जकरिया 7:10 - नेवाः बाइबल

¹⁰ भाःत सी धुंकूपिं मिस्‍त व मांबौ मदुपिं मस्‍त, परदेशी वा मगाःमचाःपिन्‍त क्‍वत्‍यले मते। छम्‍हय्‌सिनं मेम्‍हय्‌सित स्‍यंकेगु योजना दय्‌के मते।’

जकरिया 7:10 ပူးပေါင်းရင်းမြစ်များ

भजनसंग्रहया सफू 140:2

इमिसं थःगु नुगलय् मभिंगु ग्‍वःसा ग्‍वइ, अले न्‍हियान्‍हिथं ल्‍वापु थनाच्‍वनी।

भजनसंग्रहया सफू 21:11

इमिसं जुजुया विरोधय् जाः ग्‍वःसां इमिगु मभिंगु ग्‍वसाः पूवनि मखु।

भजनसंग्रहया सफू 36:4

लासाय् ग्‍वारातुलीबलय् तक नं इमिसं मभिंगु ग्‍वसाः ग्‍वयाच्‍वनी। इमिगु ज्‍या छुं नं भिंगु मदु। मभिंगु यायेत धाःसा इपिं छपलाः हे लिचिली मखु।

भजनसंग्रहया सफू 72:4

जुजुं चीमिपिन्‍त नं उतिग्‍यंक बिचाः यायेमा, मगाःमचाःपिन्‍त ग्‍वाहालि यायेमा अले इमित क्‍वत्‍यलातःपिन्‍त न्‍हंकाछ्वयेमा।

प्रस्‍थान 23:9

“परदेशीतय्‌त क्‍वत्‍यले मते। छिपिं थःपिं नं मिश्रय् परदेशी जुयाच्‍वने धुंकूगुलिं छिमिसं परदेशीतय्‌गु मन स्‍यू।

हितोपदेश 3:29

छं थः जःलाखःलायात मभिंगु जाः ग्‍वयाजुइ मते छाय्‌धाःसा व छंगु भलसाय् छनापं च्‍वनाच्‍वंगु दु।

हितोपदेश 6:18

मभिंगु जाः ग्‍वइगु नुगः मभिंगु ज्‍या यायेत हथाय् चाइगु तुति

यशैया 1:23

छिमि न्‍ह्यलुवाःत विद्रोही व खुँतय् पासापिं जुइ धुंकूगु दु। इमिसं न्‍ह्याबलें कोस्‍यालि व घुस नयेत माला जुइ। न्‍याय जुइबलय् इमिसं मांबौ मदुपिनिगु पँली मखु। भाःत मदुपिनिगु मुद्दा इमिथाय् थ्‍यनी मखु।

यर्मिया 18:18

अले इमिसं धाल, “वा! झीसं यर्मियाया विरोधय् ग्‍वसाः ग्‍वयेनु। झीत स्‍यनीपिं पुजाहारी, सल्‍लाह बीपिं बुद्धि दुपिं मनूत व पमेश्‍वरया वचन न्‍यंकीपिं अगमवक्तात कम जुइ मखु। झीसं थःगु वचनं यर्मियायात हमला यायेनु अले वं धाःगु छुं नं खँय् ध्‍यान बी मते।”

यर्मिया 21:12

अय् दाऊदया घराना, परमप्रभुं थथे धयादी, “‘सुथ पतिकं न्‍याय या, सुयातं लुतय् याःगु खः वयात अत्‍याचार याःम्‍हय्‌सिगु ल्‍हातं त्‍वःतकि। मखुसा छिमिगु मभिंगु ज्‍यां यानाः जिगु तं मि थें ह्वानाह्वाना च्‍याइ। सुनानं उकियात क्‍वलाके फइ मखु।

यर्मिया 49:11

छिमि मांबौ मदुपिन्‍त त्‍वःता हुँ, जिं इमित म्‍वाकातये। छिमि भाःत मदुपिं मिसातय्‌सं नं जितः भरोसा याये फु।”

यर्मिया 5:28

इपिं यक्‍व नयाः ल्‍ह्वंगु दु। इमिसं मभिंगु ज्‍या यायेगु गुबलें त्‍वःती मखु। इमिसं मांबौ मदुपिनिगु हक लाका काइ, मगाःमचाःपिनिगु न्‍याय याइ मखु।

यर्मिया 7:6

छिमिसं विदेशी, मां बौ मदुपिं व भाःत मदुपिं मिस्‍तय्‌त क्‍वमत्‍यल धाःसा वा थ्‍व थासय् दोष मदुपिन्‍त मस्‍यात धाःसा अले थःत स्‍यंकीपिं मेपिं द्यःतय्‌त पुजा यायेगु त्‍वःतल धाःसा,

