जकरिया 9:6 - नेवाः बाइबल

⁶ अश्‍दोद शहरयात विदेशीतय्‌सं अधिकार याइ अले पलिश्‍तीतय्‌गु तःधंछुयात जिं नाश यानाबी।

जकरिया 9:6 ပူးပေါင်းရင်းမြစ်များ

उपदेशक 6:2

परमेश्‍वरं सुं मनूतय्‌त धन-सम्‍पत्ति, बुँ व इज्‍जत बियादी, गुकिं यानाः इमित यःगु छुं हे मगाःमचाः जुइ मखु। तर परमेश्‍वरं इमित उपिं न्‍ह्यइपुकेत बियादी मखु। बरु मेम्‍ह हे मनूयात न्‍ह्यइपुकेत बियादी। थ्‍व नं सितिं वंगु व ग्‍यानापुगु खँ खः।

यशैया 23:9

तःधंछुया जुइगु व शहरयागु फुक्‍क गौरवयात क्‍वह्यंकाबीत, पृथ्‍वीया सकलें नां जाःपिन्‍त क्‍वमिलु यानादीत दक्‍व शक्ति दुम्‍ह परमप्रभुं थ्‍व ग्‍वसाः ग्‍वयादीगु दु।

यशैया 28:1

धिक्‍कार, एफ्राइमया अय्‌लाःगुलुतय्‌गु घमण्‍डया श्रीपेचयात! धिक्‍कार, सुकूगनावनीगु स्‍वांया श्रीपेचयात गुगु छकः तसकं बांलाःगु खः! थ्‍व शहर दाखमद्यं काःपिनिगु छगू यक्‍व सइगु ब्‍यासिया च्‍वय् पाखे लाः।

यर्मिया 47:1

मिश्रयाम्‍ह जुजु फारों गाजाय् हमला याये न्‍ह्यः पलिश्‍तीतय्‌गु बारे यर्मिया अगमवक्तायाथाय् वःगु परमप्रभुया वचन थ्‍व हे खः,

दानिएल 4:37

आः जि, नबूकदनेसरं, स्‍वर्गयाम्‍ह जुजुयात तःधंके, वय्‌कःयात तःधंके, अले हनाबना याये छाय्‌धाःसा वय्‌कलं यानादीगु फुक्‍क खँ पाय्‌छि जू व वय्‌कःया फुक्‍क लँपु न्‍यायलं जाः। तःधंछु जुया जुइपिन्‍त वय्‌कलं क्‍वमिलु यानादी फु।

आमोस 1:8

अश्‍दोदया जुजुयात व अश्‍कलोनया शासकयात भज्‍यंक नाश यानाछ्वये। जिं एक्रोनया विरोधय् जिगु ल्‍हाः ल्‍ह्वने, अले ल्‍यंदुपिं फुक्‍क पलिश्‍तीत सी,” परमप्रभु परमेश्‍वरं धयादी।

सपन्‍याह 2:10

इमिगु घमण्‍डया हुनिं इमित थथे हे जुइतिनि छाय्‌धाःसा इमिसं दक्‍व शक्ति दुम्‍ह परमप्रभुया प्रजायात हेपे याःगु दु अले हेस्‍याःगु दु।

सपन्‍याह 2:4

गाजाय् सुं छम्‍ह नं ल्‍यं दइ मखु, अले अश्‍कलोन भज्‍यंक स्‍यनी। न्‍हिनय् इमिसं अश्‍दोदय् च्‍वंपिं मनूतय्‌त लिनाछ्वइ अले एक्रोनय् च्‍वपिं मनूतय्‌त धाःसा अनं पितिनाछ्वइ।

जकरिया 9:5

व खनाः अश्‍कलोनयापिं ग्‍याइ। अले गाजा ग्‍यानाः थुरथुर खाइ। अले एक्रोन नं ग्‍याइ अले वयागु आशा कम जुयावनी, गाजां जुजु नाश जुइ, अले अश्‍कलोनय् हाकनं सुं च्‍वनी मखु।

जकरिया 9:7

जिं इमिगु म्‍हुतुं लानापं हि लिकयाबी व वाया दथुं घच्‍चाइपुस्‍से च्‍वंगु चिज लिकयाबी। अनंलि ल्‍यंदुपिं पलिश्‍तीत परमेश्‍वरया मनूत जुइ, अले यहूदाय् छगू कुल थें जुइ। एक्रोनय् च्‍वंपिं यबूसीत थें जुइ।

१ पत्रुस 5:5

क्‍वकालिपिं मनूतय्‌सं थकालिपिं मनूतय्‌त मानय् यायेमाः। थथःम्‍हं तुं तःधं जुया जुइगु बांमलाः। अय्‌जूगुलिं ग्‍वाहालि याये माःपिन्‍त छिमिसं ग्‍वाहालि या। थ्‍व हे खँ धर्मशास्‍त्रय् नं थथे च्‍वयातःगु दु – “परमेश्‍वरं तःधंछुना जुइपिनिगु विरोध यानादी, क्‍वमिलुपिन्‍त धाःसा दया यानादी।”