जकरिया 8:10 - नेवाः बाइबल

¹⁰ व ई स्‍वयाः न्‍हापा सुनानं ज्‍याला बियाः मनू वा पशुयात तये मफु। शत्रुया कारणं सुं मनू सुरक्षित थःगु ज्‍याय् वये वनेमफु। छाय्‌धाःसा जिं सकल मनूतय्‌त थःथः जःलाखःलाया विरोधय् थनागु खः।

जकरिया 8:10 ပူးပေါင်းရင်းမြစ်များ

यशैया 19:2

परमप्रभुं धयादी, “जिं मिश्रीतय्‌गु दथुइ थवंथः ल्‍वाकाबी। इमि दाजुकिजाया विरोधय् दाजुकिजा ल्‍वाइ। अले जःलाखःलाया विरोधय् जःलाखःला ल्‍वाइ। शहर शहरतय् दथुइ ल्‍वापु यानाबी। अले राज्‍य राज्‍यतय् दथुइ ल्‍वापु यानाबी।

यर्मिया 16:16

“तर आः जिं यक्‍व न्‍या लाइपिं छ्वये, इमिसं थुपिं मनूतय्‌त लाइ,” परमप्रभुं धयादी। “अनंलि जिं थःम्‍हं हे यक्‍व शिकारीतय्‌त छ्वये, इमिसं थुमित फुक्‍क पर्वत, डाँडा व गुफां मामां लिकाइ।

आमोस 3:6

गुगुं शहरय् लडाइँया तुरही पुइबलय् मनूत मग्‍याइ ला? परमप्रभुं मछ्वतले छु गुगुं शहरय् विपत्ति वइ ला?

आमोस 9:4

शत्रुतय्‌सं इमित ज्‍वनायंकूसां जिं इमित स्‍यायेत आज्ञा बी। “जिं इमिके विपत्ति हयेगु पक्‍का यानागु दु, इमित ग्‍वाहालि यायेगु निंतिं मखु।”

हाग्‍गै 2:15

“‘आः परमप्रभुयागु देगः दय्‌के न्‍ह्यः छिमित गथे जुयाच्‍वंगु खः थनिंनिसें छिमिसं बांलाक बिचाः या।

न्‍यायकर्ता 5:11

मिस्‍त लः काःवइगु थासं म्‍ये हालिपिनिगु सः ताये दयाच्‍वंगु दु। अन इमिसं परमप्रभु त्‍याःगुया बारे अले इस्राएलीत त्‍याःगुया बारे धयाच्‍वंगु दु। अले परमप्रभुया मनूत शहरया ध्‍वाखाय् मुं वन।