सपन्‍याह 1:1 - नेवाः बाइबल

¹ यहूदाया जुजु योशियाहं राज्‍य याना च्‍वंबले परमप्रभुयागु थ्‍व वचन सपन्‍याहयाके वल। सपन्‍याह हिजकियाया उइ, अमर्याहया छुइ, गदल्‍याहया छय् व कूशीया काय् खः।

सपन्‍याह 1:1 ပူးပေါင်းရင်းမြစ်များ

२ राजा 21:18

मनश्‍शे थः पुर्खात थें सित। वयात उज्‍जाया क्‍यब धाइगु वयागु हे दरबारया क्‍यबय् थुन। वयागु थासय् वया काय् आमोन जुजु जुल।

२ राजा 21:26

वयात उज्‍जाया क्‍यबय् दुगु थःगु हे चिहानय् थुन। वया लिपा वया काय् योशियाह जुजु जुल।

२ इतिहास 33:20

मनश्‍शे सित, वयात वयागु हे दरबारया लिक्‍क थुन। वया लिपा वया काय् आमोन जुजु जुल।

यर्मिया 1:2

अमोनया काय् यहूदायाम्‍ह जुजु योशियाहं राज्‍य यानाच्‍वंगु झिंस्‍वंगूगु दँ दुबलय् परमप्रभुया वचन वयाथाय् वःगु खः।

यर्मिया 22:11

छाय्‌धाःसा योशियाहया काय् यहोआहाज, थः अबुया थासय् यहूदाया जुजु जुल। थ्‍व हे यहोआहाज थनं वंम्‍ह खः। वयागु बारे परमप्रभुं थथे धयादी, “व हाकनं गुबलें थन लिहां वइ मखु।

यर्मिया 25:3

“यहूदाया जुजु अमोनया काय् योशियाहं राज्‍य यानाच्‍वंगु झिंस्‍वंगूगु दंनिसें थौं तक अर्थात निइस्‍वदँ तक, परमप्रभुया वचन जिथाय् वयाच्‍वंगु दु, अले जिं व छिमित कनावयाच्‍वनागु दु, तर छिमिसं उकी ध्‍यान ब्‍यूगु मदु।

इजकिएल 1:3

बेबिलोन देशया कबार खुसिया सिथय् परमप्रभुया वचन बूजीया काय् इजकिएल पुजाहारीयाथाय् वल। अन परमप्रभुयागु शक्ति वयाके खनेदत।

होशे 1:1

यहूदाया जुजुपिं उज्‍जियाह, योताम, आहाज व हिजकिया अले येहोआशया काय् इस्राएलया जुजु यारोबामं राज्‍य यानाच्‍वंबलय् परमप्रभुया वचन बेरीया काय् होशेयाथाय् वल।

२ तिमोथी 3:16

धर्मशास्‍त्रयागु फुक्‍क खँ परमेश्‍वरया प्रेरणां च्‍वःगु खः, थुपिं स्‍यनेकने यायेत, न्‍वायेत, द्वंगु भिंकेत व खःकथं म्‍वायेत तिबः बी।

२ पत्रुस 1:19

अय्‌जूगुलिं न्‍हापायापिं अगमवक्तातय्‌गु खँ सत्‍य खः धकाः जिमिसं झन बांलाक सिल। थ्‍व खँ छिमिसं न्‍यंगु नं तसकं हे बांलात, छाय्‌धाःसा इमिसं धयावंगु खँ ला सुथ मजुतले खिउँथाय् च्‍यानाच्‍वंगु मत थें खः। अले छिमिगु नुगलय् थिनाच्‍वंगु सुथसिगु नगु खः।