जकरिया 8:14 - नेवाः बाइबल

¹⁴ दक्‍व शक्ति दुम्‍ह परमप्रभुं धयादी, “गथे छिमि पुर्खातय्‌सं जितः तंचाय्‌कूबलय् जिं इमिथाय् विपत्ति हयेगु क्‍वःछिना अले भतिचा नं माया मक्‍यना।”

जकरिया 8:14 ပူးပေါင်းရင်းမြစ်များ

२ इतिहास 36:16

तर इमिसं परमेश्‍वरया दूततय्‌त हिस्‍यात, वय्‌कःया वचनयात च्‍यूताः मतः। वय्‌कःया अगमवक्तातय्‌त हिस्‍यायेगु त्‍वःमतू। लिपतय्, परमप्रभु थः मनूत खनाः तसकं तंचायादिल। उकिं बचय् जुइगु छुं हे लँ मन्‍त।

भजनसंग्रहया सफू 33:11

परमप्रभुया ग्‍वसाः धाःसा सदां दयाच्‍वनी। वय्‌कःया बिचाः गुबलें नं हिली मखु।

यशैया 14:24

दक्‍व शक्ति दुम्‍ह परमप्रभुं थथे धयाः पाफयाः धयादीगु दु, “धात्‍थें, छु जिं योजना दय्‌कागु दु व जिं पक्‍का हे पूवंके। जिं छु याये धकाः बिचाः यानागु दु व याना हे त्‍वःते।

यर्मिया 20:16

व मनू परमप्रभुं दया मयासें नाश यानादीगु शहरत थें जुइमा। वं सुथय् नुगः चेचेतुंक ख्‍वःगु सः व न्‍हिनय् लडाइँया हाःसः न्‍यने मालेमा।

यर्मिया 29:11

छाय्‌धाःसा जिं छिमिगु निंतिं गुगु योजना दय्‌कागु दु, व जिं स्‍यू,” परमप्रभुं धयादी। “व छिमिगु भिंया लागि खः, छिमित स्‍यंकेत मखु, छिमित बांलाःगु भविष्‍य व आशा बीत।

यर्मिया 31:28

गथे जिं इमित कुतः यानाः लिनाकया, क्‍वथलाबिया, वांछ्वयाबिया, नाश याना व ध्‍वस्‍त याना, अथे हे कुतः यानाः पी, सुसाःकुसाः याये अले ब्‍वलंके।” परमप्रभुं धयादी।

यर्मिया 32:42

“परमप्रभुं थथे धयादी – गथे जिं थुपिं मनूतय्‌के थज्‍याःगु तःधंगु विपत्ति हया, अथे हे जिं बचं बियागु फुक्‍क भिंगु खँ थुमित बी।

यर्मिया 4:28

अथे जुयाः पृथ्‍वी ह्वाँय्‌ह्वाँय् ख्‍वइ। आकाश खिउँसे च्‍वनी। जिं धायेधुन अले जिं थःगु मन हीके मखु। जिं क्‍वःछीधुन, जिं थःगु बिचाः हिले मखु।”

इजकिएल 24:14

“‘जि परमप्रभुं हे थ्‍व खँ धयागु खः। जिं ज्‍या यायेगु ई वःगु दु। जि लिचिले मखु। जिं छन्‍त त्‍वःते। जिं छन्‍त दया याये मखु, जिं थःम्‍हं धया थें या हे याये। छंगु चाला व छंगु ज्‍या स्‍वयाः जिं छंगु न्‍याय याये, परमप्रभु परमेश्‍वरं धयादी।’”

जकरिया 1:2

“छिमि पुर्खातलिसे परमप्रभु तसकं तम्‍वयादीगु खः।

जकरिया 1:6

अय्‌नं जिं थः दास अगमवक्तातय्‌पाखें छिमि पुर्खातय्‌त बियागु वचन व ख्‍याच्‍वः इमिके पूरा जुल। “अले इमिसं पस्‍ताय् चायाः धाल, ‘दक्‍व शक्ति दुम्‍ह परमप्रभुं झीगु पहःचहः व ज्‍याकथं झीलिसें छु यायेगु क्‍वःछिनादीगु खः व वय्‌कलं झीपिंलिसे यानादिल।’”