जकरिया 5:9 - नेवाः बाइबल

⁹ अले जिं थस्‍वयाबलय् निम्‍ह मिसा जिपाखे ब्‍वया वयाच्‍वंगु खना। उमिगु पपुलिइ फय् दु। उमिके सल्‍याँत्‍याः झंगःयागु थें पपू दु। इमिसं व पिचा कयाः आकाश व पृथ्‍वीया दथुइ ब्‍वय्‌का यंकल।

जकरिया 5:9 ပူးပေါင်းရင်းမြစ်များ

भजनसंग्रहया सफू 104:17

अन झंगःतय्‌सं थःगु स्‍वँ दय्‌की, थकुराःमाय् सलांत्‍याः झंगतय्‌सं थःगु स्‍वँ दय्‌की।

यर्मिया 8:7

आकाशय् सलांत्‍याः झंगलं ला छेँ लिहां वनेगु ई स्‍यू। सुकुभत्तु, इखुंचा व सारसं थः मेथाय् च्‍वंवनेगु ई स्‍यू। तर जिमि प्रजां परमप्रभुयागु विधि मस्‍यू।

होशे 8:1

“तुरही पु! छम्‍ह इमा परमप्रभुया देगलय् च्‍वय् ब्‍वयाच्‍वंगु दु, छाय्‌धाःसा मनूतय्‌सं जिगु बाचा त्‍वथूगु दु, अले जिगु व्‍यवस्‍थाया विरोधय् विद्रोही जूगु दु।

लेवी 11:13

“‘झंगःत मध्‍ये थुपिं घचाइपुसे च्‍वंपिं खः धकाः थुइकि। गथेकि थीथी कथंयापिं गरूड, गिद्ध, हाकुम्‍ह गिद्ध, ह्याउँम्‍ह इमा, हाकुम्‍ह इमा, क्‍वः, अस्‍ट्रिच, हुचिल, लःहँय्, बाय्‌चा, न्‍हिकांझंगः, हाडगील, भुल्‍का, राजहंस, धनेस, न्‍या नइम्‍ह क्‍वः, सलांत्‍याः झंगः, न्‍याखुं ब्‍वह, कल्‍कि झंगः व चिकंलापा। थुमिगु ला नये मज्‍यू।

जकरिया 5:10

अले जिं जिलिसें खँ ल्‍हाःम्‍ह स्‍वर्गदूतयात न्‍यना, “थुमिसं थ्‍व पिचा गन यंकाच्‍वंगु?”

मत्ती 24:28

गन सीम्‍ह दु अन गिद्ध नं मुं वइ।”

व्‍यवस्‍था 28:49

तःधिकःम्‍ह इमा स्‍वात्त क्‍वय् कुहां वइगु थें हे परमप्रभुं छिमिगु विरोधय् तापाकं पृथ्‍वीयागु कुन्‍चानिसें छिमिसं मथूगु भाय् ल्‍हाइपिं छगू जाति हयादी।