8 हानं परमप्रभुं धयादिल,
“हे तःधंगु पर्वत, छ छु खः? यरूबाबेलया न्ह्यःने छ मैदान जुइतिनि। वं देगःया च्वय् फुसय् तइगु ल्वहंयात लिकयाः उकिया थासय् तइ, अले मनूत थथे धकाः ततःसलं हाली, ‘परमेश्वरं आशिष बियादीमा! थुकियात परमेश्वरं आशिष बियादीमा!’”
“यरूबाबेलया ल्हातं थ्व देगःया जग तःगु दु, वं हे थःगु ल्हातं देगः दय्केगु ज्या सिधय्की।” अले दक्व शक्ति दुम्ह परमप्रभुं हे जितः छन्थाय् छ्वयाहयादीगु खः धकाः छं सी।
तापाक तापाक च्वंपिं मनूत वयाः परमप्रभुयागु देगः दय्केगु ज्याय् ग्वाहालि बी। देगः दय्के धुंकाः दक्व शक्ति दुम्ह परमप्रभुं जितः छिमिथाय् छ्वयाहयादीगु खः धकाः छिमिसं थुइ। छिमिसं परमप्रभुं धयादी थें बांलाक मानय् यात धाःसा थ्व जुइ।”
