌सं खिउँगुलिइ थथःगु मूर्तिया पुजा क्‍वथाय् छु यानाच्‍वंगु दु छं खन ला? इमिसं धाइगु, ‘परमप्रभुं जिमित मखं, परमप्रभुं झीगु देशयात त्‍वःतादीगु दु।’”

इजकिएल 9:4

अले वयात धयादिल, “यरूशलेम शहरया फुक्‍क थासय् वनाः अन याःगु फुक्‍क घच्‍चाइपुगु ज्‍याया निंतिं नुगः मछिंकुपिं व बिलाप याःपिं सकलें मनूतय्‌गु कपालय् छगू चिं ति!”

इजकिएल 9:9

वय्‌कलं जितः धयादिल, “इस्राएल व यहूदाया घरानाया पाप तसकं तःधं। देश मनू स्‍यायेगु ज्‍यां जाःगु दु अले शहर अन्‍यायनं जाःगु दु। इमिसं धाइगु, ‘परमप्रभुं देशयात त्‍वःतादीगु दु, परमप्रभुं मखं।’

आमोस 6:1

सियोनय् मोजमज्‍जा यानाः आरामं च्‍वनाच्‍वंपिन्‍त व सामरियाया डाँडाय् थःत सुरक्षित ताय्‌कीपिन्‍त धिक्‍कार। छिपिं न्‍हापांगु जातिया नांजाःपिं मनूत खः, ग्‍वाहालि फ्‍वनेत छिमिथाय् इस्राएलया मनूत वयाच्‍वनी।

ओबदिया 1:6

तर एसावयागु दक्‍व धनसम्‍पत्ति गथे यानाः लुतय् यानायंकी! वयागु सुपिकातःगु धनसम्‍पत्ति गुकथं लुतय् यानायंकी!

मलाकी 2:17

छिमिसं थःगु खं परमप्रभुयात हीमी चायेकूगु दु। छिमिसं न्‍यनी, “जिमिसं वय्‌कःयात गथे यानाः हीमी चाय्‌कागु दु?” छिमिसं थथे धाइ, “परमप्रभुया मिखाय् मभिंगु ज्‍या याइपिं भिं जुइ, अले इपिं खनाः लय्‌तायादी।” हानं “न्‍याय याइम्‍ह धकाः भापिम्‍ह परमेश्‍वर गन दी?” धकाः वय्‌कःयात हीमी चाय्‌कूगु दु।

२ पत्रुस 3:4

इमिसं थथे धाइ – “येशू झायादी धकाः धयागु मखु ला? ग्‍व, गन दु येशू? जिमि तापाःबाज्‍यापिं सिनावने धुंकल। सृष्‍टि याःबलय् निसें थौं तक नं अथे हे तिनि, छुं नं मपाः।”

प्रकाश 2:23

वया मस्‍तय्‌त जिं स्‍यानाबी। मनूतय्‌गु मन व नुगः वातुवालाः स्‍वइम्‍ह जि हे खः धकाः अले जक फुक्‍क मण्‍डलीं सीका काइ। छिमिसं याना जूगु ज्‍या स्‍वयाः जिं नं छिमित माःगु याये।