जकरिया 6:12 - नेवाः बाइबल

¹² दक्‍व शक्ति दुम्‍ह परमप्रभुं वयात थ्‍व धयादिल, ‘स्‍व, कचा धाःम्‍ह थ्‍व मनू थःगु थासय् हे च्‍वन्‍ह्याया वइ अले वं परमप्रभुयागु देगः दय्‌की।

जकरिया 6:12 ပူးပေါင်းရင်းမြစ်များ

२ शमूएल 7:13

जिगु लागि देगः दय्‌कीम्‍ह व हे जुइ, अले जिं वयागु सिंहासन न्‍ह्याबलेंया लागि पलिस्‍था याये।

एज्रा 3:10

परमप्रभुया देगः दय्‌कीपिन्‍सं जग तयेधुंकाः पुजाहारीत थथःगु वसः फिनाः तुरही ज्‍वनाः अले आसापया वंशयापिं लेवीत थथःगु भुस्‍याः ज्‍वनाः न्‍हापा इस्राएलयाम्‍ह जुजु दाऊदं आज्ञा ब्‍यू थें परमप्रभुयागु प्रशंसा यायेत दन।

एज्रा 3:8

यरूशलेमय् परमेश्‍वरया देगलय् इपिं थ्‍यंकः वःगु निगूगु दँया निगूगु लाय् शालतिएलया काय् यरूबाबेल, योसादाकया काय् येशूअ, पुजाहारीत, लेवीत अले बेबिलोनं लिहांवःपिं सकसिनं ज्‍या शुरु यात। परमप्रभुया देगः दय्‌काच्‍वंगु ज्‍या स्‍वयेत निइदँ व व स्‍वयां च्‍वय्‌यापिं लेवीतय्‌त इमिसं ल्‍यल।

यशैया 11:1

यिशैया परिवारया थुथां छपु चुलि ह्वइ, अले उकिया हां पिहां वःगु न्‍हूगु कचां फल सय्‌की।

यशैया 4:2

व दिनय्, परमप्रभुया कचाय् बांलाक फल सइ अले झःझः धाइ अले इस्राएलय् बचय् जुयाच्‍वंपिं फुक्‍कसिगु निंतिं जमिनया फल छगू लसता व गौरवयागु जुइ।

यशैया 53:2

व ला वय्‌कःया न्‍ह्यःने क्‍यातूगु मा थें व गंगु बं पिहां वःगु हा थें तःमा जुयावल। वयात स्‍वयेत झःझः मधाः अले बांलाः नं मजू। वयागु ख्‍वालय् झीत यःगु छुं नं मदु।

यर्मिया 23:5

“स्‍व, थज्‍याःगु दिं वयाच्‍वंगु दु, गबले जिं दाऊदया वंशपाखें छगू धर्मी कचायात पिकाय्। वं जुजु जुयाः बुद्धिं शासन याइ। वं देशय् न्‍याय व पाय्‌छिगु ज्‍या याइ।

यर्मिया 33:15

“‘व दिंखुन्‍हु, जिं दाऊदया वंशपाखें छगू धर्मी कचायात पिकाय्। उम्‍ह जुजुं देशन्‍यंक भिंगु व न्‍याययागु ज्‍या याइ।

इजकिएल 37:25

जिं जिम्‍ह दास याकूबयात बियागु देशय् इपिं च्‍वनी, अन इमि पुर्खात च्‍वनाच्‍वंगु खः। इपिं व इमि सन्‍तानत न्‍ह्याबलें अन च्‍वनी। जिम्‍ह दास दाऊद न्‍ह्याबलेंया निंतिं इमि शासक जुइ।

इजकिएल 41:1

अले वं जितः दुने पवित्र थासय् हल। अले उकिया लुखायाखसित नापे यात। उपिं खुसिया निखेंपाखेया ब्‍या ३.२ मिटर ३.२ मिटर दु।

आमोस 9:11

“व दिंखुन्‍हु “जिं दाऊदया नाश जुइ धुंकूगु वंशयात हाकनं थापं याये, व दुंगु छेँ थें जूगु खः। जिं उकिया पःखाः दय्‌के अले उकियात हाकनं थापं याये। जिं उकियात हाकनं दय्‌के अले उकियात यक्‍व न्‍हापायागु थें दय्‌के।

मीका 5:5

अले वय्‌कःपाखें जक इमित शान्‍ति दइ। अश्‍शूरीत झीगु देशय् वयाः झीगु किल्‍लाय् हमला याइबलय् झीसं न्‍हय्‌म्‍ह जवाःत वा च्‍याम्‍ह नायःत इपिंलिसें ल्‍वायेत छ्वये।

जकरिया 13:7

“दक्‍व शक्ति दुम्‍ह परमप्रभुं धयादी, हे तरवार, दनाः जिम्‍ह फैजवाःयात हमला या, जिनापं दनाच्‍वनीम्‍ह मनूयात हमला या। वयात स्‍या, अले फैत उखेलाः थुखेलाः जुइ। अले जिं थःगु ल्‍हाः चीधिकःपिं भ्‍याचातय्‌गु विरोधय् ल्‍ह्वने।”

जकरिया 3:8

“‘हे यहोशू, दकलय् तःधंम्‍ह पुजाहारी व छंगु न्‍ह्यःने च्‍वनीपिं मेपिं पुजाहारी, गुपिं वइतिनिगु खँया चिं खः, सकसिनं थ्‍व खँ न्‍यँ– जिं जिमि दास, कचायात हये।

