जकरिया 8:16 - नेवाः बाइबल

¹⁶ छिमिसं यायेमाःगु थ्‍व हे ज्‍या खः – छम्‍हय्‌सिनं मेम्‍हलिसे खःगु खँ ल्‍हा, अले छिमिगु अदालतय् खःगु व पाय्‌छिगु न्‍याय या।

जकरिया 8:16 ပူးပေါင်းရင်းမြစ်များ

भजनसंग्रहया सफू 15:2

व मनुखं फइ, गुम्‍ह दोष मदय्‌क म्‍वानाच्‍वनी, अले न्‍ह्याबलें भिंगु जक याइ, अले गुम्‍हय्‌सिनं दुनुगलंनिसें खःगु खँ ल्‍हाइ,

भजनसंग्रहया सफू 34:15

भिंगु ज्‍या याइपिन्‍त परमप्रभुं स्‍वयाच्‍वंगु दु, अले इमिगु प्रार्थना न्‍यनेत वय्‌कलं न्‍हाय्‌पं बियाच्‍वंगु दु।

हितोपदेश 12:17

सत्‍यम्‍ह साक्षीं खःगु साक्षी बी, तर फताहा साक्षीं फताहा खँ ल्‍हाइ।

हितोपदेश 12:19

सत्‍य खँ न्‍ह्याबलें ल्‍यनाच्‍वनी, मखुगु खँ ताःतुइ मखु।

यशैया 9:7

वय्‌कःया शासन न्‍ह्याबलें दयाच्‍वनी, वय्‌कःया शान्‍तिया अन्‍त्‍य गुब्‍सं जुइ मखु। दाऊद जुजुया लिपा वइम्‍ह जुजु वय्‌कः हे खः। न्‍याय व धर्मया निंतिं धिसिलाक्‍क दना थनिंनिसें सदांया निंतिं राज्‍य यानादी। दक्‍व शक्ति दुम्‍ह परमप्रभुया जोशं थ्‍व पूवनी।

यर्मिया 22:3

परमप्रभुं थथे धयादी – खःगु व पाय्‌छिगु ज्‍या या! लुतय् याकाच्‍वंम्‍ह मनूयात अत्‍याचारीया ल्‍हातं बचय् या! परदेशी, मांबौ मदुपिं व भाःत मदुपिन्‍त क्‍वत्‍यके बी मते! थ्‍व थासय् दोष मदुपिनिगु हिबाः वय्‌केबी मते!

इजकिएल 18:8

वं ब्‍याज कयाः दां त्‍याये बी मखु अले ब्‍यूगु स्‍वयाः अप्‍वः काइ मखु। मनू मनूया दथुइ खःकथं न्‍याय याइ।

इजकिएल 45:9

“‘परमप्रभु परमेश्‍वरं थथे धयादी, हे इस्राएलया शासकत, गात! छिमिसं यक्‍व हे यात। ल्‍वापुख्‍यापु व अत्‍याचार त्‍वःताब्‍यु! खःगु व बांलाःगु ज्‍या जक या! जिगु प्रजायात पितिनाछ्वयेगु ज्‍या बन्‍द या! परमप्रभु परमेश्‍वरं धयादी।

लेवी 19:11

“‘छिमिसं खुयाकाये मते। “‘मखुगु खँ ल्‍हाये मते। “‘छम्‍हं मेम्‍हय्‌सित झंगः लाये मते।

आमोस 5:15

मभिंगु फुक्‍क त्‍वःताछ्व, छु छु भिंगु खः व हे जक यय्‌की। अदालतय् न्‍याय ल्‍यंकाः तयाति, सके दक्‍व शक्ति दुम्‍ह परमप्रभु परमेश्‍वरं योसेफया ल्‍यंदनिपिं मनूतय्‌त दया यानादी ला।

आमोस 5:24

तर न्‍याय धाःसा खुसि थें अले धार्मिकता गुब्‍सं मसुइगु खुसि थें न्‍ह्याना च्‍वनेमा।

