जकरिया 8:3 - नेवाः बाइबल

³ परमप्रभुं थथे धयादी, “जि सियोनय् लिहां वये अले यरूशलेमय् बाय् च्‍वने। अबलय् यरूशलेमयात ‘विश्‍वास याये बहःगु शहर’ धकाः धाइ, अले दक्‍व शक्ति दुम्‍ह परमप्रभुया पहाडयात धाःसा ‘पवित्र पर्वत’ धाइ।”

जकरिया 8:3 ပူးပေါင်းရင်းမြစ်များ

भजनसंग्रहया सफू 2:6

“जिं थःम्‍ह जुजुयात थःगु पवित्र पर्वत सियोनय् पलिस्‍था याये धुनागु दु।”

भजनसंग्रहया सफू 48:1

परमप्रभु तःधंम्‍ह खः, परमेश्‍वरया शहरय्, वय्‌कःया पवित्र पर्वतय् वय्‌कः प्रशंसा याये बहःम्‍ह खः।

प्रस्‍थान 29:45

जि इस्राएलीतय्‌गु दथुइ बाय् च्‍वने, अले जि इमि परमेश्‍वर जुइ।

यशैया 1:21

स्‍वःसा, विश्‍वास याये बहःजूगु शहर आः गथे छम्‍ह वेश्‍या थें जुल! न्‍याय व धार्मिकतां जाःगु शहर तर आः स्‍याइपालिपिन्‍सं जाःगु दु!

यशैया 1:26

जिं छिमि न्‍यायकर्तातय्‌त न्‍हापा थें अले छिमित सल्‍लाह बीपिन्‍त नं दकलय् न्‍हापा थें हे लिफ्‍यानाहये। अनंलि छन्‍त ‘धार्मिकताया शहर’ व ‘विश्‍वास याये बहःगु शहर’ धकाः धाइ।”

यशैया 11:9

इमिसं जिगु फुक्‍क पवित्र पर्वतय् छुं नं स्‍यंके फइ मखु, अले छुं मभिंगु खँ नं अन दइ मखु, छाय्‌धाःसा समुद्र लखं जाः थें पृथ्‍वी परमप्रभुया ज्ञानं जाइ।

यशैया 12:6

सियोनय् च्‍वंपिं सकसिनं तःसलं म्‍ये हालेमा! इस्राएलया पवित्र परमेश्‍वर तःधंम्‍ह खः, अले वय्‌कः थः मनूतय् दथुइ च्‍वनादी।”

यशैया 32:16

व मरुभूमिइ न्‍याय बाय् च्‍वनी, अले नायुगु बुँइ धार्मिकता बाय् च्‍वनी।

यशैया 60:14

छन्‍त दुःख बिइपिनि काय्‌पिं छन्‍थाय् हे क्‍वमिलु जुयाः वइ। छन्‍त हेला याइपिं फुक्‍क छंगु पाली भ्‍वपू वइ। इमिसं छन्‍त परमप्रभुया शहर, इस्राएलया पवित्र परमेश्‍वरया सियोन धकाः धाइ।

यशैया 65:25

गुँखिचा व भ्‍याःचा छथाय्‌नापं च्‍वनाः नइ, अले सिंहनं धाःसा द्वहं नं थें सु नइ, सर्पया नसा धाःसा धू जुइ। जिगु फुक्‍क पवित्र पर्वतय् न इमिसं हानि याइ न नाश हे याइ, परमप्रभुं धयादी।”

यशैया 66:20

अले इमिसं फुक्‍क जाति-जातितपाखें छिमि फुक्‍क थः मनूत, सलत, रथत, खच्‍चरत, ऊँटतय्‌के क्‍वबिकाः जिगु पवित्र पर्वत यरूशलेमय् परमप्रभुया निंतिं बलि थें यानाः हइ,” परमप्रभुं धयादी। “इस्राएलया सन्‍तानतय्‌सं थःगु अन्‍नबलि शुद्धगु थलय् तयाः परमप्रभुया देगलय् हइगु थें इमिसं थुमित हइ।

यशैया 8:18

जि व परमप्रभुं जितः बियादीपिं काय्‌म्‍ह्याय्‌पिं थन हे दु। सियोन पर्वतय् च्‍वनादीम्‍ह दक्‍व शक्ति दुम्‍ह परमप्रभुयापाखें जिपिं इस्राएलय् चिं व छुमा खः।

यर्मिया 14:9

छाय् छि अजू चाःम्‍ह मनू थें जुयादीयागु? छाय् बचय् याये मफइम्‍ह बल मदुम्‍ह सिपाइँ थें जुयादियागु? हे परमप्रभु छि जिपिंनापं दी। जिमित छिकपिनि हे मनूत धाइ, जिमित त्‍वःतादी मते!