जकरिया 8:9

दक्‍व शक्ति दुम्‍ह परमप्रभुं थथे धयादी, “देगः हाकनं न्‍हूगु यानाः दय्‌केगु बारे परमप्रभु परमेश्‍वरया देगःया जग तयाच्‍वंगु इलय् न्‍हापायापिं अगमवक्तातय्‌सं छिमित ‘छिमिगु ल्‍हाः बल्‍लायेमा!’ धकाः धाःगु खँ हे छिमिसं आः हाकनं न्‍यनाच्‍वंगु दु।

मत्ती 16:18

अथे जूगुलिं जिं छन्‍त धाये, छ धात्‍थें हे पत्रुस ल्‍वहं खः। जिं थ्‍व हे ल्‍वहँतय् थःगु मण्‍डली दय्‌के। अले शैतानं तकं थ्‍व मण्‍डलीयात बुके फइ मखु।

मत्ती 26:61

धाल – “थ्‍व मनुखं ‘परमेश्‍वरयागु देगः थुनाः स्‍वन्‍हुं हे दने फु’ धकाः धाल।”

मर्कूस 14:58

“थ्‍व मनुखं थथे धाःगु ला जिमिसं ताया – ‘ल्‍हातिं दय्‌कातःगु थ्‍व देगःयात जिं थुनाः स्‍वन्‍हुं हे हानं ल्‍हातिं दय्‌किगु मखुगु देगः दना बी।’”

मर्कूस 15:29

व लँय् जूपिं फुक्‍कसिनं छ्यं क्‍वात्तु क्‍वानाः वय्‌कःयात गिजय् यानाः थथे धाल – “देगः थुनाः स्‍वन्‍हुं हे दने फु धाःम्‍ह छ हे मखु ला?

मर्कूस 15:39

थथे वय्‌कः सीगु खनाः न्‍ह्यःनेसं दनाः वय्‌कःयात स्‍वया च्‍वंम्‍ह छम्‍ह कप्‍तानं धाल – “धात्‍थें हे व ला परमेश्‍वरया काय् खः।”

लूका 1:78

झी परमेश्‍वर तसकं भिंम्‍ह व दया माया दुम्‍ह खः। अय्‌जूगुलिं वय्‌कलं तसकं थीगु मुक्तियागु निभाः जः झीत खय्‌कादी।

यूहन्‍ना 1:45

फिलिपं नथानेलयात नाप लानाः धाल – “मोशां व्‍यवस्‍थाय् धया थकूम्‍ह व अगमवक्तातय्‌सं च्‍वया थकूम्‍ह नासरतय् च्‍वंम्‍ह योसेफया काय् येशूयात जिमिसं नापलाये धुन।”

यूहन्‍ना 19:5

अनं लिपा कंयागु श्रीपेच व प्‍याजीगु वसतं पुंकातःम्‍ह येशू पिहां झाल। अले पिलातसं – “का स्‍व, थ्‍व मनूयात” धकाः इमित धाल।

प्रेरित 13:38

“अय्‌जूगुलिं दाजुकिजापिं, छिकपिन्‍सं थ्‍व खँ थुइकादिसँ। थ्‍व हे मनूयागु नामं छिमिगु पाप क्षमा जुइ धकाः जिमिसं धयाच्‍वनागु खः।

प्रेरित 17:31

वय्‌कलं थ्‍व संसारय् च्‍वंपिं मनूतय्‌त न्‍याय यायेगु दिं नं क्‍वःछिना तयादी धुंकल। ख्‍वाः स्‍वयाः न्‍याय मयाइम्‍ह छम्‍ह मनूयात नं वय्‌कलं ल्‍यया तयादी धुंकल। वय्‌कलं थ्‍व खँया दसु सी धुंकूम्‍हय्‌सित म्‍वाकाः क्‍यनादी धुंकल।”

१ कोरिन्‍थी 3:9

जिपिं ला परमेश्‍वरयागु ज्‍या याः जुइपिं ज्‍यामित जक खः, अले छिपिं परमेश्‍वरयागु बुँ खः। छिपिं परमेश्‍वरयागु छेँनं खः।

हिब्रू 10:12

ख्रीष्‍टं धाःसा पापयागु निंतिं सदांयात गाक्‍क छता हे जक बलि बियादिल। अले वय्‌कः परमेश्‍वरयागु जवय् च्‍वनादीगु दु।

हिब्रू 7:24

येशू धाःसा सदां म्‍वाना च्‍वनीम्‍ह जूगुलिं वय्‌कःया पुजाहारीया ज्‍या न्‍ह्याबलें दयाच्‍वनी।

हिब्रू 7:4

मल्‍कीसेदेक गुलि तःधंम्‍ह खः धकाः छिमिसं हे थुइकेफु। झी तापाःबाज्‍या अब्राहामंनापं वयात थःम्‍हं लडाइँलय् त्‍याकाः हःगु सम्‍पत्तियागु झिब्‍वय् छब्‍व बिल।

हिब्रू 8:3

तःधंपिं पुजाहारीत फुक्‍कं परमेश्‍वरयात बी हःगु छायेत व बलि बीत तयातःपिं खः। अय्‌जूगुलिं झी दकलय् तःधंम्‍ह पुजाहारीं नं छुं न छुं ला छाये हे माल।