इजकिएल 18:12

गरीब व मगाःमचाःपिन्‍त क्‍वत्‍यलीगु, खुइगु, बरः तयातःगु सामान लित मबीगु, मूर्तितपाखे स्‍वइगु व घच्‍चाइपुस्‍से च्‍वंगु ज्‍या याइगु।

इजकिएल 22:12

छंके हे मनूतय्‌सं मनू स्‍यायेत ध्‍यबा काइगु, गुलिं मनूतय्‌सं ब्‍याजय् नं यक्‍व ब्‍याज काइगु, थः जःलाखःलायात अन्‍याय यानाः जबरजस्‍तिं लबः काइगु। छं जितः ल्‍वःमंकूगु दु, परमप्रभु परमेश्‍वरं धयादी।

इजकिएल 22:29

देशयापिं मनूतय्‌सं जबरजस्‍ती लाकाकायेगु व खुइगु ज्‍या याइगु, इमिसं गरीबत व मगाःमचाःपिन्‍त इन्‍साफ मब्‍यूसें इमित अत्‍याचार याइगु, अले विदेशीतय्‌त बांमलाःगु व्‍यवहार याइगु।

इजकिएल 22:7

छंके हे इमिसं थः मां बौयात हेला यात, विदेशीतय्‌त अत्‍याचार यात, अले मांबौ मदुपिं मस्‍त व भाःत मदुपिं मिस्‍तय्‌त बांमलाःगु व्‍यवहार यात।

आमोस 4:1

अय् सामरिया डाँडाय् च्‍वनीपिं बाशानया ल्‍ह्वंपिं सात, छिपिं मिसात, गुपिन्‍सं चीमिपिन्‍त क्‍वत्‍यलाच्‍वन अले मगाःमचाःपिन्‍त दुःख बियाच्‍वन। अले थः भाःतयात धयाच्‍वन, “जिमित त्‍वनेत छुं हयाबियादिसँ।”

जकरिया 8:17

छम्‍हय्‌सिनं मेम्‍हय्‌सित स्‍यंकेगु योजना दय्‌के मते। पाफयाः मखुगु साक्षी बी मते। थुपिं फुक्‍क खँयात जिं घृणा याये,” परमप्रभुं धयादी।

मलाकी 3:5

दक्‍व शक्ति दुम्‍ह परमप्रभुं धयादी, “अबलय् जि न्‍याय यायेत छिमिथाय् वये। अले तन्‍त्रमन्‍त्र याइपिं, व्‍यभिचारीत, मखुगु साक्षी बीपिं, ज्‍यामितय्‌त ज्‍यालाय् स्‍याइपिं अले भाःत मदुपिं मिस्‍त, मां-बौ मदुपिं मस्‍तय्‌त क्‍वत्‍यलातःपिं, परदेशीतय्‌गु न्‍याय लाका काइपिं, जि खनाः मग्‍याइपिं थुपिं सकसिगु विरोधय् जिं हथासं साक्षी बी।”

मत्ती 23:13

“शास्‍त्रीत व फरिसीत, छिमित धिक्‍कार दु। छिपिं निपाः ख्‍वाःपाः दुपिं खः, छाय्‌धाःसा छिमिसं मनूतय्‌त दुहां वने हे मफय्‌क स्‍वर्गया राज्‍ययागु लुखा तिनाब्‍यूगु दु। छिपिं न थःपिं हे दुहां वनी, न दुहां वनीपिन्‍त हे दुछ्वइ।

१ कोरिन्‍थी 6:10

खुँत, लोभीत, अय्‌लाः त्‍वनाजुइपिं, कर्पिन्‍त मभिंका जुइपिं, अले थगय् यानाजुइपिं – थज्‍याःपिं मनूतय्‌त परमेश्‍वरयागु राज्‍यय् दुकाइ मखु।

व्‍यवस्‍था 27:19

“परदेशी, मांबौ मदुम्‍ह व भाःत सी धुंकूम्‍हय्‌सित बीमाःगु न्‍याय स्‍यंकूम्‍ह मनूयात सराः लायेमाः।” अले फुक्‍कसिनं “आमेन” धायेमाः।

याकूब 5:4

छिमिसं बुँइ ज्‍या याःपिं मनूतय्‌त ज्‍याला हे मब्‍यूसे तयातःगु दु। छिमिसं अन्‍याय यात धकाः व ज्‍यामित हालाच्‍वंगु दु। अन्‍याय जुल धकाः इपिं हालाच्‍वंगु सः दकलय् तःधंम्‍ह व शक्ति दुम्‍ह प्रभु परमेश्‍वरं न्‍यनादीगु दु।

१ यूहन्‍ना 3:15

दाजुकिजापिन्‍त हेला याइम्‍ह मनू ज्‍यानमारा खः। अले ज्‍यानमारायाके अनन्‍त जीवन दइ मखु।