जकरिया 9:13 - नेवाः बाइबल

¹³ जिं थः हे ग्रीकयापिं सिपाइँतलिसे ल्‍वाये। यहूदायापिं मनूत जिगु धनुष खः, एफ्राइमयापिं मनूत जिगु वाण खः। अले जिं थः शत्रुतय् विरोधय् चले यायेत यरूशलेमयापिं मनूत जिगु तरवार खः।

जकरिया 9:13 ပူးပေါင်းရင်းမြစ်များ

भजनसंग्रहया सफू 144:1

जितः रक्षा याइम्‍ह परमप्रभुया प्रशंसा जुइमा, वय्‌कलं जिगु ल्‍हाः व पतिंयात ल्‍वायेगु सीप स्‍यनादी।

भजनसंग्रहया सफू 149:6

इमिगु म्‍हुतुं परमेश्‍वरया प्रशंसा जुइमा, अले इमिगु ल्‍हातय् निखें धाः दुगु तरवार दयेमा,

भजनसंग्रहया सफू 45:3

हे दकले बल्‍लाःम्‍ह जुजु! थःगु महिमा व प्रतापनापं थःगु तरवार जँय् घानादिसँ।

यशैया 49:2

वय्‌कलं जिगु म्‍हुतु ज्‍वःगु तरवार थें यानादिल। वय्‌कलं जितः थःगु ल्‍हाःया किचलय् सुचुकादिल। वय्‌कलं जितः च्‍वामुसे च्‍वंगु वाण दय्‌कादिल, अले जितः थःगु वाण तयेगु बलाथुली सुचुकातयादिल।

यर्मिया 51:20

“हे बेबिलोन, छ जिगु लडाइँया कथि, जिगु लडाइँया ल्‍वाभः जुइमा। छपाखें जिं जातितय्‌त चुंचुं याये। छपाखें हे जिं राज्‍य राज्‍ययात नाश याये।

विलाप 4:2

भिंगु लुँ थें मू वंपिं सियोनया काय्‌पिं आः कुमाःया ल्‍हातं दय्‌कातःगु चायागु थलबल थें जुल।

आमोस 2:11

“जिं छिमि काय्‌पिंपाखें अगमवक्तात ल्‍यया अले छिमि ल्‍याय्‌म्‍हपिंपाखें नाजिरीत ल्‍यया। अय् इस्राएलया मनूत, छु थ्‍व खँ खःगु खँ मखु ला?” परमप्रभुं धयादी।

ओबदिया 1:21

उद्धार याइपिं एसावया डाँडाय् राज्‍य यायेत सियोन पर्वतय् थाहां वइ। अले राज्‍य परमप्रभुयागु हे जुइ।

जकरिया 1:21

जिं न्‍यना, “थुपिं छु यायेत वयाच्‍वंगु खः?” वय्‌कलं लिसः बियादिल, “नेकूतय्‌सं ला छम्‍ह हे मनुखं छ्यं धस्‍वाके मफय्‌क यहूदाया मनूतय्‌त छ्यालब्‍याल यात। थुपिं कारिगरत धाःसा इमित ख्‍यायेत व यहूदा देशया विरोधय् वयाः मनूतय्‌त छ्यालब्‍याल याःगु जातितय् नेकूतय्‌त वांछ्वयेत वःगु खः।”

एफिसी 6:17

मुक्ति हे छिमिगु तपुलि खः। अले आत्‍मां बियादीगु परमेश्‍वरयागु वचन तरवार खः।

२ तिमोथी 4:7

जिं यायेमाःगु बांलाक याये धुन। जिं ब्‍वाँय् वने गाके धुन। अथेसां जिं जिगु विश्‍वासयात बल्‍लाक तया तयागु दु।

हिब्रू 4:12

छाय्‌धाःसा परमेश्‍वरयागु वचन ज्‍या याना तुं च्‍वनीगु व जीवन बीगु खः। थ्‍व निखें धाः दुगु तरवार स्‍वयाः नं ज्‍वः, थ्‍वं दुने थ्‍यंक वनाः प्राण व आत्‍मायात छुतय् यानाबी, साहाः व स्‍यःयात छुतय् यानाबी। अले मनूतय्‌गु नुगलय् च्‍वंगु खँ व इच्‍छायात ल्‍ययाः जाँचय् याइ।

प्रकाश 1:16

वय्‌कःयागु जव ल्‍हातय् न्‍हय्‌गः नगु दु। वय्‌कःयागु म्‍हुतुं तसकं ज्‍वःगु निखें धाः दुगु तरवार पिहां वयाच्‍वंगु दु। वय्‌कःयागु ख्‍वाः तसकं थीगु सूर्य थें च्‍वं।

प्रकाश 17:14

थुपिं चीधिकःम्‍ह भ्‍याःचा नाप ल्‍वाः वइ। चीधिकःम्‍ह भ्‍याःचां थुमित बुका छ्वइ, छाय्‌धाःसा वय्‌कः प्रभुतय् नं प्रभु व जुजुतय् नं जुजु खः। वय्‌कः नाप दुपिं सःतातःपिं, ल्‍ययातःपिं व विश्‍वास यायेबहःपिं खः।”

प्रकाश 19:15

जात जातियापिं मनूतय्‌त स्‍यायेत वय्‌कःयागु म्‍हुतुं छपु तरवार पिहां वयाच्‍वंगु दु। अले वय्‌कलं इमित नँयागु दण्‍डीं राज्‍य यानादी। दक्‍वसिबय् तःधंम्‍ह व शक्ति दुम्‍ह परमेश्‍वरयागु तमं जायाच्‍वंगु दाख तिस्‍सिगु थासय् वय्‌कलं तुतिं न्‍हुयाः दाखरस पिकयादी।

प्रकाश 19:21

सल गया च्‍वंम्‍हय्‌सिगु म्‍हुतुं पिहां वयाच्‍वंगु तरवारं ल्‍यंदनिपिं फुक्‍कसितं स्‍याना छ्वत। इमिगु ला नयाः फुक्‍क झंगःतय्‌सं प्‍वाः जाय्‌कल।

प्रकाश 2:12

“पर्गाममय् च्‍वंगु मण्‍डलीयाम्‍ह दूतयात थथे धकाः च्‍वया छ्व – तसकं ज्‍वःगु निखें धाः दुगु तरवार दुम्‍हय्‌सिनं थथे धयादी –