जकरिया 7:5 - नेवाः बाइबल

⁵ “देशय् च्‍वंपि मनूत व पुजाहारीतय्‌त न्‍यँ, ‘वंगु न्‍हयेदँय् छिमिसं न्‍यागूगु व न्‍हय्‌गूगु लाय् अपसं च्‍वनाः शोक याःबलय् छु छिमिसं धात्‍थें हे जिगु हे निंतिं अपसं च्‍वनागु खः ला?

जकरिया 7:5 ပူးပေါင်းရင်းမြစ်များ

२ राजा 25:23

बेबिलोनयाम्‍ह जुजुं गदल्‍याहयात बडाहाकिम ल्‍यःगु खँ न्‍यनाः सेनाया फुक्‍क कप्‍तानत व इमि मनूत मिस्‍पाय् गदल्‍याहयाथाय् वल। थुपिं सेनापतित नतन्‍याहया काय् इश्‍माएल, कारेहया काय् योहानान, नतोपाती तन्‍हूमेतया काय् सरायाह व माकातीया काय् याजन्‍याह खः।

२ राजा 25:25

तर न्‍हय्‌ला दुबलय् जुजु खलःयाम्‍ह, एलीशामाया छय् व नतन्‍याहया काय् इश्‍माएलं झिम्‍ह मनूतय्‌त ज्‍वनावयाः गदल्‍याह व वलिसें मिस्‍पाय् दुपिं यहूदा व बेबिलोनयापिं मनूतय्‌त स्‍यानाबिल।

यशैया 43:23

छं होमबलिया निंतिं जिथाय् फै हःगु मदु, न छं थःगु बलिदानं जितः हनाबना याःगु दु। जिं छन्‍त यक्‍व बलिदानत फ्‍वनाः झ्‍यातुगु कु क्‍वबिकागु मदु, न यक्‍व धुपाँय् फ्‍वनाः छन्‍त त्‍यानुचाय्‌कागु दु।

यशैया 58:3

इमिसं धाइ, ‘जिपिं अपसं च्‍वनागु छाय् छिं मखंगु? जिपिं क्‍वमिलु जुयागु खँय् छिं छाय् वास्‍ता यानामदियागु?’ “छाय्‌धाःसा छिपिं अपसं च्‍वंगु दिंखुन्‍हु छिमिसं थःगु जक इच्‍छा पूवंकी, अले छिमि ज्‍याकःमि फुक्‍कसित क्‍वत्‍यलेगु याइ।

यर्मिया 25:11

थ्‍व फुक्‍क देश झिजांमिजां दनी अले सुनसान जुइ। थ्‍व फुक्‍क जातिं न्‍हयेदँ तक बेबिलोनयाम्‍ह जुजुया सेवा याइ।

यर्मिया 29:10

परमप्रभुं थथे धयादी, “बेबिलोनया न्‍हयेदँ पूवने धुंकाः जि छिमिथाय् वये, अले छिमित थ्‍व थासय् लित हये धयागु जिगु बचं पूवंके।

यर्मिया 52:12

बेबिलोनया जुजु नबूकदनेसरया झिंगुंगूगु दँया न्‍यागूगु लाया झिन्‍हु दुखुन्‍हु बेबिलोनया जुजुयात सेवा याइम्‍ह अङ्गरक्षकतय् सेनापति नबूजरदान यरूशलेमय् वल।

दानिएल 9:2

जि दानिएलं यर्मिया अगमवक्तायात ब्‍यूगु परमप्रभुया वचनकथं, धर्मशास्‍त्रपाखें यरूशलेम न्‍हयेदँ तकया लागि नाश जुइ धकाः सीकाकया।

होशे 7:14

इमिसं दुनुगलंनिसें जितः प्रार्थना याइ मखु, तर थःगु लासाय् बिलाप याइ। अन्‍न व न्‍हूगु दाखमद्यया निंतिं इपिं मुनाच्‍वनी, तर जिपाखें धाःसा ख्‍वाः फस्‍वय्‌की।

जकरिया 1:12

अले परमप्रभुया दूतं धाल, “हे दक्‍व शक्ति दुम्‍ह परमप्रभु, न्‍हयेदंनिसें छि यरूशलेम व यहूदाया शहरतलिसे तंचायादीगु दु। ग्‍वःन्‍हु तक छिं इमित दया यानादी मखु?”

