जकरिया 5:4 - नेवाः बाइबल

⁴ दक्‍व शक्ति दुम्‍ह परमप्रभुं धयादी, ‘जिं सराः छ्वयाहये, अले खुँयागु छेँ व जिगु नामय् पाफयाः मखुगु खँ ल्‍हाइम्‍हय्‌सिगु छेँ व दुहां वनी अले दुने च्‍वनाः उकियात नाश यानाबी, सिँ व ल्‍वहंयात तक नं नाश यानाबी।’”

जकरिया 5:4 ပူးပေါင်းရင်းမြစ်များ

अय्‍यूब 18:15

वयागु पालय् मि बाय् च्‍वनी, वयागु छेँय् च्‍यानाच्‍वंगु गन्‍धक ह्वलातःगु दु।

अय्‍यूब 20:26

तसकं खिउँगुलिं वयागु सम्‍पत्तियात पियाच्‍वनी। मनूतय्‌सं मतःगु मिं वयात भस्‍म याइ। अले वयागु पालय् छु ल्‍यं दुगु खः व नं भस्‍म जुइ।

अय्‍यूब 8:15

इपिं थःगु जालय् लिधनी, तर जाः चःबुइ। इमिसं उकियात बल्‍लाक ज्‍वनातःसां व दयाच्‍वनी मखु।

अय्‍यूब 8:22

छिकपिनि शत्रुत लज्‍या चाये माली, अले दुष्‍टतय्‌गु पाल मदयावनी।”

हितोपदेश 3:33

दुष्‍टतय्‌गु छेँय् परमप्रभुयागु सराः लाइ धर्मीतय्‌गु छेँयात धाःसा वय्‌कलं आशिष बियादी।

यशैया 24:6

अथे जुयाः छगू सरापं पृथ्‍वीयात भस्‍म याइ। अले अन दुपिं मनूतय्‌सं थःम्‍हं याःगु दोषया सजाँय फयेमाः। अथे जुयाः पृथ्‍वी च्‍वंपिं मनूतय्‌त मिं छ्वय्‌काछ्वइ। थुकथं म्‍हो जक मनूत बचय् जुइ।

यर्मिया 2:26

“गथे छम्‍ह खुँ ज्‍वनीबलय् लज्‍या चाइ, अथे हे इस्राएलया घराना, इमि जुजुपिं, हाकिमत, पुजाहारीत व अगमवक्तात लज्‍या चाइ।

होशे 4:2

थन सराः बीगु, मखुगु खँ ल्‍हायेगु, मनूया ज्‍यान कायेगु, खुयाकायेगु, व्‍यभिचार यायेगु ज्‍या जक जुइ। छिमिगु मभिंगु ज्‍या झन अप्‍वया वनी, छगूया ल्‍यू मेगु स्‍यायेगु ज्‍या जुया हे च्‍वनी।

होशे 4:3

अथे जुयाः थ्‍व देशं नुगः मछिंकी, थन च्‍वनीपिं दक्‍व मनूतनापं पशुत, आकाशय् ब्‍वइपिं झंगःत व समुद्रय् च्‍वनीपिं न्‍यात नं नाश जुइ।

आमोस 3:10

परमप्रभुं धयादी, “खःगु गय् यानाः यायेगु धकाः इमिसं मस्‍यू, इमिसं लुतय् याःगु व खुयाहःगु सामान थःपिनिगु किल्‍लाय् दुने मुंकी।”

जकरिया 5:3

अले वं जितः धाल, “देशया दक्‍व थासय् लाये त्‍यंगु सराःया बारे उकी च्‍वयातःगु दु। उकिया छखेपाखे फुक्‍क खुँतय्‌त देशं पितिनाछ्वइ धकाः च्‍वयातःगु दु। अले मेखेपाखे मखुगु पाफइपिन्‍त नं पितिनाछ्वइ धकाः च्‍वयातःगु दु।

जकरिया 8:17

छम्‍हय्‌सिनं मेम्‍हय्‌सित स्‍यंकेगु योजना दय्‌के मते। पाफयाः मखुगु साक्षी बी मते। थुपिं फुक्‍क खँयात जिं घृणा याये,” परमप्रभुं धयादी।

मलाकी 3:5

दक्‍व शक्ति दुम्‍ह परमप्रभुं धयादी, “अबलय् जि न्‍याय यायेत छिमिथाय् वये। अले तन्‍त्रमन्‍त्र याइपिं, व्‍यभिचारीत, मखुगु साक्षी बीपिं, ज्‍यामितय्‌त ज्‍यालाय् स्‍याइपिं अले भाःत मदुपिं मिस्‍त, मां-बौ मदुपिं मस्‍तय्‌त क्‍वत्‍यलातःपिं, परदेशीतय्‌गु न्‍याय लाका काइपिं, जि खनाः मग्‍याइपिं थुपिं सकसिगु विरोधय् जिं हथासं साक्षी बी।”

व्‍यवस्‍था 28:16

छिमित शहरय् सराः लाइ अले बुँज्‍याय् सराः लाइ।

व्‍यवस्‍था 7:26

छिमिसं घच्‍चाइपुगु मूर्ति थःगु छेँय् हये मते, मखुसा छिमित नं व थें नाशया लागिं देछाइ। छिपिं थज्‍याःगु मूर्ति खनाः घच्‍चायेमाः, छाय्‌धाःसा व नाशया लागि देछायेमाःगु खः।

यहोशू 9:20

झीसं पाफये धुंकूगुलिं इमित मस्‍यासे त्‍वःता हे बीमाः मखुसा परमेश्‍वरं झीत सजाँय बियादी।”