जकरिया 8:22 - नेवाः बाइबल

²² यक्‍व मनूत व बल्‍लाःगु जातित यरूशलेमय् दक्‍व शक्ति दुम्‍ह परमप्रभुयात मालेत व बिन्‍ति यायेत वइ।”

जकरिया 8:22 ပူးပေါင်းရင်းမြစ်များ

भजनसंग्रहया सफू 68:30

तिंकथिया दथुइ सुलाच्‍वंपिं पशुतय्‌त ब्‍वःबियादिसँ। द्वहंत व इमि मस्‍तय् बथां थें च्‍वंपिं जातियात ब्‍वःबियादिसँ, वहःया कुचात ज्‍वनाः तुति भ्‍वपू मवतले इमित ब्‍वःबियादिसँ। ल्‍वापुइ लय्‌ताइपिं जात जातितय्‌त उखेलाः थुखेलाः मदय्‌कादिसँ।

यशैया 2:2

लिपांगु दिनय् परमप्रभुया देगः पलिस्‍था यानातःगु पर्वत मेगु फुक्‍क पर्वत स्‍वयाः मू वंगु जुयाः थापं जुइ। व हिमालत स्‍वयाः तसकं तःजाः जुइ, अले फुक्‍क जातित अन मूंवइ।

यशैया 2:3

अले यक्‍व मनूत वयाः थथे धाइ, “वा, झीपिं परमप्रभुया पर्वत, याकूबया परमेश्‍वरयागु देगलय् वनेनु। अनंलि वय्‌कलं हे झीपिं वय्‌कःयागु लँपुइ वने फयेमा धकाः झीत थःगु लँपु स्‍यनादी।” अले व्‍यवस्‍था सियोनं व परमप्रभुया वचन यरूशलेमं पिहां वइ।

यशैया 25:7

वय्‌कलं थ्‍व पर्वतय् फुक्‍क मनूतय्‌त फाय्‌का तःगु देवं व फुक्‍क जातियात त्‍वःपुया तःगु तन्‍ना चीकादी।

यशैया 49:22

परमप्रभु परमेश्‍वरं थथे धयादी, “स्‍व, जिं जाति जातियात ल्‍हाःभाय् यानाः सःते अले जिगु चिंया झण्‍डा जाति-जातितय्‌गु न्‍ह्यःने धस्‍वाके। इमिसं छिमि काय्‌पिन्‍त थःगु ल्‍हातं क्‍वबिया हइ अले इमिसं छिमि म्‍ह्याय्‌पिन्‍त ब्‍वहलय् क्‍वबिया हइ।

यशैया 49:6

वय्‌कलं थथे धयादी, “याकूबया मनूतय्‌त हाकनं थापं यायेत व इस्राएलयापिं ल्‍यंदुपिं फुक्‍क लित हयेत छ जिमि दास जुइगु खँ चिचाधंगु खँ खः ला? पृथ्‍वीयागु कुन्‍चाय् कुन्‍चाय् तक जिं जिगु उद्धार थ्‍यनेमा धकाः यहूदीमखुपिनिगु निंतिं जिं छन्‍त जः नं दय्‌काबी।”

यशैया 55:5

छिमिसं म्‍हमस्‍यूगु जातितय्‌त सःता हइ, अले छिमिसं म्‍हमस्‍यूपिं जातित छिमिथाय् हथाय् चाचां वइ। छाय्‌धाःसा परमप्रभु छिमि परमेश्‍वर, इस्राएलया पवित्र परमेश्‍वरं छिमित गौरवं जाय्‌कादीगु दु।”

यशैया 66:23

छगू अमाइ निसें मेगु अमाइ व छगू विश्रामबारंनिसें मेगु विश्रामबार तक फुक्‍क मनूत, जातित वयाः जिगु न्‍ह्यःने भ्‍वपू वइ।” परमप्रभुं धयादी।

यर्मिया 4:2

छिमिसं सत्‍य, न्‍याय व खःकथं ‘धात्‍थें परमप्रभु म्‍वाःम्‍ह खः’ धया पाफल धाःसा वय्‌कःपाखें जाति जातितय्‌त आशिष दइ। अले इमिसं वय्‌कःयात तःधंकी।”

मीका 4:2

अले यक्‍व जातित वयाः थथे धाइ, “वा, झीपिं परमप्रभुया पर्वत, याकूबया परमेश्‍वरयागु देगलय् वनेनु। अनंलि वय्‌कलं हे झीपिं वय्‌कःयागु लँपुइ वने फयेमा धकाः झीत थःगु लँपु स्‍यनादी।” अले व्‍यवस्‍था सियोनं व परमप्रभुया वचन यरूशलेमं पिहां वइ।

मीका 4:3

वय्‌कलं यक्‍व जातितय्‌गु दथुइ न्‍याय यानादी। अले तातापाक च्‍वंपिं बल्‍लाःगु जातितय्‌गु ल्‍वापुख्‍यापु मिलय् यानादी। इमिसं थःगु तरवारयात मुगलं दायाः हलोया फली व भालायात मुगलं दायाः ईंचा दय्‌की। जाति जातितय् दथुइ ल्‍वापुख्‍यापु जुइ मखु, अले लडाइँया निंतिं सुनानं स्‍यनेकने याइ मखु।

हाग्‍गै 2:7

जिं फुक्‍क जातितय्‌त संकाबी, अले फुक्‍क जातितय्‌गु धन-सम्‍पत्ति थन मुं वइ। अले थ्‍व देगःयात झःझः धाय्‌के बी,’ दक्‍व शक्ति दुम्‍ह परमप्रभुं धयादी।

जकरिया 14:16

अनं लिपा यरूशलेमय् हमला याःपिं जाति जातितपाखें म्‍वाःपिं सकलें दक्‍व शक्ति दुम्‍ह परमप्रभुयात जुजु भाःपियाः आराधना यायेत व बल्‍चाबाय्‌या नखः हनेत दँय्‌दसं यरूशलेमय् वनी।

जकरिया 8:21

अले छगू शहरयापिं मनूत मेगु शहरय् वनाः थथे धाइ, ‘जिमित आशिष बियादिसँ धकाः परमप्रभुयात बिन्‍ति यायेत याकनं हुँ, दक्‍व शक्ति दुम्‍ह परमप्रभुयात मालेनु। जि थः नं वने।’

गलाती 3:8

यहूदीमखुपिन्‍सं परमेश्‍वरयात विश्‍वास यात धाःसा परमेश्‍वरं इमित नं धर्मी ठहरय् यानादी धकाः न्‍हापा हे धर्मशास्‍त्रय् च्‍वयातःगु दु। अय्‌जूगुलिं हे अब्राहामयात परमेश्‍वरं “छंगुपाखें हे संसारय् च्‍वंपिं फुक्‍क जात जातितय्‌त आशिष बी” धकाः धयादिल।

प्रकाश 15:4

हे परमप्रभु, सु जक छि खनाः मग्‍याइ? सुनां जक छिगु नांयात तःधं धकाः मानय् मयाइ? छि हे जक पवित्रम्‍ह खः। छिगु पाय्‌छिगु बिचाः व न्‍याय फुक्‍कसिनं सी धुंकूगुलिं फुक्‍क जातित छिथाय् छितः आराधना यायेत वइ।”

प्रकाश 21:24

थुकियागु जलय् जात जातियापिं मनूत जुइ। अले संसारयापिं जुजुपिन्‍सं थःगु सम्‍पत्ति व महिमा अन हे हइ।