जकरिया 7:3

व दक्‍व शक्ति दुम्‍ह परमप्रभुया देगःयापिं पुजाहारीत व अगमवक्तातय्‌के थ्‍व खँ न्‍यनेत छ्वल, “झीसं आः तक न्‍हापांनिसें दँय्‌दसं यानाः थें न्‍यागूगु लाय् अपसं च्‍वनाः शोक यायेमाः ला?”

जकरिया 7:4

अले दक्‍व शक्ति दुम्‍ह परमप्रभुयागु वचन जिथाय् वल,

जकरिया 7:6

छिमिसं नखःचखःया भ्‍वय् नइबलय् छु थःगु हे निंतिं त्‍वनीगु व नइगु मखु ला?

जकरिया 8:19

दक्‍व शक्ति दुम्‍ह परमप्रभुं थथे धयादी, “प्‍यंगूगु, न्‍यागूगु, न्‍हय्‌गूगु व झिगूगु लायागु अपसं व दुखं च्‍वनेमाःगु दिं आवलिं लसताया नखः जुइ। उकिं छिमिसं सत्‍य व शान्‍तियात यय्‌की।”

मत्ती 23:5

“इमिसं न्‍ह्यागु ज्‍यां मनूतय्‌त क्‍यनेत जक याइ। इमिसं व्‍यवस्‍थायागु खँपुयात चिनाः गुलि फत तःधं यानाः थःगु लप्‍पाय् व कपालय् चिना जुइ। अले थःगु वसतय् ताःहाकय्‌क फुर्का तया जुइ।

मत्ती 6:16

“अपसं च्‍वनेबलय् छिमिसं निपाः ख्‍वाःपाः दुपिन्‍सं थें ख्‍वाः खिउँका च्‍वनेगु याये मते। अपसं च्‍वनागु धकाः क्‍यनेत इमिसं थःगु ख्‍वाः खिउँका जुइ। जिं धात्‍थें धयाच्‍वना – इमिसं काये माःगु सिरपाः काये धुंकूगु दु।

मत्ती 6:2

सुयातं छुं बीबलय् जिं थथे बिया धकाः नाय्‌खिं च्‍वय्‌का जुइ मते। थथे ला निपाः ख्‍वाःपाः दुपिन्‍सं जक धर्मशास्‍त्र स्‍यनीगु छेँय् व लँय् लँय् वनाः मनूतय्‌सं तःधं धाय्‌केत धयाजुइ। जिं छिमित खःगु खँ धाये – इमिसं काये माःगु सिरपाः काये धुंकूगु दु।

मत्ती 6:5

“प्रार्थना यायेबलय् छिमिसं क्‍यने थें जक याये मते। निपाः ख्‍वाःपाः दुपिन्‍सं जक मेपिन्‍सं खनेमा धकाः धर्मशास्‍त्र स्‍यनीगु छेँय् व लँय् हे दनाः प्रार्थना याना जुइ। जिं छिमित खःगु खँ धाये – इमिसं काये माःगु सिरपाः काये धुंकूगु दु।

१ कोरिन्‍थी 10:31

अय्‌जूगुलिं छिमिसं नःसां त्‍वंसां न्‍ह्यागु याःसां परमेश्‍वरया महिमाया निंतिं या।

२ कोरिन्‍थी 5:15

फुक्‍क मनूतय्‌गु निंतिं ख्रीष्‍ट सिनादिल। उकिं म्‍वानाच्‍वंपिं आः थःगु निंतिं मखु, बरु इमिगु निंतिं सिनाः म्‍वानादीम्‍ह ख्रीष्‍टयागु निंतिं म्‍वानाच्‍वनेमाः।

कलस्‍सी 3:23

न्‍ह्यागु याःसां मनूतय्‌गु निंतिं मखु, बरु प्रभुयागु निंतिं यानाच्‍वना धकाः मतिइ तयाः दुनुगलंनिसें यायेमाः।