मीका 6:12

थनयापिं तःमिपिं मनूत ल्‍वापुख्‍यापुं जाःगु दु। थनच्‍वंपिं सकसिनं मखुगु खँ ल्‍हानाच्‍वंगु दु। इमिगु म्‍हुतुं छलया खँ ल्‍हानाच्‍वनी।

मीका 6:8

हे मनू, बांलाःगु अले भिंगु खँ वय्‌कलं छन्‍त क्‍यनादीगु दु। छपाखें परमप्रभुं छु यय्‌कादी? खःकथं ज्‍या यायेगु, मायायात यय्‌केगु, थः परमेश्‍वरलिसें क्‍वमिलु जुयाः जुयेगु।

सपन्‍याह 3:13

इस्राएलयापिं ल्‍यंदुपिं मनूतय्‌सं गुगु कथंयागु नं द्वं याइ मखु। इमिसं मखुगु खँ ल्‍हाइ मखु। न इमिगु म्‍हुतुइ ध्‍वंलाइगु खँ हे दइ। इमिसं नइ अले याउँक ग्‍वार्तुलाच्‍वनी, अले सुनां इमित ख्‍याये फइ मखु।”

जकरिया 7:9

“दक्‍व शक्ति दुम्‍ह परमप्रभुं थथे धयादी, ‘खःगु न्‍याय या, थवंथवय् दयामाया व माया क्‍यँ।

जकरिया 8:19

दक्‍व शक्ति दुम्‍ह परमप्रभुं थथे धयादी, “प्‍यंगूगु, न्‍यागूगु, न्‍हय्‌गूगु व झिगूगु लायागु अपसं व दुखं च्‍वनेमाःगु दिं आवलिं लसताया नखः जुइ। उकिं छिमिसं सत्‍य व शान्‍तियात यय्‌की।”

जकरिया 8:3

परमप्रभुं थथे धयादी, “जि सियोनय् लिहां वये अले यरूशलेमय् बाय् च्‍वने। अबलय् यरूशलेमयात ‘विश्‍वास याये बहःगु शहर’ धकाः धाइ, अले दक्‍व शक्ति दुम्‍ह परमप्रभुया पहाडयात धाःसा ‘पवित्र पर्वत’ धाइ।”

मत्ती 5:9

मेपिन्‍त मिलय् यानाजुइपिं मनूत धन्‍यपिं खः, इमित परमेश्‍वरं थःकाय्‌पिं यानादी।

एफिसी 4:17

जिं प्रभुयागु नामय् धयाच्‍वनागु दु – छिपिं आः हानं परमेश्‍वरयात म्‍हमस्‍यूपिं थें याना जुइ मते। इमिगु बिचाः हे बांमलाः।

एफिसी 4:25

अय्‌जूगुलिं मखुगु खँ ल्‍हायेगु त्‍वःताः थःथवय् खःगु खँ जक ल्‍हाना जु, छाय्‌धाःसा झीपिं फुक्‍कं ख्रीष्‍टयागु म्‍हया छता छता म्‍हब्‍व खः।

१ थेसलोनिकी 4:6

थ्‍व खँय् सुनानं थः दाजुकिजापिन्‍त स्‍यंके मते। परमेश्‍वरं थथे याइपिन्‍त तःधंगु सजाँय बियादी। जिमिसं न्‍हापा हे छिमित थ्‍व खँ बांलाक धायेधुन।

प्रकाश 21:8

“भुस्‍याःत, विश्‍वास त्‍वःतूपिं, घच्‍चायापुगु ज्‍या याइपिं, मनू स्‍याइपिं, व्‍यभिचार याइपिं, धामी झाँक्री ज्‍या याइपिं, मूर्ति पुजा याइपिं व मखुगु खँ ल्‍हाइपिं फुक्‍कसितं गन्‍धकयागु मि गालय् वांछ्वइ। निकः सीगु धाःगु थ्‍व हे खः।”