यर्मिया 26:18

“यहूदाया जुजु हिजकियाया इलय् मोरेशेतयाम्‍ह मीकां अगमवाणी ल्‍हात। यहूदायापिं फुक्‍क मनूतय्‌त वं थथे धाल, ‘दक्‍व शक्ति दुम्‍ह परमप्रभुं थथे धयादी, “‘सियोनयात बुँ थें जोते याइ, यरूशलेम नाश जुयाः द्वँ चिनी, देगः दुगु डाँडा धाःसा झाःया झाः दुगु द्वम्‍बःचा थें जुइ।’

यर्मिया 31:23

दक्‍व शक्ति दुम्‍ह परमप्रभु, इस्राएलया परमेश्‍वरं थथे धयादी, “जिं थः मनूतय्‌त थःगु देशय् लित हयेबलय् इमिसं हाकनं छकः यहूदा देश व उकिया शहरय् हाकनं थथे धाइ, ‘परमप्रभुं थः च्‍वनीगु यरूशलेमया पवित्र डाँडायात सुवाः बियादीमा।’

यर्मिया 33:16

अबलय् यहूदायात बचय् याइ, अले यरूशलेम याउँक च्‍वनाच्‍वनी। वयागु नां थ्‍व तइ, परमप्रभु जिमि धार्मिकता।’

इजकिएल 48:35

“शहरयागु प्‍यखें पाखेयागु घेरा ९.६ किलोमिटर दइ। “उखुन्‍हुंनिसें शहरया नां ‘परमप्रभु अन दी’ जुइ।”

दानिएल 9:16

हे परमप्रभु, छिगु फुक्‍क भिं ज्‍याकथं छिगु शहर व पवित्र पर्वत यरूशलेमं थःगु तं चीकादिसँ। जिमिगु पाप व जिमि पुर्खातय्‌गु मभिंगु ज्‍याया कारणं प्‍यखेरं लाःगु देश देशयापिं मनूतय्‌सं, यरूशलेम व छि मनूतय्‌त हेस्‍यानाच्‍वंगु दु।

योएल 3:17

“अले पवित्र पर्वत सियोनय् च्‍वनीम्‍ह परमप्रभु छिमि परमेश्‍वर जि हे खः धकाः छिमिसं सीका काइ। अले यरूशलेम पवित्र जुइ, विदेशीतय्‌सं हानं गुबलें थन हमला याःवइ मखु।

योएल 3:21

जिं क्षमा मयानानीगु इमिगु हिया दोष, जिं क्षमा यानाबी।” परमप्रभु सियोनय् च्‍वनादी।

मीका 4:1

लिपांगु न्‍हिइ परमप्रभुया देगः पलिस्‍था यानातःगु पर्वत मेगु फुक्‍क पर्वत स्‍वयाः मू वंगु जुयाः थापं जुइ। व हिमालत स्‍वयाः तसकं तःजाः जुइ, अले मनूत अन मूंवइ।

सपन्‍याह 3:13

इस्राएलयापिं ल्‍यंदुपिं मनूतय्‌सं गुगु कथंयागु नं द्वं याइ मखु। इमिसं मखुगु खँ ल्‍हाइ मखु। न इमिगु म्‍हुतुइ ध्‍वंलाइगु खँ हे दइ। इमिसं नइ अले याउँक ग्‍वार्तुलाच्‍वनी, अले सुनां इमित ख्‍याये फइ मखु।”

जकरिया 1:16

“उकिं जिगु दया क्‍यनेत जि यरूशलेमय् लिहां वयागु दु। जिगु देगः हाकनं दय्‌की, यरूशलेमय् नापय् यायेगु खिपः तंके याइ, अले शहरयात हाकनं दय्‌की” दक्‍व शक्ति दुम्‍ह परमप्रभुं धयादी।

