जकरिया 6:8 - नेवाः बाइबल

⁸ अले वं जितः तसकं हाला धाल, “स्‍व, उत्तरयागु देशपाखे वनाच्‍वंपिन्‍सं जिगु आत्‍मायात शान्‍त यानाब्‍यूगु दु।”

जकरिया 6:8 ပူးပေါင်းရင်းမြစ်များ

उपदेशक 10:4

हाकिमतय्‌गु तं छंगु विरोधय् दसां छं थःगु ज्‍या यायेगु त्‍वःते मते। सुम्‍क च्‍वनाच्‍वन धाःसा ततःधंगु तं नं शान्‍त जुइ।

यशैया 1:24

अथे जुयाः प्रभु, दक्‍व शक्ति दुम्‍ह परमप्रभु, इस्राएलया बल्‍लाःम्‍हय्‌सिनं धयादी, “आहा! जिं जिमि शत्रुतय्‌त जिगु तं क्‍यने, अले जिगु विरोध याःगुया बदला काये,

यशैया 48:14

“छिपिं फुक्‍क छथाय् मूं वयाः न्‍यँ, द्यःत मध्‍ये सुनां थुपिं खँ न्‍हापा हे कंगु दु? परमप्रभुं ल्‍ययातःम्‍हं हे बेबिलोनया विरोधय् वय्‌कःया इच्‍छा पूवंकी, अले वय्‌कःया बल्‍लाःगु ल्‍हाः बेबिलोनीतय् विरोधय् ल्‍ह्वनी।

इजकिएल 16:42

थुकथं जिं थःगु तं कम याये, अले जिगु डाहाया तं नं छपाखें चिलावनी। जि शान्‍त जुये, जि हाकनं तंचाये मखु।

इजकिएल 16:63

छं याःगु फुक्‍क ज्‍याया निंतिं जिं प्रायश्‍चित यायेबलय् छं व फुक्‍क लुमंकी अले छ लज्‍या चाइ, छं लज्‍यां गुबलें थःगु म्‍हुतु चाय्‌की मखु, परमप्रभु परमेश्‍वरं धयादी।’”

इजकिएल 24:13

“‘हे यरूशलेम, छं याःगु याये मत्‍यःगु ज्‍याखं छन्‍त अशुद्ध याःगु दु। जितः ला छन्‍त शुद्ध याये मास्‍ति वःगु खः, तर छ शुद्ध मजू। अथे जुयाः छंगु विरोधय् जिगु तं क्‍वमलाःतले छ हाकनं शुद्ध जुइ मखु।

इजकिएल 5:13

“थुकथं जिगु तं क्‍वलाइ, अले इमिगु विरोधय् दुगु जिगु तं शान्‍त जुइ। जिं थुकथं बदला काये। जिगु तं इमिके प्‍वंके धुंकाः इमिसं जि परमप्रभुं हे थःगु जोशय् थ्‍व खँ धाःगु खः धकाः सी।

जकरिया 1:15

अय्‌नं जि सुरक्षित जुयाः याउँक च्‍वनाच्‍वंपिं मेमेगु जातितलिसे तसकं तंम्‍वयागु दु। जि थः मनूतलिसें भचा जक तम्‍वयागु खः। अय्‌नं जिं सजाँय बीगु यानागु उपिं जातितय्‌सं इमित बांमलाःगु व्‍यवहार यात।’

न्‍यायकर्ता 15:7

शिमशोनं इमित धाल, “छिमिसं थज्‍याःगु ज्‍या याःगुलिं जि छिमित बदला मकाःतले सुम्‍क च्‍वने मखु।”

न्‍यायकर्ता 8:3

परमेश्‍वरं मिद्यानयाम्‍ह शासक ओरेब व जएबयात छिमिगु ल्‍हातय् बियादीगु दु। छिमिसं याःगु थें ति जिं छु याये फत?” वयागु थज्‍याःगु खँ न्‍यनाः इमिगु तं क्‍वलात।