जकरिया 6:1 - नेवाः बाइबल

¹ हाकनं जि थस्‍वयाः थुबलय् जिं कँय्‌यागु निगू पहाडया दथुं प्‍यंगः रथ वयाच्‍वंगु खना।

जकरिया 6:1 ပူးပေါင်းရင်းမြစ်များ

२ राजा 6:17

अले वं प्रार्थना यात, “हे परमप्रभु, थ्‍वयात मिखां खंकादिसँ, थ्‍वं मिखां खनेमा!” अले परमप्रभुं वयागु मिखा चाय्‌कादिल। व च्‍यलं हाकनं स्‍वःबलय् एलीशाया प्‍यखें च्‍वंगु डाँडा मियागु सल व रथं जाःगु खन।

अय्‍यूब 34:29

तर वय्‌कः सुम्‍क च्‍वनादिल धाःसा सुनां वय्‌कःयात दोष बी फइ? वय्‌कलं थःगु ख्‍वाः सुचुकादिल धाःसा छु जातिं वा सु मनुखं वा सुनां वय्‌कःयात खंके फइ?

भजनसंग्रहया सफू 33:11

परमप्रभुया ग्‍वसाः धाःसा सदां दयाच्‍वनी। वय्‌कःया बिचाः गुबलें नं हिली मखु।

भजनसंग्रहया सफू 36:6

छि धर्मीम्‍ह खः धयागु खँ पहाड थें धिसिलाः, छिगु न्‍याय समुद्र थें तःजाः। छिं मनू व पशुतय्‌गु बिचाः यानादी।

हितोपदेश 21:30

परमप्रभुयागु विरोधय् सुं नं मनूया बुद्धि, ज्ञान व ग्‍वसाः ताःलाये फइ मखु।

यशैया 43:13

जि हे परमेश्‍वर खः अले सदां दयाच्‍वनी। जिगु ल्‍हातं सुनानं छिमित छुतय् याये फइ मखु। जिं ज्‍या यायेबलय् सुनां उकियात हीके फइ?”

यशैया 66:15

स्‍व, परमप्रभु मिनापं झायादी, अले वय्‌कःया रथत ग्‍वःफय् थें खः। वय्‌कलं तच्‍वःगु तमं पलेसा कयादी, अले मिप्‍वालं सजाँय बियादी।

यर्मिया 4:13

स्‍व, व सुपाँय् थें हथासं वयाच्‍वंगु दु। वयागु रथ ग्‍वःफय् थें व वयागु सल इमा स्‍वयाः तसकं ब्‍वाँय् वनी। आः गथे याये! जिपिं नाश जुइ धुंकल।

दानिएल 4:15

सिमाया थुथायात नँ व कँय्‌यागु पातां चिनाः उकिया थुथा हा नाप बँय् त्‍वःताबीमाः। “‘व ख्‍यःया घाँय्‌या दथुइ दयेमाः। थ्‍व मनूयात आकाशया सुति लखं प्‍याकेमाः। अले पशुतलिसे पृथ्‍वीया स्‍वांसिमाया दथुइ च्‍वनेमाः।

दानिएल 4:35

“पृथ्‍वीयापिं सकलें मनूत परमेश्‍वरया न्‍ह्यःने छुं नं मखु, स्‍वर्गया दूतत व पृथ्‍वीयापिं मनूतय्‌त वय्‌कलं थः यःथें यानादी। सुनानं वय्‌कःया ल्‍हाः पने फइ मखु अले वय्‌कःयात छिं छु यानादियागु? धकाः न्‍यने फइ मखु।”

दानिएल 8:22

व त्‍वधूगु नेकूया थासय् बुयावःगु प्‍यंगू नेकूया अर्थ थथे खः – व हे देशं प्‍यंगू देश पिहां वइ, तर इमिके उलि बल दइ मखु।

जकरिया 5:1

हाकनं जिं थस्‍वयाबलय् छगू भ्‍वंया थु ब्‍वयाच्‍वंगु खना।

जकरिया 6:5

स्‍वर्गदूतं जितः धाल, “थुपिं स्‍वर्गया प्‍यंगू आत्‍मा खः। थुपिं दक्‍व पृथ्‍वीयाम्‍ह परमप्रभुया न्‍ह्यःने दना च्‍वनीपिं खः, अय्‌नं आः पिहां वःगु दु।

प्रेरित 4:28

थ्‍व ला छिं न्‍हापांनिसें हे ग्‍वसाः ग्‍वयादी थें जक इमिसं याःगु खः।

एफिसी 1:11

परमेश्‍वरं थ्‍व फुक्‍क न्‍हापा हे क्‍वःछिना तःकथं यानादीगु खः। वय्‌कलं झीत न्‍हापांनिसें हे ख्रीष्‍टनाप मिलय् यानाः थः मनू यायेत ल्‍ययादीगु खः।

एफिसी 3:11

परमेश्‍वरं न्‍हापांनिसें हे ग्‍वसाः ग्‍वयादीगु थ्‍व ज्‍या झी प्रभु ख्रीष्‍ट येशूपाखें पूवंकादिल।

१ शमूएल 2:8

वय्‌कलं चीमिपिन्‍त धुलं थकयादी, वय्‌कलं मगाःमचाःपिनिन्‍त नउया द्वं थकयादी, अले इमित इज्‍जतया थासय् तयादी, इमित राजकुमारतय् दथुइ तयादी। “पृथ्‍वीयागु जग परमप्रभुयागु हे खः अले उकी हे वय्‌कलं संसारयात थापं यानादिल।