जकरिया 12:6

“उखुन्‍हु हे जिं यहूदाया नायःतय्‌त च्‍यानाच्‍वंगु सिँया दथुइ मकः वा थूतय्‌गु दथुइ च्‍यानाच्‍वंगु मिप्‍वाः थें दय्‌काबी। इमिसं जःखः च्‍वंपिं सकल मनूतय्‌त भस्‍म याइ। यरूशलेम धाःसा थःगु हे थासय् दयाच्‍वनी।

जकरिया 14:10

उत्तरय् गेबांनिसें दच्‍छिन यरूशलेमय् रिम्‍मोन तक फुक्‍क जमिन माथं वनी। यरूशलेम शहर धाःसा तःजाः जुयाः बेन्‍यामीनया ध्‍वाखांनिसें न्‍हापांगु ध्‍वाखाया थाय् तक, कुन्‍चाया ध्‍वाखा तक, अले हननेलया धरहरांनिसें जुजुयागु दाख तिसीगु थाय् तक थःगु हे थासय् च्‍वनी।

जकरिया 8:16

छिमिसं यायेमाःगु थ्‍व हे ज्‍या खः – छम्‍हय्‌सिनं मेम्‍हलिसे खःगु खँ ल्‍हा, अले छिमिगु अदालतय् खःगु व पाय्‌छिगु न्‍याय या।

जकरिया 8:19

दक्‍व शक्ति दुम्‍ह परमप्रभुं थथे धयादी, “प्‍यंगूगु, न्‍यागूगु, न्‍हय्‌गूगु व झिगूगु लायागु अपसं व दुखं च्‍वनेमाःगु दिं आवलिं लसताया नखः जुइ। उकिं छिमिसं सत्‍य व शान्‍तियात यय्‌की।”

यूहन्‍ना 1:14

वचन मनू जुयाः झीपिं नाप च्‍वं झाल। वय्‌कः दया माया, अले सत्‍यं जाःम्‍ह खः। जिमिसं वय्‌कःया महिमा खना, गुगु महिमा बाःया याकः काय्‌या थें च्‍वं।

यूहन्‍ना 14:23

वय्‌कलं लिसः बियादिल – “जितः माया याइम्‍हय्‌सिनं जिगु वचन नं मानय् याइ। अले बाःनं नं वयात माया यानादी। अले जिपिं वयाथाय् वये अले व नाप हे च्‍वने।

२ कोरिन्‍थी 6:16

परमेश्‍वरयागु देगःलिसे मूर्तियागु छु स्‍वापु? झीपिं हे म्‍वाःम्‍ह परमेश्‍वर च्‍वनीगु देगः खः। थथे ला परमेश्‍वरं हे धयादीगु दु – “जि इपिंनापं च्‍वने, अले इपिंनापं जुइ। जि इमि परमेश्‍वर जुइ अले इपिं जिमि मनूत जुइ।”

कलस्‍सी 2:9

गथे परमेश्‍वर खः, अथे हे ख्रीष्‍ट नं खः।

प्रकाश 21:10

जि आत्‍मां जाल, अले स्‍वर्गदूतं जितः तःधंगु तःजाःगु पर्वतय् यंकाः परमेश्‍वरदीगु स्‍वर्गं क्‍वहां वयाच्‍वंगु पवित्रगु शहर यरूशलेम क्‍यन।

प्रकाश 21:27

पवित्र मजूगु छुं हे अन दुकाइ मखु। घच्‍चायापुसे च्‍वंगु ज्‍याखँ यानाजुइपिं, अथवा मखुगु खँ ल्‍हानाजुइपिं सुं हे अन दुकाइ मखु। भ्‍याःचायागु जीवनयागु सफुलिइ च्‍वयातःपिं मनूतय्‌त जक अन दुकाइ।

प्रकाश 21:3

सिंहासनं तःसलं थथे धकाः धयाहःगु सः जिं ताल – “स्‍व, आः परमेश्‍वर मनूतलिसे दी। वय्‌कः इपिं नाप हे च्‍वनादी। इपिं वय्‌कःया मनूत जुइ। परमेश्‍वर थः हे इमि परमेश्‍वर जुयाः इपिं लिसे च्‍वनादी।