जकरिया 9:3 - नेवाः बाइबल

³ टुरोसं थःगु निंतिं छगू किल्‍ला दय्‌कूगु दु, वं वहः धू थें व लुँ गल्‍लीया ध्‍याचः ना थें मुंकूगु दु।

जकरिया 9:3 ပူးပေါင်းရင်းမြစ်များ

२ शमूएल 24:7

अनं इपिं टुरोसया किल्‍ला तक हे वन, अले हिव्‍वी व कनानीतय्‌गु फुक्‍क शहरय् वन। अनंलि इपिं यहूदाया नेगेव धाःगु दच्‍छिन देशया बेर्शेबाय् वन।

१ राजा 10:21

जुजु सोलोमनया फुक्‍क त्‍वनेगु ख्‍वलात लुँयागु खः। अले “लेबनानया गुँ” धाःगु दरबारय् दुगु फुक्‍क थलबल नं लुँयागु खः। छुं नं चिज वहलं दय्‌कूगु मखु छाय्‌धाःसा सोलोमनया पालय् वहः तसकं दं।

१ राजा 10:27

जुजुं यरूशलेमय् वहःयात ल्‍वहं थें दंकाबिल। वया पालय् यरूशलेमय् देवदारुया सिँ पच्‍छिमी फेदीया यःमरिमा थें हे यक्‍व दु।

अय्‍यूब 22:24

छिं लुँया चिचीधंगु धी धुलय् वांछ्वयाबिल धाःसा, ओपीरया लुँयात खुसिचाय् दइगु ल्‍वहं थें ताय्‌कादिल धाःसा,

अय्‍यूब 27:16

वं धू थें सम्‍पत्ति मुंकूसां तबि, अले चा थें यक्‍व वसः मुंकूसां तबि,

अय्‍यूब 3:15

वा लुँ हे लुँ दुपिं राजकुमारतनापं दइगु, गुपिन्‍सं थःगु छेँत वहलं जाय्‌कल।

यशैया 23:11

परमप्रभुं थःगु ल्‍हाः समुद्रय् चकंकादीगु दु। अले जःखः च्‍वंगु राज्‍ययात थरथर खाके बियादीगु दु। वय्‌कलं फोनिकेया किल्‍लात नाश यायेत उजं बियादीगु दु।

यशैया 23:8

श्रीपेच इनाजुइगु टुरोस शहर, गुम्‍हय्‌सिगु बन्‍जाःत राजकुमारपिं थें च्‍वनीगु खः व तसकं नांजाःपिं खः। सुनां टुरोसय् थ्‍व विपत्ति हल?

इजकिएल 26:12

इमिसं छंगु धन-सम्‍पत्ति लुतय् याइ, छंगु व्‍यापारया मालताल लुतय् यानाः यंकी। इमिसं छंगु पःखाः थुनाबी अले बांबांलाःगु छेँयात नाश यानाबी। छंगु ल्‍वहं, सिँ व चायात समुद्रय् वांछ्वयाबी।

इजकिएल 27:27

छंगु धनसम्‍पत्ति, छंगु व्‍यापारया मालताल, छंगु फुक्‍क माझीत व फुक्‍क जहाज चले याइपिं, जहाजया प्‍वाः तिनाबीपिं, छिमि व्‍यापारीत, जहाजयापिं फुक्‍क सिपाइँत व जहाजय् दुपिं छंगु जहाज स्‍यंगु दिनय् मेपिं सकलें समुद्रय् हे दुबय् जुइ।

इजकिएल 27:33

समुद्रय् छंगु मालताल वनीबलय् छं यक्‍व जातितय्‌त लुधंकी। छंगु यक्‍व धनसम्‍पत्ति व मालतालं छं पृथ्‍वीयापिं जुजुपिन्‍त तःमि यात।

इजकिएल 27:34

आः लःया तःजाःगु थासय् समुद्रं हे छन्‍त नाश याःगु दु। छंगु फुक्‍क मालताल व ज्‍या याइपिं सकलें छनापं तुं दुबय् जूगु दु।

इजकिएल 28:1

परमप्रभुयागु थ्‍व वचन जिथाय् वल,

आमोस 1:9

परमप्रभुं थथे धयादी – “टुरोसया मनूतय्‌सं तःक्‍व हे पापयात, जिं इमित सजाँय मब्‍यूसे त्‍वःते मखु! इमिसं फुक्‍क खलःयात एदोमयात मियाः इस्राएलीलिसें, दाजुकिजा थें जुइगु सन्‍धियात त्‍वाथुल,

यहोशू 19:29

अले व सिमाना चाःहिल रामा जुयाः पखाः दुगु टुरोस शहर तक वन। अनं व सिमाना होसापाखे चाःहिलाः अक्‍जीब इलाकाया न्‍ह्यःने समुद्रय् क्‍वचाल।