16 उखुन्हु परमप्रभु इमि परमेश्वरं थः मनूतय्त फैजवाःतय्सं फैच्वलय्या बथांयात बचय् याःथें बचय् यानादी, श्रीपेचया मणि थें इपिं वय्कःया देशय् थी।
परमप्रभु हे परमेश्वर खः धकाः सीकि। वय्कलं हे झीत दय्कादिल, झीपिं वय्कःया हे खः। अले झीपिं वय्कःया प्रजा व वय्कःया ख्यःयापिं फैत खः।
इस्राएलया झिंनिम्ह काय्पिनिगु नांकथं झिंनिगः मणिया थी दयेमाः। झिंनिगलय् हे झिंनिगू कुलयागु नां कियातयेमाः।
“छं निकू आनिक्स थी कयाः उकी इस्राएलया काय्पिनिगु नां क्यु।
स्व, शक्तिनापं परमप्रभु परमेश्वर झायेत्यंगु दु, वय्कःया बल्लाःगु ल्हातं राज्य याइ। वय्कःया सिरपाः वय्कःयाके दु, अले वय्कःया इनाम नं वय्कःयाके हे दु।
थीथी ह्यांउगु मणीं छन्त सुरक्षा याइगु पःखाः, तसकं थीगु रत्नं छंगु मू ध्वाखात व तसकं मू मू वंगु थीनं छंगु निंतिं फुक्क पःखाःत दय्की।
छन्त दुःख बिइपिनि काय्पिं छन्थाय् हे क्वमिलु जुयाः वइ। छन्त हेला याइपिं फुक्क छंगु पाली भ्वपू वइ। इमिसं छन्त परमप्रभुया शहर, इस्राएलया पवित्र परमेश्वरया सियोन धकाः धाइ।
जाति जातित छंके दुगु जलय् व जुजुत छंके खनेदुगु सुथया निभाःया जलय् वइ।
छ परमप्रभुया ल्हातय् गौरवया मुकुट व छ परमेश्वरया ल्हातय् छगू जुजुया श्रीपेच जुइ।
“जिगु बथांया ल्यनाच्वंपिन्त जिं इमित लिनाछ्वयागु फुक्क देशं मुंकाः जिं थःम्हं हे इमित इमिगु थःगु हे ख्यलय् लित हये। अले हानं इपिं च्वन्ह्याइ अले इमिगु ल्याः अप्वयावनी।
“हे जाति जातियापिं मनूत, परमप्रभुया वचन न्यँ! ताताःपाःगु समुद्र सिथय् सिथय् च्वंगु देशय् थ्व खँ न्यंकि, ‘सुनां इस्राएलयात छ्यालब्याल यानादिल, वय्कलं हे वयात मुंकादी। फैजवालं बथांयात रक्षा याःथें वय्कलं इमित रक्षा यानादी।’
छाय्धाःसा परमप्रभुं याकूबयात मू पुलाः त्वःतकादी। व स्वयाः बल्लाम्हय्सिगु ल्हातं इमित वय्कलं उद्धार यानादी।
“‘परमप्रभु परमेश्वरं थथे धयादी – आः जिं थःम्हं हे जिम्ह फैतय्त मालाः इमित स्वये।
गथे थःगु बथां थुखे उखे छ्यालब्याल जुइबलय् फैजवालं फैच्वलय्तय्त माःवनी, अथे हे जिं जिम्ह फैतय्त माले। सुपाँय् व तसकं खिउँगु दिनय् छ्यालब्याल जूगु फुक्क थासं जिं इमित बचय् याये।
“‘छिपिं जिम्ह फैत खः, जिगु ख्यःयापिं फैत, जिम्ह हे मनूत खः, जि छिमि परमेश्वर खः, परमप्रभु परमेश्वरं धयादी।’”
वय्कलं परमप्रभुयागु शक्तिं थः परमप्रभु परमेश्वरया नांया गौरवय् दनाः थः बथांयात ज्वयादी। अले इपिं सुरक्षित जुयाच्वनी, छाय्धाःसा पृथ्वीया तातापाःगु थासय् तक वय्कःयात इज्जत याइ।
हे परमप्रभु, छिं कथि ज्वनाः थः प्रजायात ज्वयादिसँ, नायुगु ख्यलय् व गुँइच्वनीपिं छिगु सर्बयया फैच्वलय्त ज्वयादिसँ। कर्मेल डाँडाया गुँइ याकःचा च्वंनाच्वंसां इपिं न्हापा थें हे बाशान व गिलादय् च्वंगु घाँय्ख्यलय् वनाः ज्वयेमा।
उबलय् जिं छिमित मुंके अले छिमित छेँय् हये। जिं छिमिगु मिखाया न्ह्यःने हे छिमिगु भिंगु दिं लित बीबलय्, पृथ्वी न्यंक जिं धात्थें हे छिमिगु नां व प्रशंसा च्वन्ह्याकाबी,” परमप्रभु धयादी।
“ ‘उखुन्हु, हे शालतिएलया काय् जिम्ह दास यरूबाबेल, जिं छन्त कयाः अंगूयात थें तये, छाय्धाःसा जिं छन्त ल्ययागु दु’ धकाः दक्व शक्ति दुम्ह परमप्रभुं धयादी।”
“जिं यहूदाया घरानायात बल्लाकाबी अले योसेफया घरानायात बचय् याये। जिं इमित हाकनं लित ब्वनाहय्। छाय्धाःसा जितः इपिं प्रति दया दु। जिं इमित गुबलें नं मत्वःतागु थें च्वंक इपिं न्हापा गथे खः अथे हे यानाबी। छाय्धाःसा जि इमि परमप्रभु परमेश्वर खः, अले जिं इमिगु प्रार्थनाया लिसः बी।
दक्व शक्ति दुम्ह परमप्रभुं थथे धयादी, “उबलय् मेमेगु जातियापिं व मेमेगु भाय् ल्हाइपिं झिम्ह मनू छम्ह यहूदी मिजंयाथाय् वयाः लंकू ज्वनाः थथे धाइ, ‘जिपिं नं छिलिसे वने, छाय्धाःसा छिलिसे परमेश्वर दु धकाः जिमिसं न्यनागु दु।’”
“परमेश्वर लय्तायादीगुलिं छिमित वय्कलं थःगु राज्य बियादी। उकिं छिमिगु पुचः चिधं धकाः छिपिं ग्याये माःगु मदु।
जिम्ह फैतय्सं जिगु सः ताइ, जिं इमित म्हस्यू, अले इपिं नं जिगु ल्यूल्यू वइ।