जकरिया 9:14 - नेवाः बाइबल

¹⁴ परमप्रभु शत्रुतय्‌थाय् खनेदः वइ अले वय्‌कःया वाण हाबलासा थें थी। दक्‍व शक्ति दुम्‍ह परमप्रभुं तुरही पुयादी, अले दच्‍छिनयागु ग्‍वःफसय् जुयाः वय्‌कः झायादी।

जकरिया 9:14 ပူးပေါင်းရင်းမြစ်များ

अय्‍यूब 37:9

वाफय् थःगु थासं वइ, कडा फसं चिकु वइ।

भजनसंग्रहया सफू 18:14

वय्‌कलं थःगु वाण त्‍वःताः थः शत्रुतय्‌त उखेंथुखें यानादिल। वय्‌कलं मलखं कय्‌काः इमित बुकादिल।

भजनसंग्रहया सफू 18:15

हे परमप्रभु! छिं तमं ब्‍वःबियादीगुलिं अले छिगु न्‍हाय्‌प्‍वालं पिहां वःगु मित्‍यालं समुद्रया बँ व पृथ्‍वीया जग खनेदत।

यशैया 18:3

हे पृथ्‍वीइ च्‍वंपिं मनूत, न्‍यँ! पर्वतया च्‍वकाय् छगू चिंया ध्‍वाँय्‌यात स्‍व! तुरही पूगु सःयात न्‍यँ!

यशैया 21:1

समुद्र सिथय्‌या मरुभूमिया बारे अगमवाणी– मरुभूमिइ ग्‍वःफय् वः थें छगू ग्‍यानपुगु देशं तःधंगु विनाश वइतिनि।

यशैया 27:13

व दिंखुन्‍हु छगू तःधंगु तुरही पुइ। अश्‍शूरय् नाश जूपिं व मिश्र देशय् ज्‍वनायंकूपिं वयाः यरूशलेमया पवित्र पर्वतय् परमप्रभुया आराधना याइ।

यशैया 30:30

तसकं तं पिकयाः, भस्‍म याइगु मित्‍याः, नं न्‍याःगु सः व ग्‍वःफय् अले प्‍वँनापं परमप्रभुं मनूतय्‌त थःगु तःजिगु शक्तिया सः न्‍यंकेत अले थःगु ब्‍वहःया जलं खंके बियादी।

यशैया 31:5

चखुंतय्‌सं थःगु स्‍वँयात रक्षा याःथें दक्‍व शक्ति दुम्‍ह परमप्रभुं यरूशलेमयात रक्षा यानादी। अले उकियात छुत्‍कारा यानादी। वय्‌कः उकियात पुलाः झायादी अले उकियात उद्धार यानादी।”

यशैया 66:15

स्‍व, परमप्रभु मिनापं झायादी, अले वय्‌कःया रथत ग्‍वःफय् थें खः। वय्‌कलं तच्‍वःगु तमं पलेसा कयादी, अले मिप्‍वालं सजाँय बियादी।

हबकूक 3:11

तसकं ब्‍वयावःगु प्‍वालाप्‍वाला थीगु छिगु वाणत व प्‍वालाप्‍वाला थीगु भालां यानाः सूर्य व तिमिला आकाशय् तक्‍क दित।

हबकूक 3:14

मगाःमचाःपिं व दुखं जाःपिन्‍त गुप्‍तं नुनाछ्वय्‌गु इच्‍छां वःपिं वया सिपाइँत वाफय् वः थें जिमित लछारपछार यायेत वल, छिं वयागु हे भाला वयागु छेनय् सुयादिल।

जकरिया 12:8

उखुन्‍हु हे परमप्रभुं यरूशलेमय् च्‍वंपिन्‍त रक्षा यानादी अले इपिं मध्‍ये तसकं बमलाःपिं दाऊद थें जुइ। दाऊदया घराना धाःसा परमेश्‍वर थें इमिगु न्‍ह्यःने वनाच्‍वंम्‍ह परमप्रभुया दूत थें जुइ।

जकरिया 14:3

अनंलिपा लडाइँया इलय् थें परमप्रभु उपिं जातितलिसें लडाइँ यानादी।

जकरिया 2:5

जि थः हे शहरया प्‍यखेरं मिया पःखाः जुइ। जि हे उकी दुनेया महिमा जुइ,’” धकाः परमप्रभुं धयादी।

मत्ती 24:31

अले तुरहीया सःलिसें मनूया काय्‌नं स्‍वर्गदूततय्‌त पृथ्‍वीया प्‍यखें छ्वइ। इमिसं परमेश्‍वरं ल्‍ययातःपिन्‍त मुंका हइ।

मत्ती 28:20

अले जिं स्‍यना थें छिमिसं इमित स्‍यनेकने यानाः फुक्‍कं खँ मानय् याकि। न्‍यँ, संसार फुना मवंतले जि छिपिंनाप हे दइ।”

रोमी 15:19

जिं अजू चायापुगु चिं व ज्‍या नं याना, पवित्र आत्‍मायागु शक्तिं यरूशलेमंनिसें इल्‍लुरिकन तक फुक्‍कभनं ख्रीष्‍टयागु भिंगु खँ न्‍यंकागु दु।

हिब्रू 2:4

अले हानं थ्‍व खँ सत्‍य खः धकाः झीत क्‍यनेत परमेश्‍वरं हे ततःधंगु शक्ति व अजू चायापुगु ज्‍या व चिं यानादिल। परमेश्‍वरं थःत यःपिन्‍त पवित्र आत्‍मायागु वरदान नं बियादिल।

यहोशू 10:42

थुपिं फुक्‍क जुजुपिन्‍त इमिगु देशतनापं यहोशूं छकलं हे त्‍याकल छाय्‌धाःसा परमप्रभु इस्राएलयाम्‍ह परमेश्‍वरं हे इस्राएलीतय्‌गु निंतिं ल्‍वानादीगु खः।

प्रकाश 6:2

अले जिं छम्‍ह तुयुम्‍ह सल खना। थ्‍व सल गया च्‍वंम्‍हय्‌सिके छगू धनु दु। वयात श्रीपेच बिल। अले व त्‍याकुकुं अझ त्‍याकेत वन।