जकरिया 8:4 - नेवाः बाइबल

⁴ दक्‍व शक्ति दुम्‍ह परमप्रभुं थथे धयादी, “यरूशलेमया चुक चुकय् हाकनं बुरा व बुरीपिं यक्‍व उमेर दुगुलिं थथःगु ल्‍हातय् कथि ज्‍वनाः च्‍वनी।

जकरिया 8:4 ပူးပေါင်းရင်းမြစ်များ

अय्‍यूब 42:17

थुकथं व यक्‍व बुरा जुइ धुंकाः सित। व ताःई तक म्‍वात।

अय्‍यूब 5:26

ई वइबलय् गथे खलाय् बाली वइ अथे हे पूरा आयु म्‍वानाः छ चिहानय् थ्‍यनी।

प्रस्‍थान 21:19

अले व मनू दनाः कथिं चुयाः न्‍यासि जुइ फत धाःसा दाःम्‍ह मनूयात सजाँय जुइ मखु। अय्‌नं घाःपाः जूम्‍ह मनूयात वं ज्‍या याये मफुतले वयात ज्‍याला पुलेमाः, अले मलंतले वयात वासः यायेमाः।

यर्मिया 31:13

अबलय् ल्‍यासेत लय्‌लय्‌तातां प्‍याखं हुली। ल्‍याय्‌म्‍हपिं व बुरापिं लय्‌ताइ। छाय्‌धाःसा जिं इमिगु दुःखयात चीकाः इमित लय्‌ताय्‌के। जिं इमित सान्‍त्‍वना बी अले दुःखया पलेसा लय्‌ताः बी।

यर्मिया 31:24

यहूदा व उकिया शहरय् बुँज्‍या याइपिं व फैच्‍वलय्‌या बथां ज्‍वनाजुइपिंनापं च्‍वनी।

जकरिया 2:4

वं धाल, “ब्‍वाँय् वनाः उम्‍ह ल्‍याय्‌म्‍हम्‍ह मनूयात धा, ‘मनूतय्‌गु व पशुतय्‌गु ल्‍याः यक्‍व अप्‍वः जूगुलिं यरूशलेम पःखाः मदुगु शहर जुइ।

हिब्रू 12:22

छिपिं ला म्‍वाःम्‍ह परमेश्‍वरयागु स्‍वर्गयागु शहर यरूशलेम, सियोन पर्वतय् वःगु दु। अन द्वलंद्वः स्‍वर्गदूतत लय्‌लय्‌तातां मुनाच्‍वंगु दु।

१ शमूएल 2:31

थज्‍याःगु ई वयाच्‍वंगु दु कि, जिं छ व छिमि परिवारया बल कम यानाबी अले छंगु परिवारय् सु नं बुरापिं मनूत दइ मखु।

१ शमूएल 2:32

जि च्‍वनेगु थासय् संकट जूगु छं खनि। इस्राएलया निंतिं भिं यायेगु जुइ अय्‌नं छंगु परिवारय् थनिनिसें छम्‍ह नं बुरापिं मनूत दइ मखु।