जकरिया 9:4 - नेवाः बाइबल

⁴ अय्‌नं वयाके दुगु फुक्‍क धन-सम्‍पत्ति परमप्रभुं लाकाकयादी। अले इमिगु शक्तियात समुद्रय् नाश यानादी। अले इपिं मिं भस्‍म जुइ।

जकरिया 9:4 ပူးပေါင်းရင်းမြစ်များ

हितोपदेश 10:2

बेइमान यानाः मुंकूगु धनं भिंकी मखु, तर धार्मिकतां ज्‍यान बचय् याइ।

हितोपदेश 11:4

परमेश्‍वरं न्‍याय याइखुन्‍हु धनसम्‍पत्ति छुं ज्‍याख्‍यलय् दइ मखु, भिंगु ज्‍यां हे मृत्‍युपाखें बचय् याइ।

यशैया 23:11

परमप्रभुं थःगु ल्‍हाः समुद्रय् चकंकादीगु दु। अले जःखः च्‍वंगु राज्‍ययात थरथर खाके बियादीगु दु। वय्‌कलं फोनिकेया किल्‍लात नाश यायेत उजं बियादीगु दु।

इजकिएल 26:17

इमिसं छंगु बारे बिलापया म्‍ये दय्‌काः छन्‍त धाइ, “‘समुद्रयापिं मनूतय्‌सं जाःगु, हे नांजाःगु शहर, छ गय् यानाः नाश जूगु! छ व छिमि मनूत छगू इलय् समुद्रय् बल्‍लाःपिं खः, अनच्‍वंपिं सकसितं छं ख्‍यानातःगु खः।

इजकिएल 28:16

तर यक्‍व थासय् दुगु व्‍यापारया कारणं ल्‍वापुख्‍यापुं जायाः छ पापी जुल। उकिं जिं छन्‍त परमेश्‍वरया पर्वतं अपमान यानाः कुतुकाछ्वया, हे सुरक्षा बीम्‍ह करूब, जिं छन्‍त मि थें थीगु ल्‍वहंतय्‌गु दथुं नाश याना।

इजकिएल 28:18

छंगु यक्‍व पाप व बेइमान व्‍यापारपाखें छं छंगु पवित्रगु थाय् अशुद्ध यात। थुकिं यानाः जिं छपाखें हे मि पिकयाबिया, उकिं हे छन्‍त भस्‍म यात। छन्‍त क्‍वथीक स्‍वइपिं सकसिगु न्‍ह्यःने जिं छन्‍त जमिनय् नौ यानाबिया।

इजकिएल 28:2

“अय् सीमानिम्‍ह मनू, टुरोसयाम्‍ह जुजुयात धा, ‘परमप्रभु परमेश्‍वरं थथे धयादी – “‘छं तःधंछुयाः थथे धाःगु दु, जि छम्‍ह द्यः खः, जि समुद्रया दथुइ द्यःयागु सिंहासनय् च्‍वंच्‍वनागु दु। तर छ छम्‍ह मनू जक खः, द्यः मखु, खः ला, छं थःत द्यः ति हे बुद्धिमान ताय्‌कूगु दु।

इजकिएल 28:8

इमिसं छन्‍त मृत्‍यु लोकय् क्‍वकाइ अले छ समुद्रया दथुइ ग्‍यानापुक सी।

योएल 3:8

छिमि काय् म्‍ह्याय्‌पिन्‍त जिं यहूदाया मनूतय्‌गु ल्‍हातय् मियाबी। इमिसं थुमित तापाक च्‍वंपिं छगू जाति शबायापिं मनूतय्‌त मियाबी,” परमप्रभुं धयादीगु दु।

आमोस 1:10

जिं टुरोसया पखालय् मि तयाः छ्वय्‌काबी, उकिं वया किल्‍लात भज्‍यंक नाश याइ।”

जकरिया 9:5

व खनाः अश्‍कलोनयापिं ग्‍याइ। अले गाजा ग्‍यानाः थुरथुर खाइ। अले एक्रोन नं ग्‍याइ अले वयागु आशा कम जुयावनी, गाजां जुजु नाश जुइ, अले अश्‍कलोनय् हाकनं सुं च्‍वनी मखु।